الموضوع: بدون ذكر اسماء؟؟والشاطر اللي يفهم بقي..

المشاركة الأصلية كتبت بواسطة zoom2zoom

اولا للناس الخبراء والناس المبتدئين واعضاء القسم والناس القديمه طبعا كلنا عارفين ان مجال البايكس ده للاسف مسرح كبير في النصب سواء ( معرض - ميكانيكي - تجار - افراد ).
مش عايز اعمل مقدمات ولا عايز اطول بصراحه بس انا مرارتي هتتفقع ومتغاظ اوي بجد.
دلوقت كان في ناس هنا في المنتدي للاسف وقعوا تحت درس شخص نصاب وبتاع حوارات يدعي ( خ ) وطبعا انا كان ليا خلافات معاه كتير اوي وناس هاجمتني عشان بكشف حقايقه والحدق يفهم
الراجل ده في ناس والله العظيم اتصلت بيا اشتكتلي منه وسيرته زي الزفت
انا هحكي اخر موضوع لسه واصلني هيطير دماغي ونفسي اروح اضربه بجد
الموضوع هو ان ليا صديق ليا كان بيبيع بايك 919 وباختصار شديد تم البيع لشاب (أ . ذ ) صديق لواحد صاحبي الدكتور (م ) والشخص ده شاف ال ( خ ) مع الدكتور فاتعرف عليه واخد عنه انطباع كويس لانه بيحب يخرج مع الدكتور مش صاحبه وشد تحتها ميت خط .
باختصار برضه بحسن نيه ( ا .ذ) بيقول ان المكنه بتقطع منه ومش مظبوطه راح الافندي ( خ ) قاله دي بوجيهات هات بوجيهات وانا اعملهالك وطبعا دي مش جديده عليه انه بيفتي
راح الاستاذ ( ا . ذ ) اشتري بوجيهات لسه جايه من السعوديه من عند واحد زميلنا واخدها وطلع علي ( خ ) وقاله يلا ياعم اشتغل وسابه ومشي ودي اكبر غلطه
يروح بقي ياعم الاخ ( خ ) خالع البوجيهات اللي في البايك ويحط بوجيهات تعبانه صيني وضرب علي البوجيهات الجديده واللي كانت راكبه وشبط بوجيهات تعبانه ودورها وكلمه قاله المكنه بقت فل
جه ( ا . ذ ) جرب البايك لاقاه كويس مشي بيه شويه لاقاه عطل بيه بوجيهات ؟؟؟ اتاري الافندي ( خ ) مش كمان مركب بوجيهات تعبانه دا كمان خلف تقسيمه ال ( بيبه ) وطبعا لما صاحب البايك راح لميكانيكي اكتشف ان البوجيهات دي مش اللي جابها جديده ولا اللي كانت فيها واكتشف كمان ان مسامير الفايبر النص لفه مش موجوده ومحطوط مكانها مسامير بورمه ؟؟؟؟ وللاسف الزفت ( خ ) استغل علاقته ب الدكتور ( م ) بانه شاب كويس وهو انسان زباله

اللي فهم الموضوع وفهم مين هو العضو يخليه لنفسه بس ارجوكم ياجماعه لو سمحت احذروا التعامل معاه دا بيفتي ونصاب وانا اتكلمت في الحوار ده قبل كده ومحدش سمعني والنتيجه 3 حالات وقع عليهم الضرر
اللهم بلغت اللهم فاشهد
مع العلم الموضوع ده قديم بقاله اكتر من شهرين بس انا مرضيتش احط البوست ده وقتها الا لما اتاكد بنفسي من كل حاجه قبل ما اصيبه بجهاله وقبل ما اتهمه او اظلمه بس اتاكدت كويس اوي
ولو حد حابب يسمع حكايه تاني وكمان اخليه يكلم الاعضاء اللي وقع عليهم الضرر منه انا معنديش ماااااااااانع وانا جاهز لاي مواجهه بيني وبينه لو عرف نفسه

أنا متفق مع حضرتك أن هذا المجال به العديد من النصابين للأسف
بس و ألله في برضه ناس كويسة يمكن دي حاجة نادرة جدا بس الحمدلله أنا عندي ميكانيكي خطير و أمين جدا و نظيف في شغله و مش غالي في أسعاره
بس الحلو مايكملش عنده عيب خطير جدا أنه بطيئ في شغله موت و مواعيده زفت الزفت يعني علشان يغيير لي طقم بوجيهات أخد حوالي 4 ساعات شغل و ده بعد أسبوعين أداني فيهم 5 مواعيد مضروبة
عموما أوعي تترك الموتوسيكل لأي ميكانيكي و بالذات لو ماتعرفهوش و بص كويس و هو شغال علي كل حاجة و كل مسمار و راجع وراه الرباط و التركيب و أوعي تأمن لأي ميكانيكي خليك دائما صاحي و مفتح عينيك ليه كويس و أوعي تتكسف من أي حاجة لأن النصاب بيحاول يحرجك و يأخذ أللي عايزه بالطريقة دي
و بالأمانة صدقني أن الحرام أخرته نيلة و فقر و كوارث
و ربنا يسترها معانا أجمعين يارب

المشاركة الأصلية كتبت بواسطة tito29

أنا متفق مع حضرتك أن هذا المجال به العديد من النصابين للأسف
بس و ألله في برضه ناس كويسة يمكن دي حاجة نادرة جدا بس الحمدلله أنا عندي ميكانيكي خطير و أمين جدا و نظيف في شغله و مش غالي في أسعاره
بس الحلو مايكملش عنده عيب خطير جدا أنه بطيئ في شغله موت و مواعيده زفت الزفت يعني علشان يغيير لي طقم بوجيهات أخد حوالي 4 ساعات شغل و ده بعد أسبوعين أداني فيهم 5 مواعيد مضروبة
عموما أوعي تترك الموتوسيكل لأي ميكانيكي و بالذات لو ماتعرفهوش و بص كويس و هو شغال علي كل حاجة و كل مسمار و راجع وراه الرباط و التركيب و أوعي تأمن لأي ميكانيكي خليك دائما صاحي و مفتح عينيك ليه كويس و أوعي تتكسف من أي حاجة لأن النصاب بيحاول يحرجك و يأخذ أللي عايزه بالطريقة دي
و بالأمانة صدقني أن الحرام أخرته نيلة و فقر و كوارث
و ربنا يسترها معانا أجمعين يارب

انا متفق معاك الراي انا بقالي 14 سنه بركب بايكس وطول الفتره دي مش بتعامل غير مع ميكانيكي واحد ومبحبش حد يشتغل في اي مكنه ليا غيره عشان الامانه والضمير والصداقه حتي الغريب بيعمل معاه كده راجل بيراعي ربنا لكن انا بتكلم عن شخص مشاكله كتير وهو عضو هنا في القسم وضر ناس كتير ولازم الناس تاخد بالها بقي لانه عامل زي السم لو انتا كتبت موضوع مثلا علي العام وقولت عايز اركب موتوسيكل تلاقيه نطلك في رساله علي الخاص يقولك انا اقدر اخلصلك موتوسيكل وبتاع ويقابلك ويرحب بيك وانتا تفكره جدع اوي وتستغرب هو بيعمل معاك كده ليه وفي النهايه عشان يا يضربك علي عنيك يااما لما يتزنق وهو معوش موتوسيكل يتصل عليك يستلفه

المشاركة الأصلية كتبت بواسطة zoom2zoom

انا متفق معاك الراي انا بقالي 14 سنه بركب بايكس وطول الفتره دي مش بتعامل غير مع ميكانيكي واحد ومبحبش حد يشتغل في اي مكنه ليا غيره عشان الامانه والضمير والصداقه حتي الغريب بيعمل معاه كده راجل بيراعي ربنا لكن انا بتكلم عن شخص مشاكله كتير وهو عضو هنا في القسم وضر ناس كتير ولازم الناس تاخد بالها بقي لانه عامل زي السم لو انتا كتبت موضوع مثلا علي العام وقولت عايز اركب موتوسيكل تلاقيه نطلك في رساله علي الخاص يقولك انا اقدر اخلصلك موتوسيكل وبتاع ويقابلك ويرحب بيك وانتا تفكره جدع اوي وتستغرب هو بيعمل معاك كده ليه وفي النهايه عشان يا يضربك علي عنيك يااما لما يتزنق وهو معوش موتوسيكل يتصل عليك يستلفه

ربنا يكفينا شره
وجزاك ألله كل خير علي تحذيرك

علي فكرة أنا أقدم شوية من حضرتك في الموتوسيكلات
السنة دي أكمل 28 سنة ركوب
بس طبعا من سنة 1992 تقريبا بقي الموتوسيكل وسيلة المواصلات الثانية بعد السيارة و بصراحة برضه أنا مش بأركبه كتير
يعني يوم الجمعة ده أساسي و مرتين كده ولاحاجة خلال الأسبوع (بعد الشغل لو الوقت و الجو يسمح) و لمدة ساعة مثلا يعني أروح القهوة أضرب حجرين معسل و ألف علي البيت دوغري
تصدق أني عملت أقل من 3000 كيلو من سنة 2009 لحد الأن و علي 3 موتوسيكلات من ساعتها
أولهم كان صيني 250 و بعدها تي دي أم 850 و الأن معايا هوندا فراديرو 1000

المشاركة الأصلية كتبت بواسطة tito29

ربنا يكفينا شره
وجزاك ألله كل خير علي تحذيرك

علي فكرة أنا أقدم شوية من حضرتك في الموتوسيكلات
السنة دي أكمل 28 سنة ركوب
بس طبعا من سنة 1992 تقريبا بقي الموتوسيكل وسيلة المواصلات الثانية بعد السيارة و بصراحة برضه أنا مش بأركبه كتير
يعني يوم الجمعة ده أساسي و مرتين كده ولاحاجة خلال الأسبوع (بعد الشغل لو الوقت و الجو يسمح) و لمدة ساعة مثلا يعني أروح القهوة أضرب حجرين معسل و ألف علي البيت دوغري
تصدق أني عملت أقل من 3000 كيلو من سنة 2009 لحد الأن و علي 3 موتوسيكلات من ساعتها
أولهم كان صيني 250 و بعدها تي دي أم 850 و الأن معايا هوندا فراديرو 1000

ربنا يوفقك يازعيم وانا بحب الفراديرو جدااااااا وبعشقها في الجبل

المشاركة الأصلية كتبت بواسطة hesham94

يياريت تقول علي الشخص دا علشان الكل يحتذر منه والدال علي الخير كفاعلة

لو في ناس قديمه دخلت حطت كومنتات علي الموضوع ده هتعرفه هو مين لاني مش عايز اذكر اسمه عشان ده ضد قوانين المنتدي وانا اتوقفت بسببه من سنتين اكتر من مره