اشترى لاب توب acer او لاب توب dell

**AHMED12345678** · 03-04-2012 02:57 AM

انا عاوز اشترى لاب توب واثناء تدويرى والف والدوران استقريت على انى اختار يا الايسر يا الديل
والاتنين مواصفاتهم:
بروسيسر core i 5
رامات 4 جيجا
كارت شاشة 1 جيجا نيفادا للايسر اما الديل فكارت الشاشة 1 جيجا ati
هارد ديسك 500 جيجا
بالاضافة طبعا للكاميرا والبلوتوث والوير ليس وباقى المميزات المعتادة

نيجى للسعر acer سعرة مبلغ 3300 جنية وبه نسخة ويندوز 7 اصلية
اما بالنسبة dell وموديله inspiron n5110 فأقل سعر وصلت لية كان 3400 بس free dos يعنى من غير وندوز مع العلم ان اعلى سعر وصلتلة كان 3700 جنية.
بصراحة انا ميال للايسر علشان السعر مقابل الامكانيات بالاضافة لوجود نسخة الوندووز الاصلية وبالتالى مش هقعد انزل ويندوز وادور على تعريفات ووجع الدماغ ده.
فى حين ان الديل هنزلة نسخة ويندوز وفى الاغلب طبعا مش هتكون اصلية وهقعد انزل التعريفات من موقع الشركة وخصوصا ان كل حاجة فى الاب محتاجة تعريف.
انا عاوز اراء ناس جربت الجهازين ويا ريت الى يقولى على جهاز انة وحش يقولى وحش لية وتنصحونى باية.
بس اتمنى الرد من الرجالة بسرعة لانى هشترى يوم الاربعاء القادم ان شاء الله.
ولكم جزيل الشكر مقدما.

**Screenplays** · 03-04-2012 03:11 AM

بجد انت محتار بين ايسر الصيني و ديل الامريكي ؟ انا معايا ديل ميني و بسم الله ما شاء الله شغال زي الفل و الايسر تحس انه بلاستيك

**smsm2015** · 03-04-2012 03:28 AM

ACER عامة تقدم حلول جيده جدا لمن هو محكوم بميزانيه معينه لكن من عيوبها انها تسترخص في بعض المكونات الغير اساسيه , مثل حادث كروت الشبكه اللاسلكيه مع aspire one و الكثير من أجهزتها في ذلك الحين , قامت باستخدام نوع سيء الجوده من Atheros و كان احيانا يتسبب في فقد الاتصال و احيانا يختفي تماما من ال device manager و لا يرجع إلا بعد ال restart .لذلك انصح قبل اقتناء جهاز acer بالقيام ببحث علي الشبكه علي مراجعه تفصيليه .
http://www.theacerguy.com/2008/08/wi...he-aspire-one/

Dell ممتازه طبعا و معظم أجهزتها تقدم عمر بطاريه جيد لكنها بطبيعتها مرتفعة السعر ..

**pro_samir** · 03-04-2012 03:56 AM

لينوفو افضل من الاتنين

وللعلم الديل مبقاش زي زمان ، يمكن الموديلات العاليه هي اللي ماسكه نفسها شويه لكن الانسبيرون والفوسترو مكن تييييييت

**Screenplays** · 03-04-2012 04:45 AM

معايا الانسبيرون و فاحته 24 ساعه و زي الفل و جايبه بقاله سنه و 4 شهور و ربنا يباركلي فيه

**memo823000** · 03-04-2012 05:36 AM

وادى فيديو تانى عشان الحبايب
HP Pavilion dv6 - YouTube

**Screenplays** · 03-04-2012 05:43 AM

الاتش بي مبيسخنش معاك ؟

**kamatsho** · 03-04-2012 05:47 AM

inspiron n5110 dell
الجهاز ده خالى لسه شاريه من شهر مش جاى معاه لا ويندوز 7 ولا اسطوانه تعريفات ولا غيره
جايبه بـ حوالى 3200 ولو عايز اتأكدلك من السعر بالظبط اتأكدلك

مشكلة فى تعريفاته ... دوخت عشان اعرف التعريفات بتاعته ... معرفتش اعرف غير كارت الصوت

الشاشه واللان وباقى التعريفات اضطريت اكلم واحد صحبى خريج كلية حاسبات ومعلومات عشان ييجى يعرفهم وبالفعل جه بس دااااااااااخ عشان يعرفهم وينزل تعريفاتهم من على النت

وللأسف خالى جايب معاه موس ويرلس مش عايز يشتغل خالص عليه عشان حتى الماوس محتاج ليه تعريف ودورت عليه مش لاقيه
بالنسبة لشاحن الديل ... بيبوظ بسرعه بيشيط بمعنى الكلمة مع صاحبى شاري موديل قبل ده ... من سنه وغير الشاحن مره وقرب يغيره المره التانيه لسه كان هيشيط منه اول امبارح وكان هتجيله سكته قلبيه

**KemozTanta** · 03-04-2012 10:30 AM

أنا أستفزيت من إهانة الديل وانه الشاحن بيسخن وتعريفاتة صعبة , مع احترامي طبعا بس انا فعلا بحمد ربنا اني جبت الديل ومعايا من شهر 4 2011 يعني تقريبا سنة بالظبط , الجهاز بسيبة باليومين شغال والشاحن في الكهرباء زي مانت عايز وشغال علية برامج مقولكش والحمد لله سادد حلو اوي .. وتعريفاتة موجودة علي موقع ديل مجرد ماتكتب موديل جهازك بتظهرلك كل تعريفاتة بس اهم شىء نسخة الويندز لازم تبقي 64 bit
انا معايا الجهاز بروسيسور اي فايف وكارت شاشة ATI موديل N5010
اتكل علي الله واشتري ديل البروسيسور الجديد كمان مرعب الي هو موديل n5110 فيه تربو وهيبقي صفقة كويسة
والاهم اشتري من مكان نضيف وتشوف الجهاز انتاج اية من جوا عشان متلبسش في حاجة فيها عيب صناعة لا قدر الله