الاستثمار فى الابناء !!!؟؟

**fox3d** · 08-06-2008 11:33 AM

السلام عليك و رحمة الله
هل سمع عن الموضوع ده !! الموضوع باختصار استثمر الفلوس فى تعليم الاولاد اغلى تعليم و اغلى مدارس و جامعات و الكورسات الباهظة التكاليف ليصبح من الكواد القوية المطلوبة فى سوق العمل .
او استثمر الفلوس فى مشروع يدر ربح يمكن به تامين مبالغ مالية محترمه للاولاد ليسعدهم فى بداية حياتهم العملية مثلاً مشروع . زواج . او اى شئ مفيد لهم .و طبعاً مع عدم اهمال جانب الدراسة بس مش حتكون بتركز استثمار التعليم طبعاً.
انت مع مين فيهم !!!؟

**GoldenManEye** · 08-06-2008 12:01 PM

انا مع الإستثمار فى الابناء أنفسهم.

بس فى رأى مدرسة قريبتى قالتهولى إن فى ناس كتير بتعمل إيه.

بيدخلوا ولادهم مدارس عادية "مش حكومة :)" يعنى مدارس خاصة بس مش أم 20 و 30 ألف فى السنة!

و بعد الأعدادية يحولوهم Ig وبعد كده Auc او Guc

وانا بدأت أدرس الموضوع ده لإبنى أدهم بس هوه لسه هيكمل شهرين بعد كام يوم :)

**fox3d** · 08-06-2008 12:06 PM

ربنا يكرمك فى ابنك ويجعله من الصالحين

**GoldenManEye** · 08-06-2008 12:24 PM

المشاركة الأصلية كتبت بواسطة fox3d

ربنا يكرمك فى ابنك ويجعله من الصالحين

ربنا يكرمك

بس إنت مقلتش يا فوكس أنت بقى مع مين فيهم؟ :)

**fox3d** · 08-06-2008 12:36 PM

و الله انا محتار علشان كده عملت الموضوع ده !!!؟؟؟ خصوصاً ان احنا فى الصعيد معندناش استغفر الله العظيم الحاجات ديه Ig وبعد كده Auc او Guc

**3mr Farrag** · 08-06-2008 12:48 PM

انا مع الاستثمار في البناء مش الابناء:d
والله هي فكره حلوه....بس المهم مايكونش الولد لعبي و ياخودها من اصرها
و يشتغل و يسيب العلام:)
و فكره جولدن مان بردوا حلوه....بس ديه علشان تكون اسهل بس من الثانويه....
مش موضوع تعليم:(

**SAbuhashem** · 08-06-2008 01:06 PM

المشاركة الأصلية كتبت بواسطة GoldenManEye

انا مع الإستثمار فى الابناء أنفسهم.

بس فى رأى مدرسة قريبتى قالتهولى إن فى ناس كتير بتعمل إيه.

بيدخلوا ولادهم مدارس عادية "مش حكومة :)" يعنى مدارس خاصة بس مش أم 20 و 30 ألف فى السنة!

و بعد الأعدادية يحولوهم Ig وبعد كده Auc او Guc

وانا بدأت أدرس الموضوع ده لإبنى أدهم بس هوه لسه هيكمل شهرين بعد كام يوم :)

مع احترامي غلط كبير جداً تعمل كدة
يا إما تتبع نفس المنهج وتكمل عليه للأخر في التعليم الخاص بنفس المستوى يا إما تكمل في الحكومي
النقلة من إعدادي حكومي أو من خاص عادي اخرهم حصة كمبيوتر في الاسبوع إلي IG أو من ثانوي حكومي ل-AUC مثلاً هيكون صدمة فظيعة الولد مش هيعرف يتأقلم عليها بسهولة وهيحس بفارق بينه وبين زملاؤه على الاقل في مستوى اللغة .

حاجة تانية لازم توضع في الاعتبار انك تعمل حسابك تدخل جميع أولادك نفس المستوى بمعنى انك عندك ولد واحد دلوقتي تقدر تدخله البرتش أو الشويفات للأخر لكن هتقدر تكمل مع أخوه أو أخته إلي جي في السكة إن شاء الله ؟
لازم النظرة تكون شاملة مش واحد في الشويفات والتاني اوبس كدة كتير خليك إنت في النموذجي :)
أنا رأيي التعليم أهم حاجة وإبدأ اعمل مخطط شامل من دلوقتي للمصاريف على عدد الاولاد والمستوى إلي هيتعلمو فيه كلهم وهل هتقدر تكمل عليه وللا تنزلهم كلهم ال-grade أقل من البداية .

Thanks
Eng.Sherif Shaker

**GoldenManEye** · 08-06-2008 01:48 PM

المشاركة الأصلية كتبت بواسطة SAbuhashem

مع احترامي غلط كبير جداً تعمل كدة
يا إما تتبع نفس المنهج وتكمل عليه للأخر في التعليم الخاص بنفس المستوى يا إما تكمل في الحكومي
النقلة من إعدادي حكومي أو من خاص عادي اخرهم حصة كمبيوتر في الاسبوع إلي IG أو من ثانوي حكومي ل-AUC مثلاً هيكون صدمة فظيعة الولد مش هيعرف يتأقلم عليها بسهولة وهيحس بفارق بينه وبين زملاؤه على الاقل في مستوى اللغة .

حاجة تانية لازم توضع في الاعتبار انك تعمل حسابك تدخل جميع أولادك نفس المستوى بمعنى انك عندك ولد واحد دلوقتي تقدر تدخله البرتش أو الشويفات للأخر لكن هتقدر تكمل مع أخوه أو أخته إلي جي في السكة إن شاء الله ؟
لازم النظرة تكون شاملة مش واحد في الشويفات والتاني اوبس كدة كتير خليك إنت في النموذجي :)
أنا رأيي التعليم أهم حاجة وإبدأ اعمل مخطط شامل من دلوقتي للمصاريف على عدد الاولاد والمستوى إلي هيتعلمو فيه كلهم وهل هتقدر تكمل عليه وللا تنزلهم كلهم ال-grade أقل من البداية .

Thanks
Eng.Sherif Shaker

الف شكر ليك يا شريف على التوضيح وزى ما قولت انا بدرس الموضوع و باخد رأى الناس اللى اعرفهم. انا دلوقتى إهتماماتى الحالية تتمحور حول الحضانة المناسبة :)

وكلامك صح بس الفكرة مش إنه يدخل مدرسة خاص اى كلام! لأ يدخل خاص متوسط زى المنارة و الفيوتشر و ... وبعدين يتنقل.

واكيد طبعاً الاولاد كلهم يبقوا نفس المستوى التعليمى! بس الواحد بيقول 2 كفايه اوى و ربنا يقدرنا على تربيتهم.