يا جماعة ... أنا بفكر أفتح محل صرافة ... أنا خايف طبعاً علشان حوار مابعد الثورة و حوار السطو و كمان حوار شرم الشيخ ...
بس طبعاً لو فتحت المحل هيبقى قريب جداً من التجنيد اللي موجود في مصر الجديدة
أنا أصلاً مهندس سيارات و عندي خبرة طبعاً في مجال العربيات و عاوز أفتح محل زوايا و كدة بس أنا بفكر برضو في حوار المكسب .. أنا لم سألت ناس كتير اكتشفت إن في مهندسين و دكاترة فاتحين محلات صرافة و إن أقل مكسب 3000 جنيه في الشهر و طبعاً ممكن يزيد بس أقل مبلغ هو 3000 جنيه مكسب ...
أنا مش طمعان بس أنا عاوز حاجة مضمونة المكسب بتاعها ... و طبعاً قبل موسم الحج الصرافات بيكسبوا حلو
بس أنا بفكر في حوار الأمن و دلوقتي الواحد لازم يمشي بسلاح حي (طبعاً هيبقى مترخص) و المحل برضو هيبقى فيه أكتر من سلاح ده غير شركة الأمن اللي هيبقو برضو معاهم سلاح
في حوار الزوايا أنا لما رحت المعرض بتاع الاهرام عرفت إن أنا لازم يكون معايا 200,000 في الأول تمن الأجهزة بس ده من غير إيجار المحل ولا تمن التظبيط بتاع المحل .. و بعد كل ده أنا عارف إن الزوايا بحوالي 40 أو 50 جنيه للعربية يعني مش مكسب اللي هو بعد المصاريف ديه كلها ..
فكرت في حوار محل قطع غيار و قلت أنا لو كدا كدا طالع من ذمتي 200,000 جنيه يبقى هدفعهم برضو في المحل ده ... رحت سألت في منصور لو ينفع أخد من عندهم قطع غيار قالولي الفلوس اللي معاك يدوبك يجبولك 20,000 كريدت لقطع الغيار .. و قلت لنفسي يا واد ده مفيش أكتر من محلات قطع الغيار في مصر .. إنت هيكون معاك منافسين كتار و نفس الكلام ينطبق على الصرافة برضو بس لما تحسب المكسب الصرافة تكسب في المقارنة
دلوني أعمل إيه ... أنا أصلاً مش حابب حوار أني أبقى موظف حتى لو بقيت رئيس مجلس إدارة برضو فالأخر إسمي موظف لكن لو فتحت حاجة إسمي صاحب شركة ... و شكراً مقدماً
المفضلات