بسم الله الرحمن الرحيم .. الله واكبر يارب زيد وبارك 30 مشاركه في اول 6 ساعات :D
انا بشكركم كلكم على ارآئكم ودعواتكم دي يا جماعه وبعتذر اني مش هقدر ارد عليكم كلكم
بس انا بجد سعيييد بكل مشاركه وكل رأي اتقال هنا .. بس في بعض النقاط مينفعش اتغاضى عنها
هجاوب عليها في مشاركه وحده لضيق وقتي (:
اقتباس:
كنت برجح تغيير اسم الموضوع الي :
تقرير وافي بالصور .. عن تجديد شامل لنيسان صني خليجي
والله انا فضلت مع نفسي ربع ساعه واقف مش عارف اكتب ايه في العنوان ..
وفي الاخر استقريت على الي انا كاتبه .. والي حضرتك رجحته عجبني برده هنسيب الموضوع لاحمد TV
اقتباس:
ده ييوضح كمان الفرق بين العربيات اليابانى و الكورى على الصينى . الصينى و الكورى مهما اتجدد ما يرجعش زيرو تانى
بصرآآحه ؟ انا مش متفق معاك في الموضوع ده وخليك محايد يا صقر :up: هههههه
انا بقول الكلام ده لاني شفت عنده نوبيرا 2 بيتغيرلها سقف و عربيتين فيرنا داخلين في قطر
والله والله بسم الله ما شاء الله طالعين زيرو (تخيل بقولك مغيرلها سقف) غير السيراتو كوبيه
والنترا الشكل القديم كمان .. يعني الكوري كمان بيتعمل فيه شغل عالي :D
الـعربيتين الفيرنا اتصينو بسعر زهيد جداااااااااا .. بس كل قطع الغيار كانت صيني
سواء كاببوت او فوانيس او ريديادير او اكصدام كان كله صيني ..
والنوبيرا ركبلها سقف ابيض استيراد ولون العربيه كان كحلي تقريباً
اقتباس:
السؤال : جبت الكاوتش بريدجستون ايه ؟؟ بوتنزا ولا تورنزا ولا حاجة تالتة ؟؟ وبكام الفردة ؟؟
انا جبت تورانزا الياباني الفرده عامله 600 مع التركيب والترصيص ونفخ نيتروجين كل شهر لمده 4 سنين
اقتباس:
كنت عايز اعرف من حضرتك اية اخبار الفوانيس التايوانى زى الاصلى فى الاضاءة واللون و كده و بتفضل زى ماهى ولا بتغير ؟؟
الفوانيس ممتازه بس مفتاح الرجلاش تعبان مش زي الاصلي
وبخصوص الاضاءه مش هقدر افيدك لانها تعبانه عندي ومحتاج اغير اللمض اصلاً
لانهم مش متكافئين وحده فيلبس ووحده مصري ..
ومش عارف هيفضلو زي ما هما ولا لا لاني اول مره اجربهم
اقتباس:
وجه وخلال 3 دقائق فتحها
ازااااااااااي ؟!!
واسعار قطع الغيار كويسه اوي
بس تقريبا تيل الفرامل الجولد ب 60 مش 70
حط مفك في الباب من فوق وزق الباب 1cm ودخل سلك وفتح الباب
والله انا سألت في اكثر من مكان وكان السعر بيتراوح من 70 لـ 75
واسعار نفس التيل للهايونداي بـ من 60 لـ 65
اقتباس:
المفروض بقى تعمل حفله افتتاح وتعزم الصقور كلها على ديك روووومى كبيييييييير اوووووى والشاى علينا
بس كدا ؟ من عنيا الاتنين والله هعمل الحفله والديك عليك :tongue14: هههههه
اولاً بخصوص بقى السمكره انا تعمدت مقولش سعر لسبب كدا
بس ع العموم العربيه اتكلفت 1200 سمكره و 1400 رش http://www.nilemotors.net/Nile/data:...BJRU5ErkJggg==
طبعاً الاسعار مفيش بعد كدا يا جماعه .. وغير كدا السمكري والله عمل حاجات كتير في العربيه
زي استعدال فرده الشاسيه الشمال واستخدم فيها زرجينه مع ان تكلفة (تغيرها بالكامل) في التوكيل وصلت 1800 جنيه لوحدها http://www.nilemotors.net/Nile/data:...AAAElFTkSuQmCC
ثانياً بخصوص الطاسات انا عربيتي يا جماعه جنوط 14 مش 15 عشان كدا لفيت مصر كلها
ملقتش اببببداً طاسات 14 صني وقالولي مش هتلاقيها في التوكيل كمان (مسألتش هناك صراحه)
ولقيتها عند بتوع الاستيراد سعرهم 350 جنيه استغلتهم جدا صراحه وقررت اجيب طاسات مؤقته
لحين تجنيط العربيه او هبعت اجيب الطاسات من الخليج