مشكله فى العربية سكودا فلشيا لمبة الزيت وانا ماشى تقيد وتطفى مع كل نقله مجرد ماشيل رجلى من على دواسه البنزين تقعد ترعش ولما ادوس سنه تختفى
عرض للطباعة
مشكله فى العربية سكودا فلشيا لمبة الزيت وانا ماشى تقيد وتطفى مع كل نقله مجرد ماشيل رجلى من على دواسه البنزين تقعد ترعش ولما ادوس سنه تختفى
مع العلم انى غيرت طلمبة الزيت وغيرت مصفة الزيت
الفيشه بتاعت مقاس الزيت هتلقيها مهزوزه فك السلك ونضف مكانها وديق الكلبس شويه وهتلاقي كله تمام ان شاء الله
طالما كل ما بتشيل رجلك من دواسة البنزين بتنور يبقى الموضوع متعلق بضغط الزيت، يبقى نعمل شوية إجراءات لتشخيص الحالة:
1- الكشف على مستوى الزيت في الموتور... في المعدل العادي؟؟
2- المستوى لو سليم، لازم نتأكد من إن طلمبة الزيت شغالة كويس لأن ممكن يكون الزيت كويس والطلمبة مبترفعش زيت وده أمر خطير وتعرفه بأنك تفتح غطاء الزيت والموتور داير وتشوف في زيت بيتم ضخه ولا لأ!!!
3- اتأكد من حساس الزيت إنه مش ملمس.
واللهى يا باشا انا عندى نفس الحوار ده
ناس قالتلى سبيكة واسعة
فكيت الموتور حته حته وعملت عمرة تمام
وغيرت ساعة الزيت
يعنى موتور جديد بعد العمرة
وبرضه نفس الموضوع
مش عارف حلها ايه بنت اللذينة دى
علما بانها مش بتحصل الا لم العربية تسحن
الزيت فى المستوى الطبيعى بتاعه مابينقصش وبلنسه لطلمبه الزيت غيرته وغيرت المصفة
ابقى حط زيت تقيل شويه
ممكن ترشح ليه نوع واكون شاكر
الموضوع مالوش اي علاقة بالزيت اصلا
طبيعى لما السلانسيه يكون مش مظبوط والعربية مبرجلة ان لمبة الزيت تنور
اظبط الكهربا والكربراتير كويس وخصوصا مسمار الهوا و خلى السلانسيه على 800 ار بي ام و المشكلة هتتحل ان شاء الله
فعلا زى ماقالو الزملاء الموضوع متعلق بكهربة العربية انت بتقول مع النقل يبقي انت كده السلانسيه عندك مش مظبوط هل لمبة البطارية بتنور معاها؟؟؟؟؟؟؟؟ لو بتنور مع لمبة الزيت روح للميكانيكي يظبطلك السلانسيه بتاع العربية
والله المكانيكى فعلا شكله مش عارف حاجه وغرمنى فلوس كتير مابين تغير طلمبه وتغير مصفه وتغير الساعه
العربيه فى الاول تمشى كويس وبعد ماتسخن تبداء المشاكل بس انا الحمد لله ربنا الهمنى افتح الكبوت وافتح فلتر الهواء ووقفت امام لاحظت ان فيه المضخه مش مظبوطه على الفتحه اللى تحتها قمت لافف المضخه على الفتحه وطلعت اجرب وسبحان الله اللمبه مابقتشى تقيد وكمان العربيه مابقتش تسخن زى الاول بس ياريت حد يقولى اللى انا عملته صح ولا غلط
فعلا دي نقطة مهمة، يعني لو rpm الموتور منخفض لمبة الزيت ممكن تنور ولمبة البطارية كمان
فعلا rbm منخفضة و بيعلق فى اوقات يجيب معايه على الماشر 30 وميزتشى عن كده وسعات اقل من كده وبحس ان العربية مخنوقة وبنسبه للعربية وهى على السلانسيه فى النصف مابين الصفر والعشرة
شكرا لكل الاخوة فى هذا المنتدى الراع على المعلومات القيمة
باشا
بعد اذنك انا عاوز اعرف يعنى ايه المضخة اللى فى فلتر الهوا اللى ماكنتش راكبة على البتاعة
معلش فهمنى
انا عندى نفس المشكلة
منتظرك
انا معلش لسه جديد فى معرفة الاجزاء اللى فى العربيه بس اللى عارفته من واحد صاحبى ان دى مضخه البنزين وعلى حسب كلامه ان دى اللى بتدى العربيه السرعات الاول وان فيه مضخه تانيه مع السرعه العليه وهى موجوده لما تفتح غطاء الكربيرتير هتلاقيه هى عندى على شكل حرف لام مقلوبه
وده رقمى لو هقدر افيدك فى اى حاجة وربنا معاك لان المشكله دى كانت مكرهانى فى العربية 01061006420