الموضوع: اصحاب الشاهين و مشكلة الحرارة فى الصيف !!!

المشاركة الأصلية كتبت بواسطة shade

السلام عليكم



لكل اصحاب الشاهين انا منكم وليكم :) انتخبونى اسف :)



المهم طبعا كلنا بنعانى فى الصيف و الزحمة و بتوع المنديل والكاست السونى بتاع الشاهين المعفن ( انا الحمد الله غيرتة ) والحرارة بتاعيت العربية الغريبة الى مش موجودة تقريبا عند حد غيرنا ( واحد يسأل اية الى جبرك على كدة ما تجيب غيرها انا للاسف بحبها ومش قادر اسبها اصل انا من عشاق الدوجن ) وطبعا يبقى يومك مهبب لو فكرت انك تفتح التكيف الى المفروض معمول عشان كدة ولما تنزل من العربية ممكن لو جعان تسلق البيض على الكبوت !! دة اجيد عرفينة


بردو المهم انا ليا واحد صحبى كنت معاة امبارح ومعاة دوجن 94 وانا كنت صايق وفضلت سايق بتاع ساعة فى السكة وكل شوية ابوص على التابلوة و الحرارة مش بتزيد عن 30 تقريبا و تقريبا المؤشر مش بيتحرك غير حاجة بسيطة بس قولت يمكن بايظ !!!!! فا سألت صحبى الى لا دة شغال وكمان ممكن تكون سخنة زيادة عشان الجو كان حر !!!

مع العلم انا معاية دوجن بردو 94 والحرارة لما تكون 80 او ازيد بكون مطمن وبتسخن فى 10 دقائق ويا سلام لو فاتح التكيف بيكون يوم سبانخ !!!!! :i_angr1[1]:

لقيتة بيقولى انو معدل مروحة الريداتير !! طبعا وقفت فى سعتها على جنب و قولت لازم اشوفهاا دلوقتى

لقيت حاجة جديدة جامدة اوى ى ى ى ى ى ى عملها ميكانيكى فنان والله

اخر المحرك نحية الريداتير عامل فلنشة ومركب مروحة ريداتير بيضة بتاعت تويوتا كورولا القديمة عشان دى الى ممكن تتركب واحسن مروحة فيها عاكس وشايل المروحة الاصلية الى متثبتى على الريداتير بمعنى تشتغل اول لما تشغل المحرك بمعنى طول لما المحرك شغالة هيا شغالة وقفت بتوقف لانها الفلنشة شبة ملحومة مع الموتور وبكدة الحرارة ممكن تجيب 30 !! لو انت مشغل التكيف والتلفزيون وواقف الساعة 2 على كوبرى اكتوبر والحرارة 30 انا ممكن سعتها انزل وافتح الكبوت واجلس فوق الماتور لحد لما الزحمة تفك وطبعان ولا تلحوس نفسك فى الصيف عشان ترموستات ( مع العلم الدوجن مفهاش الشاهين بس ) ولا المروحة مشتغلتش ولقيت مية الريداتير بتغلى وكدة المية هتفضل معاك اطول وقت وتشيل من دماغك حوار السخونة دة من دماغك خالــــــــــــــــــــــ ـص :oc_sun1[1]:



بس الاهم من كل دة عندى كام سؤال مهمين وانا عرفت اجابتهم بس عاوز اتأكد من الاعضاء

دة مش ممكن يؤثر على السرعة ولا دة هيزودهاا !!؟

وكمان فى عيب بسيط انك وانت ماشى وجة تحتك كيس او ورقة او اى حاجة المروحة هتشدة و تقطعة مين حتة وكدة ولازم اركب شبكة من تحت الموتور هل ليها عيب او مشكلة او او او ى تركبهاا ؟؟


وعلفكرة انا عرفت سعرها مش هيعدى 100 جنية !! بالمروحة ( الاهم تلاقى الميكنيكى الفنان لان كلة دلوقتى ماشاء الله بيقتى ) ودة طبعان مش خسارة فى انك تركب عربية وتفتح التكيف وقافل الزجاج فى عربية موديل قديم فى عز الحر الى داخل ورمضان عاوز اخد رأى الاعضاء و خصوصا اصحاب الشاهين الى بيعانو زى المشكلة دى وقريبا إن شاء الله هجيب صور و ومعلومات اكتر

انا مركب المروحه دي من زمان في الشاهين ممتازه جدا جدا في الصيف
لكن في الشتاء لازم اركب المروحه الكهرباء بتاعتها لان العربيه بتكون تلاجه