الموضوع: فائدة وجود الكلاكس فى الزراع و ليس فى عجلة القيادة

المشاركة الأصلية كتبت بواسطة abd_elhalim85

من اول ما فكرت فى اللوجان قبل ما اشتريها كنت مستعجب من وجود الكلاكس فى زراع الأشارات بس بعد ما استخدمتها لاحظت حاجة و هى:

ان وجود الكلاكس فى هذا المكان بيجبرك انك تمسك الدركسيون بإديك الأثنين. بصراحة ان فكرت فى الموضوع دة و قلت ليه لأ يكون الغرض هو السلامة و الأمان بإجبارك انك تمسك بإديك الأثنين بالرغم ان ده مضايق ناس كتير، و جه فى بالى بردة موضوع ان تانك البنزين لازم يتفتح بالمفتاح اللى برده بيضايق ناس كتر و لكن اكتشفنا فى الاخر ان غرضة انك توقف العربية و انت بتمون لتقليل المخاطر، و بكدة العربية دى خدت 3 نجوم فى اختبارات السلامة.


يا ترى انا صح و لا غلط؟؟؟؟؟؟؟؟
يهمنى تعليقكم

طيب ممكن تفسرلي ايه العبقريه في ان المارش تنور لمبة واحده بس مش الإتنين ؟؟؟ والتانيه مع الفوج لايت الخلفي وبتنور احمر ؟؟؟ ده قاصدين بيه ايه؟
وكمان الزجاج الخلفي اللي بيفتح نص بس مش للأخر ؟؟؟ امان برضه ولا ايه؟؟؟
شويه حاجات كده غريبه انا مش فاهمها

برضه مش عارف ليه الار بى ام او ما بيعدى 3000 بتسمع زنه غريبه فى العربيه نفسى اعرف ده عندى بس والا فى كل اللوجان العربيه عامله 2000 كيلو ولو بيقل مع الوقت او يختفى والا بيفضل علطول؟

المشاركة الأصلية كتبت بواسطة amr.elsayed

بصراحة انا عمرى ما مسكت الدركسيون بايدى الاتنين ولا مع اللوجان ولا غيرها
قصدى اقول ان مش شرط علشان الكلاكس فى الدراع ان انا اكون مجبر انى اسوق بايدى الاتنين
عادى الشمال بتسوق وفى نفس الوقت بمد اى صوبع قريب من الكلاكس واكلكس براحتى ونغمات كمان ههههه

بس لما امسك الدركسيون بلإييد الشمال و احاول اضرب كلاكس بحس انى مش مسيطر على الدركسيون بشكل كافى لأن ايدى بتبقى مفتوحة و بالتالى بأظطر اساعد بإيدى اليمين

اكيد كل و احد له امكانياته بس انا بردة قلت اشوف رأيكم

المشاركة الأصلية كتبت بواسطة ahmadmidop

المارش لمبة واحدة عادي كده في اوربا العربيات الالماني كلها كده والايطالي كده انا معايا الفيات كده .... الزجاج اه اماان عشان لو في اطفال قاعدين ورا عندي بردو .... التانك اه اماااان بردو عشان يجبرك تطفي الماتور عندي بردو ... لكن الكلاكس في الذراااع دي بقى تييييييييييييييييييييييت التييييييييييييييييييت كماااان

لا بقى انت عايز الحق لمبة المرشدير واحدة تيييييييييييييييييييييييي يت ... الزجاج امان تيييييييييييييييييييييييت التييييت
فتح التنك من برة تيييييييت تييييت تت تييييييييييييييييييت الكلاكس سواء فى الدراع او فى النص طول ما انت عايش في مصر
حيبقى تيييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييت
هههههههههه المفروض الكلاكس يبقى فى الدراع وفى النص وفى دواسة الفرامل ههههههه

المشاركة الأصلية كتبت بواسطة abd_elhalim85

بس لما امسك الدركسيون بلإييد الشمال و احاول اضرب كلاكس بحس انى مش مسيطر على الدركسيون بشكل كافى لأن ايدى بتبقى مفتوحة و بالتالى بأظطر اساعد بإيدى اليمين

اكيد كل و احد له امكانياته بس انا بردة قلت اشوف رأيكم

هو مش موضوع امكانيات على فكرة دة اسلوب سواقة او تعود على طريقة معينة مش اكتر
عارف بقى احلى كلكس بحبه اللى بيكون على اطراف الدركسيون فى النص زى بتاع الفيات القديم دة بقى اللى بيبقى جميل
مجرد حتمد صوبعك الكبير اللى ماسك الدركسيون حتجيب مكانه بالذات ان الجزء دة بيلف مع الدركسيون
مش زى اللى فى الدراع مكانه ثابت فلو لفيت الدركسيون ايدك بتبعد عن الدراع
الموضوع دة بردو ليه حل ان لما باخد ملف داخل شارع مثلا بلف الدركسيون من تحت شوية بحيث
ان لما ايدى توصل للزاوية المناسبة للملف بتكون قريبة من الكلاكس وبمجرد ما اترك ايدى من الدركسيون بيرجع لمكانه
وفى نفس الوقت اوتوماتيك ايدى بتكون رجعت لوضعها الطبيعى .. يعنى زى ما بقول لحضرتك مسالة تعود مش اكتر