[caps]السلام عليكم
ارجو الرد بسرعة عشان انا حاجز واحدة من فكرى جروب فى المعرض و حاسس انى هرجع فى كلامى
المشكلة عندى فى سعر اعادة البيع يعنى هى بتنزل كتير و لو بتنزل بتنزل و ان مفيش حد هيعرف يصلحها بره التوكيل و مفيش توكيل قريب ده غير طبعا انها مانيوال .....انا فعلا محتار يا ريت حد يرد و شكرا مقدما :)[/caps]
سيدي الفاضل انصحك لو ينفع ترجعها رجعها
ليه تدفع المبلغ ده و في الاخر العربية مانيوال
غير كدة العربية فخمة جدا بس حتى لو الموتور إيكو بوست صغير عليها قوى
لو حابب الفورد يبقي خليك في الفوكاس هايلاين
و لو التفكير في إيعادة البيع يبقي طلبك مش فورد خالص
فى الغالب ده اللى هيحصل و شكرا جزيلا :)
لو هتجيبها لازم تكون حاببها اوى و فاهم ان المونديو فئة عالية ظلمها التوكيل بعدم الدعاية و انا شايف سعرها لقطة بصراحة اللى بـ 170 الف كفاية انك راكب مونديو بسعر مقارب لسعر الالنترا مع احترامى للالنترا
هو سعر المونديو كام ؟؟
الي اعرفة انها بـ 200 و 235 الف مش 170 خالص ؟؟
المونديو فعلا سعرها 170 ألف فقد .
ويقال ان السعر عرض من فترة حتى الآن
+++++1111اقتباس:
المشاركة الأصلية كتبت بواسطة ayabooy
على فكرة السيارة موجودة بدون حجز وبنفس السعر 170 ألف
انا لو مكان حضرتك هرجعها عشان بس انها مانوال زحمة المرور دلوقتي تخليك تكره المانوال حتى لو كانت مرسيدس
المقارنه بعد الغاء الحجز هتكون بين فوكاس هاي لاين او قشقاي هاي لاين
دا رأيي لو كنت مكانك
ولا تنسى الاستخاره
الصراحة المنديو عربية تحفة وفخمة جدا وفيها كل الاوبشن الي ممكن تتوفر في عربية في رنج السعر دا وفي رنجات اكبر كمان يعيبها انها منيوال ودا عيب للي بيحبو الاتوماتيك لكن في ناس وانا منهم بشوف ان متعة السواقة في المنيوال.
وكفاية انك هتحس انك راكب عربية مميزة ومش منتشرة اوي
المانيوال عيب فى الزحمة طبعا بس ليه برضه مميزاته مش هتدخل فى حوارات الفتيس يبوظ و لازم مش عارف تعمله ايه كل شوية .. يعنى هتبقى مستريح من ناحية الفتيس خالص بس الزحمة برضه مشكلة
بس بالنسبة لى بصراحة سعر العربية و شكلها يخلينى اتغاضى عن نقطة المانيوال و الاوتوماتيك
رجعها واشترى فوكس الجديده كامله اعلى فئه بالسعر ده اوعى تشترى مانيوال في مصر غير لو عايش فى الغردقه او شرم مثلاً
أعرف واحد معاه المنديو دي وطاير بيها
حسب كلامه بيقول أنا حاسس إني راكب مرسيدس c بسعر كورولا
بس أنا ماركبتهاش
كنت متابع لموديلات فورد ولكلام مدير التسويق فى شركة فورد الاتكلم تحديدا عند سؤالة عن سبب نزول المونديو بالفتيس المانيوال والموتور 1600 انة يكون اخف وزنا ويفرق فى العزم والتوب سبيد للسيارة عن الاتوماتيك وان الفتيس الاتوماتيك حيكون متوفر فى المونديو السنة القادمة 2013 وانا من راى انة ملوش لازمة انهم يستخدمو على سيارة جميلة بل رائعة موتور 1.6 عادى بفتيس مانيوال وبالسعر دة
المتعارف علية فى شركة فورد فى الخارج 2012 Ford Mondeo Edge الفئة الاساسية سعرها 173.000 مجهزة بموتور و 1.6 ( EcoBoost SCTi Start/Stop (160ps )
مزود ب turbocharged وناقل حركة PowerShift six-speed, dual-clutch automatic transmission
وموتور اخر 2.0-litre Duratorq TDCi ديزل متوفر لل Mondeo Edge ايضا و الفئات الاعلى وطبعا الاغلى سعرا Zetec, Titanium, Titanium X بيصل 250.000 جنية
فاظن نزول السيارة بالموتور الحالى والفتيس المانيوال استخفاف بالعملاء وانا شايف ان اغلب التوكيلات اهم شىء هو الشكل وترك وما هو جديد وبالتالى يقع المستهلك المصرى تحديدا فى حيرة وتردد مقارنة بالكماليات والتجهيزات
الاساسية وسعرها الحالى البيصل ل 180.000 فول اوبشن مانيوال + فتحة سقف
و فول اوبشن مانيوال هاى لاين سعرها 215.000 بيضع المشترى فى قرار صعب وبيبعد عن السيارة خاصة الجير بوكس المانيوال مش محتاج شوارع بندوس فيها فرامل اكتر ما بندوس بنزين
رجعهههههههههههها
عندك حق بس هم استخفو بنفسهم لأن محدش اشتراها اصلاً غير اللى مش عايز اوتوماتيك ودول عددهم محدود جداًاقتباس:
المشاركة الأصلية كتبت بواسطة mohamed.ramah