الموضوع: تقرير : تغيير سيور الفيرنا

السلام عليكم رحمه الله و بركاته

زي ما قلتلكم في تقرير تغيير الكاوتش احياطي بعد تغيير السيور اتأخرت عشان اعمل تقرير تغيير السيور و مش عارف ان كان عندي حق ولا لأ بس الواحد كان خايف من عواقب التأخيير علي تغيير السيور و قولت ابعد عن الشر احسن.
اجمالي عدد السيور 4
اتنين منهم ميفرقوش حاجه عن الجديد
و اتنين كان فيهم بعض التشققات و اعتقد ان سير الكاتينه لم يكن بحاجه نهائيا الي التغيير !
غيرت كمان البلي و ندمت اشد الندم لأني سمعت كلام البني ادم ال هناك
السيور لوحدها ب 380 جنيه
البلي ب 210
المصنعيه 150
زمن التركيب ساعتين الا ربع
دي صور السيور القديمه

ده كان فيه شويه تشققات

السير ده كان فيه شويه تشققات

السير ده سليم 100%

و ده كان سليم بردو

و دي صوره البلي

المشاركة الأصلية كتبت بواسطة Kareem Fawzy

مبرووك التغيير
ومتضايقش
الامان حلو بردو

الله يبارك فيك يا كريم و ال تقوله يمشي طالما انت المنسق هههههههههههههههههههههه

المشاركة الأصلية كتبت بواسطة koshary

متضايقش ان السير طالع جديد مره سير الدينامو اتقطع منى وفضلت محتاس عالطريق فى وادى النطرون وقطرتها لحد الضبعه وجبت واحد جديد والقديم كنت مركبو مفيش 5 الاف كيلو

الحمد لله انها عدت و ان شاء الله متتكررش...هونت عليا و الله ربنا يخليك

المشاركة الأصلية كتبت بواسطة Bunsh_Fox

الف مبرووووك وربنا يباركلك فيها ..


هوة حضرتك غيرتوااا فى مركز تبع هبور ولا مركز معتمد ,, بصراااااااحة انا بفضل لازق فى قفاة وواد صنايعى لغاية لما يخلص او على الاقل ابقى قريب من عربية لكن اطلع فوق واتابع من الازاز مابعرفش بصراااحة !!

مركز معتمد و ممنوع حد يدخل جوا.....تحس اننا في الموساد ولا ف العنايه المركزه
بس الحمد لله المهندس ال كان شغال فيها كان معايا في الفصل ايام الابتدائي هههههههههههههههههههه
الدنيا صغيره اوي