قانون بنى ادم ............ و قانون بنى كيميا ....

عنوان غريب ... صح .... انا كنت فاكر كده زيكم بالظبط لما تقروا الباقى هتفهموا ........
امبارح و انا مروح ....سايق الاتمومبيل فى امان الله .... و ماشى لا بيا و لا عليا .... الاقى الموبايل بيرن و الاقى عبارة البيت على شاشه المحمول ..
عادى جدا ... بتحصل لكل الناس ... ثم التقت الهاتف من البوكيت اللى متعلق فى التابلو و ترددت كثيرا قبل ان ارد ... ثم اتخذت القرار ورديت ....
و اثناء ذلك لم انتبة لوجود مطب غلس شبه العربيه البيتلز .. فى الطريق ... و لم استطع الوقوف .... المهم اكلت المطب ...ثم شعرت بزلزال فى السيارة و راسى ضربت فى السقف .... و شعرت بأن هناك عصافير تلف حول راسى ... و فى محاوله يائسة منى لاستعاده التوازن ....جائنى سؤال عبر المحمول .. افقدنى الوعى تماما .... و هو .. انت قبضت ولا لسه ؟؟؟
المهم ... لما دماغى ضربت فى السقف ... شعرت بأن هناك افكارا و مواضيع و مفاهيم انسكبت من راسى و اختلطت ببعض مكونه مزيجا متجانسا من المتناقضات .... دعونى احاول ان اتناولها معكم خلال هذا المقال ...........
كل منا درس مادة الكيميا و ماده الفيزيا و قوانين الطبيعه و العناصر الكيميائية .و ايضا المعادلات الحسابية ... فكل مركب كيمائى له خواص ثابته اذا ما تم اضافته الى مركب اخر سيعطى نتيجه ثابته و حتمية الحدوث .. مثلها مثل الاقام و المعادلات الحسابية ... فمثلا( 1 +9=10 ) ( 2*3 =6 )
و هكذا ... فهذا القانون مريح ... و ثابت و نتائجه متوقعه و معروفه مسبقا .... يعنى مثلا فى المعادله الاولى السابقه 1+9=10 يعنى لازم يساوى 10
مجتش التسعه مثلا قالت لا انا تمانيه.. و اضريت اكدب عليكم و اقول انا تسعه علشان اكبر نفسى شويه ... ولا الواحد قال اصل انا كنت صفر و اتمطيت غصب عنى بقيت واحد ..... ولا عنصر الاكسجين اتخانق مع ثانى اكسيد الكربون و سابله المكان و طفش و سابنا احنا نتخنق و نموت ...
معايا ... نيجى بقى للعلاقات الانسانيه و الاجتماعية ..... فحدث ولا حرج ....
فكل انسان منا نشأ و بداخله موروثات ثقافيه و اجتماعية و نفسية تجعله منظمومه قائمه بذاتها ... يحتاج الى كتالوج ... علشان تعرف تتعامل معاه
افكار غريبه و مريبه و شنيعه و فظيعه ... يعنى ممكن تقول لواحد صباح الخير : يرد و يقولك : صباح النور على عيونك يا جميل .. و كمان يقولها و هو بيرقصلك حواجبه ... و ممكن تقول نفس العبارة لواحدة نازله معاك فى الاسانسير : تلاقيها بتبصلك من فوق لتحت كانك شتمتها بأمها اللى لسه ميته امبارح ... يا سبحان الله ... مع ان هى هى نفس الكلمه ...لكن رد الفعل مختلف ... واحد محترم و متعلم و من بيت اصول يروح يتقدم لواحدة برضه متعلمه و محترمه و من عيله مأصله و ترفضه !!!!!! طب ليه يا ستى كده ؟؟ ده عريس لقطه ... تقولك لا اصل كميتنا مش متظبته مع بعض !!! يا ستى انهى كيميا ... ده الكيميا بريئه منكم .... حتى احنا العادييين لما تقعد تتفرج على فيلم و يبقى البطل حرامى و نصاب و قتال قتله و ابن ستين فى سبعين و لما ييجى البوليس يمسكه ... تلاقى نفسك عاوزة يهرب ... ليه يا عم كده .. هو مش قدامك موت البطله ... و ضرب ابوة .. و راح تاجر فى المخدرات
وشويه شويه هيروح يقتل المخرج ... تبقى عاوزة يهرب ... مع انك اصلا مواطن ملتزم بالقانون ... يعنى شيىء غريب
حتى على المستوى الشخصى ... ممكن تقبل كلمه فى ظروف معينه من شخص معين .... و تقفش مع نفس الشخص بسبب نفس الكلمه فى ظرف اخر ..
حتى فى جسم الانسان ....عارفين ... و اللى هياكدوا كلامى ده الاخوة الصيادله فى المنتدى .... الادويه اللى احنا بنتعطاها عمال على بطال ....
تعتمد اساسا فكرة الادويه على المستقبلات ... يعنى فيه مستقبلات فى جسم الانسان لما تزيد او يتواجد مده معينه داخل الجسم تقوم تلك المستقبلات بعمل وظيفه معينه داخل الجسم ...... يعنى اللى عنده صداع مثلا ... بياخد دواء للصداع .. تقوم المعدة بأمتصاص هذا الدواء ليصل الى تركيز معين فى الدم ثم يوثر على المستقبلات لهذة الماده فتقوم بتخفيف الالم او ازالته تماما ......
و على هذا الاساس ... لابد ان نؤكد على فكرة المستقبلات ده فى العلاقات الاجتماعيه ..........و الله بتكلم بجد ... مش تهريج ....
يعنى لابد ان يكون لدينا مستقبلات اجتماعيه سليمه و غير مشوشه لكل العلاقات بيننا و بين الناس حتى نتعايش بشكل افضل .....
مثلا .... لما واحد يقف لبنت مثلا لما تعدى الشارع ... لا تنظر اليه شزرا ولا تبصله من فوق لتحت ... يعنى لو كان فرمها تحت الكاوتش و دعك وشها فى الاسفلت مكانتش هتبصله كده ...... لازم المستقبلات تقولها الراجل ده عمل كده علشان انتى انسانه ضعيفة و مش حمل جرى و مخاطرة فى تعديه الشارع بحكم تكوينك الجسمانى و النفسى ايضا ... فأذن هو يستحق الشكر ........
لما يجيلك واحد و يقولك شوفلى معاك مييايه سلف .... متجيش تقوله بوس ايديه الاول ... يقولك ابوس ايدك علشان مييايه سلف .. هترد عليه و تقوله ما انا هبوس رجلك علشان اخدها تانى ...... لازم تقدر انه مزنوق و قطعها انت معرض للموقف ده و لو معاك اديهمله و هو كمان لازم يشكرك على كده ....
مثلا ...تقرا موضوع مخالف تماما لوجه نظرك و فكرك و عقليتك ... و تلاقى نفسك عاوز تقوم تهبش فيه و ترزعه شبشبين على ودانه .... ليه يعنى كده ... اكيد عندك المستقبلات فيها مشكله ... المستقبلات السليمه تقول : اه وجهه نظر ... لابد ان تحترم .. و اناقشه فيها على اعتبار اننا نمتلك مستقبلات اجتماعيه سليمه و غير مشوشه .....
لما يحصل لزميلك مشكله ما خارج العمل ... و تتصل بيه تتطمن علية ... يرد و يقولك ... اه اصله من النبر بتاعكم ... كله من القر ... الناس عندك عينيها مدورة .... ؟؟ يعنى ايه عينها مدورة ... !!! يعنى انت عاوز الناس تبقى عنيها سمبكسه مثلا ... ده واحد برضه عنده مشكله فى المستقبلات
المفروض يقول : فعلا متشكرين اوى انك بتتصل بيه .... و مش عارف اقولك ايه .... فعلا الصديق و قت الضيق ...

لما تشوف اعلان فى التليفزيون بتاع معجون حلاقة و تلاقى واحده صاروخ عابر للقارت و اقفه جنب الراجل اللى بيحلق دقنه ... وتروح تشترى الكريم ده ... اعرف انك محتاج الى مراجعه المستقبلات ...



لما تتشنج و تنفعل على واحد صاحبك و زميلك علشان انت عارف انه بيحبك و ممكن يستحملك ... و تعامل واحد سمج و مستفز لمجرد انه مديرك فى الشغل او زبون عندك ... يبقى انت محتاج لمراجعه المستقبلات .....


نحن نحتاج يا ساده الى مستقبلات اجتماعيه سليمه ... مبدأها توسم الخير فى الناس و ترك سوء النيه فى التعامل و الالتزام بقاعدة ان كل الناس كويسين الا ان يثبت العكس حتى نحيا حياة اجتماعية سليمه او على الاقل نكون مثل العناصر الكيميائيه .......

هو انت قبضت ولا لسه ؟:44:

والله وبقيت فيلسوف ياابو المسافيخ
مش اي حد يلبس مطبات يارجاله والله فعلا كل ده من مطب بالبيتلز ولا من المكالمه اللي جتلك

والله انا المستقبلات حاليا عندي بتقول ان الكلام ده كلام صح صح وفعلا لو كل واحد قبل ما يطلع الكلمه من بقه
يسكت شويه اد 3 ثواني وبعدين يتكلم حتفرق كتير والله في رد الفعل وفي اللي قدامك وفي حياتنا كلها
واللي اتعلمته من الموضوع كالاتي

1-موضوع الخطوبه ده موضوع فكسان ومفيش احلي من كتب كتاب علي طول عشان تبقي الضربه مش في سقف العربيه لا دي تبقي في ام راسك علي طول متلحقش تفكر ياعيني

2- لو فيه كائن انثوي بيعدي الشارع ادوس عليه لحد ما يلزق وشه في الكاوتش ومقاس الكاوتش يطبع علي وشه وبعدين انزل من العربيه جري اقومها واقولها انا اسف وهيا طبعا ساعتها حتبقي عامله زي توم وجيري اما بيدوس عليه حاجه ويتحول لورقه :)

3- انا دايما في الوضع اللي بيستلف فمعنديش اساسا مستقبلات للموضوع ده غير الضحك عشان بفتكر ساعتها المشهد الخالد الذكر من مسرحيه المتزوجون
مسعود: حنفي متتكسفش ده احنا اصحاب ياراجل قول انا عاووز فلوس
حنفي بشجاعه : طب مسعود انا عاوز فلوس
مسعود : اوكي انتا عاوز انا كمان عاوز ياريت تشوف حد يدينا :)
مسعود مستطردا : عاوز كمان ولا كفايه
:) :) :)

4- اما موضوع العينين المدوره والسمبوكسه فدي المفروض الواحد من وهوا صغير يحاول تتبناه اسره يابانيه او صينيه
ومع الوقت عينه حتتحور بسرعه ويفتحوهاله بسكينه ولا حد يقوله مدوره ولا مقوره

5- بالنسبه لمعجون الحلاقه بشتري انجرام بتاع حسن شحاته ومصطفي عبده لان ساعتها مكنش فيه صواريخ عابره للقارات كلها كانت صنادل بتنقل خضار :)

اما موضوع التمانيه والتسعه اللي بتتقلب دي فانتا بتتفرج علي space toon كتير ياعم الحاج يااما وانتا صغير كنت بتكتب بالمشقلب عشان مفيش حاجه اسمها كده
:) :)

أستمروا .. أستمروا ... انتوا كويسين .
أول مرة الاقى فايدة من المطبات ... غير الفايدة اللى بتخش للعفشجية بسببها .

كلامك جميل بس الواحد ميقدرش يستحمل كل ده فى الظروف دى لازم يطق فى اى حد هههههههههه والله مره من كتر غيظى من واحد صاحبى قومت جايب ميه ساقعه جدااا من التلاجه ودلقتها عليه ناس مستفزززززززه

انت اتغيرت يا حسام .... بس نفس الاستمتاع وانا بقرأ موضوعاتك و بضحك على المواقف بتاعتك هو هو نفس استمتاعى و انت بتقول كلام مجعلص بس زى الفل ....

الا مقولتش العربيه اخبارها ايه بعد المطب و قبضت ولا لسه !!!

QUOTE=swimmer25;3874211262]هو انت قبضت ولا لسه ؟:44:[/QUOTE]

:I_angr1[1]::I_angr1[1]:

اقتباس:

---

المشاركة الأصلية كتبت بواسطة FunnyMickey

والله وبقيت فيلسوف ياابو المسافيخ
مش اي حد يلبس مطبات يارجاله والله فعلا كل ده من مطب بالبيتلز ولا من المكالمه اللي جتلك

والله انا المستقبلات حاليا عندي بتقول ان الكلام ده كلام صح صح وفعلا لو كل واحد قبل ما يطلع الكلمه من بقه
يسكت شويه اد 3 ثواني وبعدين يتكلم حتفرق كتير والله في رد الفعل وفي اللي قدامك وفي حياتنا كلها
واللي اتعلمته من الموضوع كالاتي

1-موضوع الخطوبه ده موضوع فكسان ومفيش احلي من كتب كتاب علي طول عشان تبقي الضربه مش في سقف العربيه لا دي تبقي في ام راسك علي طول متلحقش تفكر ياعيني

2- لو فيه كائن انثوي بيعدي الشارع ادوس عليه لحد ما يلزق وشه في الكاوتش ومقاس الكاوتش يطبع علي وشه وبعدين انزل من العربيه جري اقومها واقولها انا اسف وهيا طبعا ساعتها حتبقي عامله زي توم وجيري اما بيدوس عليه حاجه ويتحول لورقه :)

3- انا دايما في الوضع اللي بيستلف فمعنديش اساسا مستقبلات للموضوع ده غير الضحك عشان بفتكر ساعتها المشهد الخالد الذكر من مسرحيه المتزوجون
مسعود: حنفي متتكسفش ده احنا اصحاب ياراجل قول انا عاووز فلوس
حنفي بشجاعه : طب مسعود انا عاوز فلوس
مسعود : اوكي انتا عاوز انا كمان عاوز ياريت تشوف حد يدينا :)
مسعود مستطردا : عاوز كمان ولا كفايه
:) :) :)

4- اما موضوع العينين المدوره والسمبوكسه فدي المفروض الواحد من وهوا صغير يحاول تتبناه اسره يابانيه او صينيه
ومع الوقت عينه حتتحور بسرعه ويفتحوهاله بسكينه ولا حد يقوله مدوره ولا مقوره

5- بالنسبه لمعجون الحلاقه بشتري انجرام بتاع حسن شحاته ومصطفي عبده لان ساعتها مكنش فيه صواريخ عابره للقارات كلها كانت صنادل بتنقل خضار :)

اما موضوع التمانيه والتسعه اللي بتتقلب دي فانتا بتتفرج علي space toon كتير ياعم الحاج يااما وانتا صغير كنت بتكتب بالمشقلب عشان مفيش حاجه اسمها كده
:) :)

---

حبيبى يا صبحى و الله ... و احشنى من زمان ....عامل ايه .... شكلك بتحاول تستمتع زيى بالظبط
و بس على فكرة ... كان زمان برضه فى صورايخ بس كانت مضروبة قبل كده ....

اقتباس:

---

المشاركة الأصلية كتبت بواسطة No Comment

أستمروا .. أستمروا ... انتوا كويسين .
أول مرة الاقى فايدة من المطبات ... غير الفايدة اللى بتخش للعفشجية بسببها .

---

خدلك انت بس كام مطب كده .... و خش على الاجتماعى ... هتلاقى نفسك عمال تخر مواضيع ...

اقتباس:

---

المشاركة الأصلية كتبت بواسطة koshary

كلامك جميل بس الواحد ميقدرش يستحمل كل ده فى الظروف دى لازم يطق فى اى حد هههههههههه والله مره من كتر غيظى من واحد صاحبى قومت جايب ميه ساقعه جدااا من التلاجه ودلقتها عليه ناس مستفزززززززه

---

معلش يا صاحبى استحمل ... هنعمل ايه ... بنى ادمين برضه ... و خد صاحبك على عيبه ...

اقتباس:

---

المشاركة الأصلية كتبت بواسطة mohamed_selim

انت اتغيرت يا حسام .... بس نفس الاستمتاع وانا بقرأ موضوعاتك و بضحك على المواقف بتاعتك هو هو نفس استمتاعى و انت بتقول كلام مجعلص بس زى الفل ....

الا مقولتش العربيه اخبارها ايه بعد المطب و قبضت ولا لسه !!!

---

انهى استمتاع بالظبط .... قبل المقاومه ولا بعد المقاومه ... اصلها تفرق ..... هههههههههههههه
ربنا يخليك .. هو فعلا فيه كلام مجعلص ... بنحاول نغير شويه ... مع انى و الله بستمتع جدا و انا بكتب بالعامية ... ... و العربية متقلقش عليها .. هى جالها شوية تسلخات فوق الرفرف .. يعنى شويه مرهم و هتكون زى الفل ........

الله ينور ,, تسلم دماغك وايدك ..
دة على كدة الواحد محتاج يغير دستة مستقبببببببلات !!
:dzey:

ههههههههههههههههههههههه مستقبلاتنا في الضياع و الحمد لله

رد سريع 1 : كلام كتير و شكله (بكسر الشين) مايطمنش .. انت فيه حد شيوعى ف عيلتكم؟ ولا انضميت ل 6 ابريل؟ ولا ايه حكايتك بالظبط؟


رد سريع 2 : كلام جميل و مظبوط .. و ده راجع لكل واحد و ظروف نشأته .. يعنى اللي اتربى ع الزعاق والصوت العالي هايطلع عصبى و صوته عالى .. واللي اتربى على شكرا ومن فضلك هايطلع يقول شكرا و من فضلك .. الخلاصة ان الاهل هما اللي بيبوظوا المستقبلات ف دماغ ولادهم و هما برضه اللي بيظبطوها وكل واحد و نظامه .. أما عن كيفية تظبيط المستقبلات فا دي حاجه مرهقة و محتاجه مجهود انك تدرب نفسك علي اسلوب حياه غير اللي اتربيت واتعودت عليه .. موضوع ظريف يا عم حسام .. استمر ..

ملحوظة : انا كمان محتاج تغيير جوز مستقبلات

يا جماعة انتوا باينكوا فهمتوا حسام والموضوع غلط
المستقبلات = مساعدين

لما يقولك انا عايز اغير مستقبلات = انا عايز اغير المساعدين

المستقبلات عنده ضربت بعد المطب وخصوصا انه لسة ماقبضشي

هههههههههه

واعتقد كان باين من رده علي swimmer

QUOTE=swimmer25;3874211262]هو انت قبضت ولا لسه ؟:44:[/QUOTE]

:I_angr1[1]::I_angr1[1]:

حسام بيه عامل دماغ مطبات

انا عايز اغير طقم مستقبلات قدام