تغطية لمعرض فورميولا الاهرام 2012 جناح honda

**SAMEH_FOUAD** · 02-04-2012 11:50 AM

[frame="7 10"]
تحياتى لكل اعضاء هوندا الكرام

دية تغطية سريعة لجناح هوندا فى معرض فورميولا الاهرام لعام 2012

طبعا المعرض ماكنش فية غير السيارة هوندا سيفيك فقط والدراجات النارية

السيارة من الامام نقدر نقول شكلها كويس بس كانت المفروض تكون احسن من كدة بكتير على الاقل عشان تواكب التطور التصميمى للشركات المنافسة

بالنسبة للشكل الخاص بالشنطة والفوانيس الخلفية طبعا جاء غير مرضى نهائى لاحباء سيفيك والذى تعودوا علية وفعلا شكلها من الخلف كأنك امام عربية من تصميم قديم, وطبعا تم اضافة فوانيس على الشنطة نفسها وهية خاصة بالسوق الخليجى والمصرى , يعنى غير موجودة فى الاسواق الاوروبية

تصميم السيارة الجانبى جاء بخطوط اكتر تحديدا وبارزة خصوصا من عند الرفرف الخلفى وذلك لاستغلال الهواء اثناء السرعة العالية للضغط على السيارة واعطاءها مزيدا من الثبات وايضا توفير للبنزين

جاءت مقصورة السيارة بشكل جديد وتعديلات شملت هوايات التكييف وامالة ناحية السائق اكثر للكنسول الوسطى المدمج فى التبالوة والذى يتكون من ال cd ووحدة التكييف بحيث يكونوا قريبين من يد السائق مع اضافة شاشة معلومات للسيارة , بعتذر عن الصورة دية لانها خارج المعرض بس عشان اوضح شكل اتابلوة اكتر

تم اضافة نظام ال eco mode وذلك لتوفير الوقود

طبعا على الرغم من طول السقف قليلا عن الجيل السابق وتقليل قاعدة العجلات الا ان المساحة اصبحت اوسع من الجيل الثامن ودة بفضل تعلية السقف قليلا هذة الصورة من خارج المعرض

بالنسبة لخامات الابواب الصراحة شكلها وحش جدااااااااا وعاملة زى ماتكون بلاستيك ردىء جدا وفعلا بجد الناس كلها مستاءة من هذة الخامات التى وصلت اليها السيفيك

بعض الصور المتنوعة للفئات

الاسعار والفئات حسب مارود فى المعرض :

1- HONDA CIVIC 2012 LXI : 176,000
2- HONDA CIVIC 2012 VTI :199,000

الدرجات البخارية

طبعا الهوندا ماشاء الله نزلت بمجموعة متنوعة من الدراجات النارية فائقة القوة والسرعة والشكل والتجهيزات واليكم بعض الصور

وطبعا الوحش الاسطورى الدراجة ذات السعة اللترية 1800 سى سى

يارب يكون التقرير عجبكم وبنعتذر عن عدم تغطية بقية الدراجات لان حصل مشكلتين واحدة وهية ان الكاميرا فصلت شحن والتانية ان الموبايل اللى صورنا بية بعد الصور اتمسحت بدون قصد فالحمد لله اننا قدرنا نجمع التقرير دة

HONDA TEAM WORKS

1- SEMSEM KANE : قام بكتابة التقرير

2- AHMED EIHAB : قام بالتصوير

3- MOHAMED ALLAM : قام بالتصوير

شكر خاص لكل من ساهموا فى تنفيذ هذا الموضوع

[/frame]

**haythamkmal** · 02-04-2012 12:50 PM

الله ينور يا رجالة ، تقرير ممتاذ

انا روحت امبارح ساعة على السريع واتفرجت عليها بتمعن اكتر ، وللاسف فعلا حزنت للمستوى الردئ اللى وصلتلة هوندا فى تصنيع السيفيك الجديدة من تقفيل وخامات ونقص فى التجهيزات
وفوق كل ده اسلوب العرض السيئ

**Hussein_Ramdan** · 02-04-2012 01:03 PM

تسلم ايدك ياباشا للاسف انا كان نفسى من زمان وللاسف الامكانيات المادية كانت لم تسمح
وعندما تم تجهيز المبلغ تم تغير الشكل الى شكل سئ انا حزين فعلا على العربية الجميلة

**OmaR_FekrY** · 02-04-2012 03:30 PM

عااااااااااااااش يا وحووش :)

**sanhory** · 02-04-2012 04:54 PM

تقرير جميل

بس في ملحوظة في العربية دي و هي ان اللي حيجبها مش حيلاقيلها شنطة استيراد

**Ahmod** · 02-04-2012 07:21 PM

مجهود كبير وتغطية ممتازة

ماشاء الله

لكن بصراحة فعلا تصميم الهوندا سيفيك الجديد مغيب للامال ! ! والسعر عالي 200 الف كتيير اوي ! !

مش عارف الشركات اليابانية هيفضل مستوى التصميم بتاعهم ينحدر لحد فين ! ! ؟

**m3touk_85** · 03-04-2012 12:21 AM

يس سير نايس جوووووب

ترجموا بقي :):)

**BUNSH** · 03-04-2012 12:27 AM

تقرير رااائع ,,
تسلم وجزاك الله كل خير .

-

-

الموضوع: تغطية لمعرض فورميولا الاهرام 2012 جناح honda

LinkBack

أدوات الموضوع

عرض

-

-

-

المواضيع المتشابهه

حصريا .....تغطية معرض فورميلا الاهرام 2012 ... جناح كيا

تغطية لمعرض فورميولا الاهرام 2012 جناح honda

عمل تقرير مصور عن جناح هوندا فى معرض فورميولا الاهرام

الكلمات الدلالية لهذا الموضوع

المفضلات

المفضلات

ضوابط المشاركة