-
استفسار لاهل اوبل
السلام عليكم
انا من اسبوع اشتريت اوبل فيكترا 97 2000cc اوتوماتيك البودى بتاع العربية تمام والشكل العام كويس جدا بس كانت عاوزة شوية شغل لا العربية صوتها عالى وبتدخن والماكينة خفيفة شوية و طرمبة الباور بايظة وال ABS مش شغال لان صاحبها شكلة ما كانش بيصلح حاجة غير لو وقفتة المهم استريتها ب 42
قريبى الى كان معايا قالى العربية كويسة ورخصية استريها وهم 3 الاف وانا هظبطهالك ما ليكش دعوة
بدانا شغل فى العربية قريبى الى متكفل بيها لانى مش عارف ورش ولا مناطق التصليح
- الدينمو كان عامل صوت عالى اتغير البلى بتاعة وكدا . غير الانذار والكلاكس و الموبينة كان فيها مشكلة جاب واحدة استيراد ظبط دفيرة الكهربا لان كان فيها لعب كتيير طبط النور وعير الكلاكس وسماعات جديدة للكاسيت وكدا وخلص شغل الكهربا
- بدا فى العفشة انا مشتريها وعارف ان طرمبة الباور بايظة وال ABS مش شغال المهم غير طرمبة الباور واحد فى الحرفيين قالة ركب واحدة 95 واعدلهالك احسن واشتراها استيراد ب 350 وركبها بس خرطوم الباور فك مرتين فى نفس الاسبوع سال على ABS طلع بايظ وقالولة لازم يتغير وسعرة استيراد 800 طبعا اجلتة دلوقتى لما نشوف باقى شغل العربية
قالى انة نفض العفشة الى قدام والى ورا بالكامل وتظبطت وصرفت كتيير
-قالى انة جاب شجرة جديدة للتكييف استيراد بس السربنتينة مسربة هيشوف تنفع تتلحم ولا لا لو ما اتصلحتش يبقى هتحتاج تتغير فهى واقفة عند الميكانيكى لسة لما تخلص هنشوف الموضوع ده
- بعد كدا الميكانيكا اخدها لميكانيكى فى شبر غير الشمبر والجوانات وخد الوش للمخرطة
المهم ركبها امبارح وجة يدورها ما دارتش قال الموبينة فيها مشكلة ركب القديمة اشتغلت انا ما خدتهاش منى لسة
العربية بقت صرفة دلوقتى حوالى 6500 ومغيرتش ال abs والتكييف ما اشتغلش ودلوقتى بيقولى الكاوتش تعبان عاوز يتغير
هو بيقولى ان انت دفعت فلوس بس اسست كل حاجة فى العربية
سوالى هو انا كدا انضحك عليا ولا السعر كدا معقول
لو ممكن حد يشرح اللمبات التحذيرية الى فى الطابلوة لانى وانا واخدها لة كان فية لمبة حرف اس جوا دايرة كدا منورة مش عارف معناها
يعنى ياريت لو حد يشرحملى كلهم ويقولى على وطايف المفاتيح الى فى الطابلوة كلها
وجزاكم الله خير
اخوكم محمد
-
العربية مش غاليه بس الألماني ميتركبش إلا من واحد ركيب وبيصرف
التكييف هيعوز شجرة خراطيم وسربنتينه وربنا يستر علي الكباس والتلاجه
اللمبة دي لمبة الفتيس وعايزه يتكشف عليها بالكمبيوتر
ربنا يباركلك بس أنا عايز أنصح نصيحة عشان لو حد تاني بيفكر يشتري
في الألماني اركب العربية الغالية النضيفه متجبش عربية فيها مشاكل وتصلحها
يعني بدل ما تجيب دي ب٤٢ ألف لو لقيت واحدة ب٥٠ ألف واقفة ومتراعية هتكون أرخص !!
-
-
مبروك عليك العربية
بس حضرتك استرخصت اوي
العربية دي على وصفك عايزة شغل كتير اوي
بس للاسف لو متعملش صح وعند حد بيفهم هتصرف على الفاضي
6500 مصاريف وهتصرف ادهم تاني او اكتر
والعلربية دي لو واقفة على حيلها ومش عايزة جنيه بتعمل من 50 الى 55
نفسي اعرف قريبك اللي حكم على ال 3000 دول راكب ايه؟؟؟؟؟؟؟؟؟؟
ربنا يوفقك
-
ما انا ما كنتش اعرف انها هتصرف كدا انا اشتريتها على كلمتة
هو راكب لانوس
قالى دا لو الماكينة كلها مش عجباك هتدفع الفين تلاتة عىل دى وتجيب واحدة جديدة
بس الى اكتشفتة بعد كدا انة ما يعرفش حاجة عن الالمانى خالص
وانا كنت عايش فى الخليج وكان عندى عربية متسوبيشى كولت زغيرة خالص
قعدت معايا 6 شهور وتعتبر ما كانتش بصرف حاجة مع انها موديل 95
-
طيب والزرار الى موجود جمب الفتيس وبيبقى منور ده بتاع اية ؟
-
الزرار اللي جامب الفتيس دا لو العربيه ماشيه علي تلج بتدوس عليه دوسه طويله بينور اكتر ويشتغل
-
يا زعيم ربنا يباركلك فيها
و مادمت اشتريت متفكرش و محدش بيتعلم ببلاش
نصيحتى انك تشور الرجاله هنا فى اللى فيها ... انا جديد فى العربيات عامة بس الحمد لله الرجاله هنا شايلنى بنصايحهم
و عشان تعرف اخر العربيه ديه خدها عند مقار فى الدقى و اكشف كشف شامل .... هيكلف 250 ل 300 جنيه بس هتفهم راسها من رجليها
ربنا يوفقك
-
أولا الف مبروك
بالنسبه للسعر انت دفعته وخلاص قول الحمد لله
دلوقتي اللي انت محتاجه تروح لواحد بتاع اوبل محترم تسلمه العربيه ويسلمهلك شغاله
صقر قريش فيها صنايعيه اوبل محترمين ممكن تروح لهم لو انت من القاهره وهيقولوك تقريبا العربيه لسه محتاج اد ايه شغل فيها وتكلفه كام تقريبا . وان شاء الله فيه ناس محترمين اوي هنا في المنتدي هيساعدوك ان شاء الله زي ماساعدوني
الف مبروك العربيه وان شاء الله تتظبط وتبقي كويسه
وبالنسبه لقريبك فربنا يسمحه رحم الله امرئ قال لا أعلم
-
نصيحة منى روح لهيثم بتاع الحرافين علشان لمبة الفتيس متخليش حد يلعب فيها
Content Relevant URLs by
vBSEO 3.6.0 PL2