الموضوع: موضوع جواز

ياجماعة انا مقبل ع بداية زواج وروحت اتقدمت انا واهلى المهم الاب هو المتحكم ف البيت كله ومراته ملهاش رأي ولا شخصية والامر امر جوزها يعنى ولا بترد ولا بتصد ، المهم ابويا قاله طلباتك ياحج فقاله العريس هيجيب اوضتين واحنا اوضة وعايز الاوضتين يتكتبوا باسم البنت فرد ابويا وقاله قايمة فرد الراجل وقاله لا انت اللي بتقول قايمة انا مش قلت قايمة فرد والدي امال ازاى ينكتبوا باسم بنتك فانا قولتله يعني انت عايز فواتيرهم باسمها قالي مفيش مشكلة ولما تستقر ف بيتك وتخلف منك ساعتها هديلك فواتير الاوض المهم بنتي تكون مبسوطة ومرتاحة معاك ، فامى قالتله المطبخ اكيد ع العروسة فرد ابو البنت وقالها جرى ايه ياحجة انتي مش عايشة ف الدنيا ولا ايه المطبخ ع العريس فبابا قاله ازاي فردت امي وقالتله يعني انت تقصد الحلل فقالها الله ينور عليكي ياحجة الحلل ع العريس ، والمؤخر 20 الف ج ، والراجل عنده محل احذيه ف منطقة شعبية بس مربي بناته عالشدة والحزم بس البنت سرها مع امها وبتخاف تحكي حاجة لابوها ده اللي لاحظته ، هو طلب الطلبات دي عشان اختها الكبيرة اطلقت واتبهدلت ورجعت تاني لزوجها ، فاكيد اى حد يجي لبناته التانيين هيطلب كده كتأمين لبناته من وجهة نظره ولا انتم ايه رايكم ؟
انا مشكلتي بقى ف اسلوب الراجل وشدته انا عائلتي هادية ومش بتاعة مشاكل وابويا ملهوش ف حاجة ف حوار الجعجعة والهياج بصوت عالي لكن هو من وجهة نظري ومن كلامه معانا ومن الجملة اللي قالها لامي (جرى ايه ياحجة انتى مش عايشة ف الدنيا انه مش بيحترم حد خالص ويااما طريقته ف الكلام كده ) هل انا هقدر اتأقلم مع ابوها ويكون طيب معايا وياخدني زي ابنه خاصا انه مش خلف ولاد ؟ اه نسيت اقولكم انا ابويا تاجر مستلزمات صيدليات ووكيل مدرسة صنايع
فهل احنا مناسبين اجتماعيا لبعض ولا لا وهل هعاني انا بعد الزواج بسبب ابوها ولا لا ؟ ارجوكم انصحوني والجواز جوازة صالونات امي اللي جايبالي العروسة عشان امى عارفة امها وعارفة بناتها

المشاركة الأصلية كتبت بواسطة i_am_legend

سيبها وشوف غيرها.وكأنها ماجتش! صالونات بصالونات .واكيد البنت ش هاتفرق معاك.

مش بالساهل كده انا مش عايز اظلمها والبت شارياني