عاوز أأجر ريس هوندا .. حد يعرف مكان أأجر منه ؟

السلام عليكم

الفكره وما فيها انى لسه متعلم السواقه من كام يوم ف المعموره ف اسكندريه اتعلمت وسقت بجنون بصراحه لان صاحبى اللى كان واقف ف الشارع كان بيقولى انى بجرى زى الصاروخ !!

االمهم انا عاوز اسوق شويه الريس واتعود عليه ف عاوز اشوف حد كويس عنده موتوسيكلات نظيفه أأجر منها وبيبقى سعرها كام تقريبا ؟؟

وشكرا للمساعده مع العلم ان اللى سوقته واتعلمت عليه كان هوندا cbr 400

طبعا انا بفضل ان اللى بيأجر يكون شغال لوقت متأخر لانى مش عاوز اسوق ف زحمه الا لما اتمكن منه كويس .. انا بعرفه اسوقه كويس على فكره بس برضه الاحتياط واجب ( وانا كنت بسوق العجل العادى ) كويس جدا جدا وده ساعدنى كتير ف اللفات والاتزان وكده

ياريت يكون ناحيه : مصر الجديده . حدائق القبه . مدينه نصر

شكرا للمساعده

فى واحد بعد ووندرلاند على اليمين عند التقاطع بتاع شركة انبى
الاسعار اللى اعرفا بس مش متاكد منها انها فى رنج 250

اه فعلا كان فى واحد هناك من حوالى 10 سنين ! انا كنت عايش هناك زمان جدا وكنت ناسيه .. المحل لجوه كده على اليمين وبيحط حاجته مرات بره ناحيه الشارع عشان تبان صح ؟؟ وهوه يعتبر قبل التقاطع على طول .. طب تمام انا عارفه ده .. ال 250 دى ايجار يوم اعتقد صح ؟ و لو كده فيه نص يوم ولا ايه

وشكرا جزيلا

عفوا .... 250 ده ايجار الساعة
ارجو التاكيـــــــــــد

لو نزلت اسكندرية تانى يبقى علىك و على شارع اسكندر ابراهيم و الشوارع المحيطة
عندهم مكن كتير و سألت من فترة كانت ساعة ال250 ب100 جنيه و ساعة ال400 ب120 جنيه
بس وقفت مع الراجل شويه و لما شافنى فاهم لقيته بيقوللى ساعة ال250 ب60 جنيه و ال400 ب80 جنيه
و أكيد كان هينزل أكتر بس أنا مشيت

اقتباس:

---

المشاركة الأصلية كتبت بواسطة laxeg

عفوا .... 250 ده ايجار الساعة
ارجو التاكيـــــــــــد

---

معقول 250 للساعه ؟ اعتقد السعر ده صعب أوى لان كده اغلى من ايجار عربيه فى اليوم !! ! عموما لو رحت هناك هتأكد منه

اقتباس:

---

المشاركة الأصلية كتبت بواسطة omar61995

لو نزلت اسكندرية تانى يبقى علىك و على شارع اسكندر ابراهيم و الشوارع المحيطة
عندهم مكن كتير و سألت من فترة كانت ساعة ال250 ب100 جنيه و ساعة ال400 ب120 جنيه
بس وقفت مع الراجل شويه و لما شافنى فاهم لقيته بيقوللى ساعة ال250 ب60 جنيه و ال400 ب80 جنيه
و أكيد كان هينزل أكتر بس أنا مشيت

---

انا فعلا قلت ف الموضوع انى كنت مأجر فى اسكندريه ..
وانا بصراحه عاوز اقولك حاجه عشان شايف انك من اسكندريه .. ربنا يكون معاك فى الزحمه الفوق الفظيعه اللى هناك !

انا نزلت ف المعموره ومكنتش حابب اطلع بره منها بصراحه بسبب الزحمه غير اننا بنخرج بليل خالص مثلا رحنا بلبع مره وشعبان مره تانيه فى وقت متأخر بسبب الازدحام الرهيب وكمان ان الكورنيش بصراحه بقى يلم اشكال ضاله جايه من حتت ضاله ف ربنا يكون فى عونكوا !

انا كنت مأجره ف المعموره ال هوندا 400 سى سى ب 100 للساعه بعد فصال من 120 ..

يا راجل أنت كده جيت و الدنيا فاضية
تعالى كده على شهر 7 لما الصيف ييجى
مش هتلاقى مكان تمشى فيه بالعربية أو البايك من كتر العربيات و العشوائية و عكس الاتجاه و الغباء
و مش هتلاقى مكان تمشى فيه على الرصيف من الناس و الأشكال الغريبة اللى ماشية

و على فكرة 100 جنيه كويس لو حالة المكنة كويسة و كمان فى المعمورة يعنى الأسعار أزيد شويه عن بره

على فكره انا عاده مش بروح اسكندريه وهيه زحمه نظرا لتجنب المناظر البيئه اللى بتبقى على الشاطئ وفى شارع الكورنيش عموما بتبقى قمه فى القذاره والناس هناك تحسهم جاين من كوكب تانى ... وفعلا زى ما انت قلت بتبقى عشوائيه بغباء وعلى فكره دى تقريبا اول مره اروح بعد الثوره ف اكيد العمليه هتبقى اهمال اكتر من زمان والبلطجه شغاله طبعا الله ينور..
انا على فكره رحت مع صاحبى ومكانش معانا حد عنده شاليه ف اسكندريه زى كل سنه كان معانا واحد صاحبنا عنده شاليه ف ميامى بس المره دى نزلنا وقولنا هنأجر ومليقيناش احسن من المعموره فاضيه ومفهاش دوشه زى بره ..

الريس كان حالته بصراحه ممتازه يعنى ممكن تقول انه جديد لو شفته وبيشد بطريقه رهيبه لو حد عاوز رقم الراجل هناك يبعتلى خاص وانا هبعتهوله يظبطه .. بس حد يبعتلى بقى رقم حد هنا فى القاهره احسن مش لاقى !!

انا عارفه اللى لونه ابيض فى لبنى فى اسود

دا 400 فاير موديل 97 اللى فى المعمورة

دى صوره اللى كنت مأجره اعتقد يمكن هوه اللى قصدك عليه بس فضى ف لبنى ف اسود .. بجد قنبله

http://www4.0zz0.com/2012/04/07/11/354683207.jpg

النهارده سألت تانى
600 فاير repsol ب120 جنيه و عشان خاطرى ب100 جنيه
400 فاير ب80 جنيه
250 قالى واحد مأجره فمعرفش عادة ولا فاير ب60 جنيه
كل الأسعار دى قبل الفصال طبعاً

ده برضه فى اسكندريه وكده صح ؟؟

وبصراحه الاسعار حلوه بس انا مش هبص لل 600 اساسا دلوقتى خالص لانى لسه جديد ومش هينفع اركب حاجه بتجرى بغباء ..

ف اخرى 400 سى سى .. بس نفسى الاقى حد كويس ف القاهره ..وكمان الاسعار بعد الفصال توصل لكام؟

كلمتين وبس يازعيم
احذر ركوب اي بايك مش بتاعتك!!

انا مش فاهم قصدك ليه طيب ؟ هوه انا طبعا معرفش البايك اللى قدامى فيها ايه بس انا مش عاوز أأجر غير حاجه تكون نظيفه عشان كده عملت الموضوع ده هنا ف المنتدى ل ناس راكبه بايك اصلا وفاهمين :)

انت قصدك البايك ممكن يكون فيها حاجه مثلا ؟ وانا لسه مبتدئ ف مش هشترى كده خالص لازم اكون متعود شويه وبعدها اشوف هجيب ولا لأ

بص ياباشا انا من اليكس وفى منطقتين مشهورين بالتاجير بالريس
الاولى فى المحطة عند شارع العجل ودا مكن عايز الحرق
التانيه عند مدينة فيصل وميامى ودا مكن نضيف

انا عارف اللى فى ميامى لانى مكنتش بنزل غير فى ميامى فعلا

ضيف عليهم التالته وهيه انظف حته فى المعموره ... :)

بس نفسى الاقى حد كويس فى القاهره

انا بقولك رايي وانتا ليك حريه الاختيار بس اوعي تفتكر ان اللي بياجروا دول باصين لمكسبهم في الساعه ولا اليوم لا هما باصين لمكسب لاقدر الله الوقعات والاعطال والخرابيش وممكن يجيبلك بايك عايز يغير ورق دبرياج ويظبطهولك علي الشعره وبعد كده ترجعلوا تقولوا البايك بتعمل كذا وكذا يقولك غيرلي ورق دبرياج وانتا هتحللي كده الوش وده بيكون محلول مليون مره

من الاخر مفيش حد هياجرلك موتوسيكل نمره كلوا بياجر كنب ومشنات بالبلدي كده

المهم تأجر و تخلى بالك على البايك
بس المكن اللى شفته شكله نضيف بصراحة
ال600 كان الشكمان متعدل
ال400 كان بيلمع زى الجديد
كان فى واحد واقف ب900 و كان بيغسلها
بس الله أعلم بيعملوا صيانة ولا لأ

ممكن تجيب ريس صينى تتعلم عليه لحد الاحتراف و كل كام أسبوع كده تأجر ريس عشان تتعود عليه برضه
و برضو يبقى بتاعك تعمل فيه اللى أنت عايزه