لعله خير.....................ايه شعورك لو حصلك .........

بسم الله الرحمن الرحيم

اعتقد ان معظمنا عارف القصه بتاعت الوزير اللي كان كل ماتحصل مصيبه يقول للملك لعله خير واللي كان نهايتها ان الملك نجي من الموت بسبب مصيبه حصلتله قبل كده وظنها الملك شر والوزير قله لعله خير فراح الملك طرده وساعتها تذكر الملك كلمت الوزير لعلهههههههههه خيييييييييييييييير
مش ده موضوعنا.........
يمكن قليل منكم يعرف اني بقالي شهر بعمل شويت سمكره وبويه ونضافه بسيطه في العربيه بتعتي زي تغير الاكصدام الخلفي وسمكرت الرفرف اليمن الخلفي المهم رشيت البويه من اسبوع في الفرن وطبعا بويه سكنز ولمعت العربيه ورحت واخد العربيه غاسلها من بره وجوه وبقت حاجه بسم الله ماشاء الله منوره
النهارده اول مره اخرج بالعربيه رحت الزقازيق الدنيا زحمه واقف في حالي راح الفتك اللي واقف ورايه بعربيه ملاكي مشغلها تاكسي كاسر شمال وطالع مني ورح حاكك الرفرف الشمال والاكصدام بالرفرف اليمن بتاع عربيتهhttp://www.nilemotors.net/Nile/[IMG]...hoto0211uu.jpg
http://www.nilemotors.net/Nile/[IMG]...hoto0211uu.jpg[/IMG]
http://www.nilemotors.net/Nile/[IMG]...photo0210f.jpg[/IMG]
انا مش عارف اوصف شعوري في تلك اللحظه بس انا جتلي حاله هستيريه وقعدت اسب والعن والنتيجه اني رحت شايت العتب بتاع عربيتي تحت باب السواق ودي النتيجه
http://www.nilemotors.net/Nile/[IMG]...hoto0209mt.jpg[/IMG]
ولما شفت المنظر ده رحت راكب عربيتي من سكات والراجل قعد يبوس علي راسي ويتاسف ويقول انا حمار انا حمار
مشيت والدمعه هتفر من عيني وبعدين طلعت بره الزقازيق لقيت عربيه نقل كبيره مكتوب عليها من ورا لعله خير
لما قرتها تذكرت القصه اللي حكتها في الاول وهديت خالص
واستغربت اللي انا عملته
ولما وصلت البلد جبت فوطه عليها بنزين ومسحت الحكه نضفة وبقي ملهاش اثر غير اللي في الصور
المهم دلوقتي انا اسمع عن ناس بتعالج الخبطه اللي في العتب بالشفط حاجه كده بتشفط الصاج وتطلعه لبره تاني وبعد كده يظبط لو حد يعرف حاجه عن الموضوع ده فاليفينا وله الاجر وثواب عند الله
اه كمان انا رجلي بتوجعني من الشلوت بتاع العتب ممكن تتشفط دي كمان ولا ايه...........
حتي الهزار ماليش نفس

الصور تاني
[IMG]http://img713.imageshack.us/img713/1285/photo0211uu.jpg[/IMG]
[IMG]http://img43.imageshack.us/img43/5425/photo0210f.jpg[/IMG]
[IMG]http://img842.imageshack.us/img842/1764/photo0209mt.jpg[/IMG]

معلش حصل خير يا عم zezenia ..

< و عسى ان تكرهوا شيئا و هو خير لكم > .. صدق الله العظيم ..

إن شاء الله العتب ده أمره سهل .. بس بصراحة معرفش بيتعمل فين ..

تحياتي ..

ممكن تسأل في اوتو ايجبت.

يا كبير الحمد لله انها جت فى العتب
سيبها شويه علشان العين هتلاقى الناس قالت انك جبت عربيه جديده
ومتخوفنيش انا ظبت عربيتى وهستلمها بكره
ربنا يستر

قدر الله وماشاء فعل فدااااااااااااااك

ياباشا بسم الله ماشاء الله انا مش عاوز احسد بس حضرتك طبقت العتب برجلك :)
اكيد سيفتي ولا ايه :)
بس خفيفه ان شاء الله ممكن سمكري يشوفهالك

ياراجل وقعت قلبي الحمد لله انها جت على قد كده وربنا يكفيك شرها

بصراحه يارجاله انا كنت محروق عالمجهود والوقت اللي كان ممكن يضيع في لحظت غباوه من سواق غبي
بس واضح اني انا اللي اتغابيت علي نفسي وعملت في عربيتي اكتر من اللي عمله الراجل
حسبي الله ونعم الوكيل

الحمد لله على كل حال

الحمد لله انك بخير


والى يجى فى الريش بقشيش


سيبها كدا تاخد العين


حفظك الله تعالى من كل مكروه

قدر الله وما شاء فعل
الحمد لله انها جت على قد كده
مادام البنى ادم كويس يغور الحديد فى دهيه

متزعلش الحمد الله علي كل شئ

انت لابس جزمة حديد
ولا تكون لابس بيادة ؟
ههههههههههههههههههههههههه

الحمد لله ياسيدي بسيطة خالص
والتكسجية في الزقازيق دلوقتي يانهار ازرررررررررررررق
كل واحد راكب عربية حمرا او نبيتي مشغلها تاكسي
لما بقت حاجة تقرف


موضوع الشفط ده ماعنديش عنه خلفية

شوف العقيد خالد يقولك ايه فيها

يعني الخبطه اللي انت نزلت و زعقت و لعنت و اتعصبت طلعت بسيطه وانت اللي خبطها خبطة معلم طفست العتبه
يلا الحمد لله علي كل حال ياعم خالد ماتضايقش نفسك
الخبطه بتاعة العتب دي عندي اختها بس انا كان موضوعي اكبر من كده بكتير و ماعرفتش ارجعها تاني فسيبتها زي ماهيا كده

يلا ياعم خالد رزقك في رجليك اهو
http://www.nilemotors.net/Nile/279653-a.html

فداك يا خالد بيك .. وان شاء الله تتعمل على خير
وفداك .. والحمد لله انها جت على قد كدا
وخاليها شوية تاخد العين
وقدر الله ماشاء الله

ورستوخ .. والحمد لله على كل شئ

يا باشا كله خيييير ان شاء الله ...

الحمد لله على كل حال ...

و فعلا عندك حق .. السواقة في الزقازيق عالم تاني ... ربنا يسترها ...

و الحمد لله على سلامتك

قدر الله وماشاء فعل بسيطة إن شاء الله
بص ياباشا موضوع الشفط دة مش بينفع فى العتب او صاج وراة عضم
أصلاح العتب بتاع حضرتك سهل جدا كان عند اخويا معجون العتب وصلحة وبقى زى الفل أزاى
1- فى صنيعية اى كلام بيقولك تقطع الصاج ونحط غيرو وأجمد من بتاع الفبريكة ملهاش غير كدة أو نحط صاج فوق الصاج أو كساحة ياباشا علشان تحمى باقى العتب دة طبعا تسيبة وتمشى ومن غير سلام .
2- فى صنيعى بيحط ماسورة داخل العتب من أخرالعتب فى فتحة ومتغطية بكوتشة مدورة تشوفها من عند الكرتيرة الخلفية دية علشان أستعدال العتب المهم يكون عندة الماسورة وهى عبارة عن مسورة وبقلوظ بتفتح بحركة دائرية موجودة عند السمكرى دة لو العتب حالتة سيئة شوية أكتر من بتاع حضرتك ممكن برضو عندك ينفع بس لازم معاها الطريقة الثالثة
3- الى ينفع مع سيتك وعن تجربة ( الاصلاح بالمسامير الشك ) السمكرى بيدق مسمار شك رفيع فى مكان الخبطة وبيسحبة فى كل سم من خبطةا لعتب وبيسحب لبرة وبيتعدل العتب ويكون زى الاول بالضبط وبيسد مكان المسمار أما لحام خفيف ويجلخة او نقطة معجون استوك وشوية بلاك وترش مكان الخبطة مش كل العتب لان المسالة عند بسيطة جدا ويارب اكون افدت حضرتك .

مش عارف اقولك ايه يا خالد لأنى حاسس بحرقة دمك
بس نعمل ايه فى الاغبية اللى راكبين عربيات
عاوز اقولك هنا خد من ده كتييييييييييييييييييييييي ييييييير
يلا فداك وتتصلح على خير ان شاء الله

شوف رغم كل المشاركات الي قبلي دي الا اني انا الوحيد الي حاسس بيك ..
لان حصل معايا نفس الموقف بس موقفي اسهل شوية لاني انا الغلطان
انا لسا موضب العربيه وبقالي اكتر من شهرين رايح جاي ورشتها
واول يوم استلمها جيت اركنها وكان في حجر محطوط مخدتش بالي منو خبط من قدام وكسر الاكصدام
تخيل بقى انت زعلان عشان اتخدش انا بقولك اتكسر .. ودمعت فعلا هههههههههههههههه

بسيطه وقدر الله وما شآء فعل .. بس اموت واعرف نوع الجزمه الي كنت لابسها ايه ؟
وهل في اي اصابااات في اصابع رجلك ؟ هههههههه مآشآء الله
بخصوص العتب انا عندي سمكري رجعهالي زي الفبريكه بس معرفش هيشفط
ولا هيعملها ع السخن .. لو تحب هبعتلك رقمو تكلمو

فداك يا جميل وكل حاجه ليها حل وخاصتا انها بسيطه
ومدايقش نفسك وسبها شويه ومتبصلهاش فى الرايحه والجايه وانته مش حتحس بحاجه واستمتع بعربيتك

معلش يا خالد .. المهم انك بخير

الحمد لله ياعم خالد على كل حال
ولا تزهق نفسك
قدر الله وما شاء فعل

قدر الله وماشاء فعل فداك عربيات الدنيا كلها يا خالد بيك :)

تسلموا ياصقور
ان شاء الله لما نتقابل الجمعه هوريهالكوا
السؤال اللي محير الناس كلها انا كنت لابس جزمه ايه نخلي الاجابه ليوم المقابله هههههههههههه

بالنسبه لموضوع الشفط ده يارجاله انا ليه واحد صحبي طلع يعرف واحد في السنبلاوين دقهليه (تعتبر قريبه مني) وناوي ان شاء الله اصوره لما اعمله واعرضه عليكم وشكرا

فداك يا كبير و ارجو زكر نوع الجزمه

قدر الله وما شاء فعل حصل معايا نفس الموقف فى الزقازيق تقريبا السواقين فى الزقازيق تنحين جدا وعاوز اى حد يشفط الطتبيءة دى وياريت لو حد يعرف اى حاجة كمان تدارى الخرابيش