انضف الرشاشات فين ؟

**shaddadfalcon1** · 03-04-2012 10:41 AM

السلام عليكم

والدي عنده عربيه نص نقل ايسوزو ديمكس 2010 تيربو حط سولار مضروب من مجطه طلعو بيحطو مياه علي الجاز والعربيه وقفت وغيرت فواني او رشاشات زي مابيقولو عليها ووالدي كنت قلتله انهم بيتصحلو وكده

فهل فعلا بيتصحلو ويتنضفو؟

**M!NA** · 13-04-2012 03:40 AM

المشاركة الأصلية كتبت بواسطة shaddadfalcon1

السلام عليكم

والدي عنده عربيه نص نقل ايسوزو ديمكس 2010 تيربو حط سولار مضروب من مجطه طلعو بيحطو مياه علي الجاز والعربيه وقفت وغيرت فواني او رشاشات زي مابيقولو عليها ووالدي كنت قلتله انهم بيتصحلو وكده

فهل فعلا بيتصحلو ويتنضفو؟

لما بتمون جاز مش نضيف... (و ده بيحصل كتير أوي في أوقات الأزمات) لازم تاخد بالك من فلتر الجاز خاصة و دورة الجاز عامة....

عيب الديمكس الجديد أن فلتر الجاز بتاعها مفيهوش ترشيح مية زي التويوتا.....

الحل دلوقتي لإنقاذ الموقف هو تنظيف دورة الوقود بأكملها و تغيير فلتر الجاز..... الفواني مش هتحتاج تتنضف... الفواني بتتغير لما فتحتها بتوسع و تسيل (و معنى التسييل هو ادخال كمية من الجاز أكتر من المفترض دخولها) فيحصل نتيجة لكدا احتراق غير كامل و يطلع الجاز نييء على هيئة دخان اسود....

الحل النهائي عشان تريح نفسك.... غير الكاركة بواحدة بتاعت تويوتا كوستر..... و ركبلها الفلتر بتاع التويوتا (أبو فيشة) عشان ده فيه ترشيح مية.... (هتلاقي فيه من تحت عصفورة بلاستيك بتتفك تنزل المية اللي في الجاز....

كمان نصيحة اليومين دول بالذات.... ياريت لو بتغير فلتر الجاز كل 5000 كم.... خليها كل 2500 مع غيار الزيت.... عشان الأيام ديه الجاز زي الزفت في ظل الأزمات....

و لو احتجت أي مساعدة قوللي و ان شاء الله هحاول أفيدك....

بالتوفيق......

**shaddadfalcon1** · 13-04-2012 12:25 PM

المشاركة الأصلية كتبت بواسطة m!na

لما بتمون جاز مش نضيف... (و ده بيحصل كتير أوي في أوقات الأزمات) لازم تاخد بالك من فلتر الجاز خاصة و دورة الجاز عامة....

عيب الديمكس الجديد أن فلتر الجاز بتاعها مفيهوش ترشيح مية زي التويوتا.....

الحل دلوقتي لإنقاذ الموقف هو تنظيف دورة الوقود بأكملها و تغيير فلتر الجاز..... الفواني مش هتحتاج تتنضف... الفواني بتتغير لما فتحتها بتوسع و تسيل (و معنى التسييل هو ادخال كمية من الجاز أكتر من المفترض دخولها) فيحصل نتيجة لكدا احتراق غير كامل و يطلع الجاز نييء على هيئة دخان اسود....

الحل النهائي عشان تريح نفسك.... غير الكاركة بواحدة بتاعت تويوتا كوستر..... و ركبلها الفلتر بتاع التويوتا (أبو فيشة) عشان ده فيه ترشيح مية.... (هتلاقي فيه من تحت عصفورة بلاستيك بتتفك تنزل المية اللي في الجاز....

كمان نصيحة اليومين دول بالذات.... ياريت لو بتغير فلتر الجاز كل 5000 كم.... خليها كل 2500 مع غيار الزيت.... عشان الأيام ديه الجاز زي الزفت في ظل الأزمات....

و لو احتجت أي مساعدة قوللي و ان شاء الله هحاول أفيدك....

بالتوفيق......

الف شكر ياستاذ مينا بس والدي بالفعل غير الفواني وشكل الميكانيكه كلفوه 1500 جنيه علي الفاضي
يعني الفواني اللي عنده دي مش محتاجه تنظيف ؟ ولو ركبها دلوقتي هتشتغل ؟ والمشكله كانت في الفيلتر ؟
وياتري ازاي ينضف دورة الوقود كلها ؟

**M!NA** · 13-04-2012 12:47 PM

المشاركة الأصلية كتبت بواسطة shaddadfalcon1

الف شكر ياستاذ مينا بس والدي بالفعل غير الفواني وشكل الميكانيكه كلفوه 1500 جنيه علي الفاضي
يعني الفواني اللي عنده دي مش محتاجه تنظيف ؟ ولو ركبها دلوقتي هتشتغل ؟ والمشكله كانت في الفيلتر ؟
وياتري ازاي ينضف دورة الوقود كلها ؟

عشان منظلمش حد.... أنا مش عارف شكل الرشاشات اللي طالعة من العربية كان ايه؟؟ ممكن أصلا كانوا وحشين ...و الراجل لما شاف الموضوع كدا قاللك بالمرة نغيرهم.....

ممكن توديها لواحد بتاع طرمبات غير اللي غيرت عنده و يكون ثقة و تخليه يشوفهملك....

و المشكلة لما بيدخل العربية جاز مش نضيف لازم تعدي على الفلتر.... عشان كدا أول خطوة تغييره....

و بالنسبة لتنضيف دورة الوقود دي عملية بسيطة جدا مبتاخدش أكتر من ساعة زمن....

بيتم فك التانك و غسله كويس.... و غسل كل المصافي اللي فيه + مصفة الطرمبة (ان وجدت) و تغيير فلتر الجاز بواحد جديد... و بكدا تكون عندك دورة الجاز مظبوطة.....

فيه حاجة كمان ممكن تعملها و ديه لازم تتعمل من فترة لأخرى للحفاظ على الطرمبة.....

تجيب فلترين جاز..... و تخليهم معاك.... و لو طالع سفر.... هتفك الفلتر اللي فيها... و تركب الجديد.... بس قبل ما تركبة.... تحط فيه زيت على جاز مضروبين على بعض..... (ممكن تضربهم في ازازة لتر بلاستيك و تملاه قبل التركيب)

و دول فايدتهم أنهم بيعملوا تليين لأجزاء الطرمبة و تنضيف ليها..... و تطلع على طريق طوالي ... و بعد الرجوع لو لاحظت انسداد الفلتر نتيجة للزيت... غيره بالتاني...... لو ملاحظتش ... خليه لحد ما تحس أنه كاتم العربية معاك بعدين غيره.....

**shaddadfalcon1** · 13-04-2012 03:41 PM

موضوع الزيت علي جاز ده والدي بيعمله من اكتر من 20 سنه وعمري مافهمت هو بيعمل كده ليه

انا كلمته بعد رد حضرتك وقالي انه فعلا بيستخدم الفلتر اللي فيه ترشيح وعمل كل ده بس بيقولي الرشاشات او الفواني اصلا كان فيها صدأ والفتحات بتاعتها مقفوله ومش عارف هي كانت كده اصلا ولا من المياه بقي

فهل تنفع تتنضف ولا صعب ؟

**M!NA** · 13-04-2012 11:52 PM

المشاركة الأصلية كتبت بواسطة shaddadfalcon1

موضوع الزيت علي جاز ده والدي بيعمله من اكتر من 20 سنه وعمري مافهمت هو بيعمل كده ليه

انا كلمته بعد رد حضرتك وقالي انه فعلا بيستخدم الفلتر اللي فيه ترشيح وعمل كل ده بس بيقولي الرشاشات او الفواني اصلا كان فيها صدأ والفتحات بتاعتها مقفوله ومش عارف هي كانت كده اصلا ولا من المياه بقي

فهل تنفع تتنضف ولا صعب ؟

بتاع الطرمبات هو الوحيد اللي يقدر يشوفها و يقرر..... وديها و مش هتخسر حاجة من السؤال..... :)

**shaddadfalcon1** · 14-04-2012 01:22 AM

الف شكر ليك ياستاذ مينا

**M!NA** · 22-04-2012 07:49 PM

المشاركة الأصلية كتبت بواسطة ahmed_eng2001

شكرا ليك يا مينا على الافادة الكبيرة فى موضوع الجاز و دورته و الشغل فيه
اخبارك ايه مع ازمة الجاز الموجودة ؟؟

والله يا أحمد الموضوع صعب و بايخ جدا.... أزمة الجاز كانت بتبقا كل سنة شهر 4 بحجة موسم حصاد القمح......
السنة ديه... جاز و بنزين و من أول السنة.....

أنا مقضيها جراكن.... لما بلاقي محطة فاضية كل فترة طويلة.... بملا التنك و كام جركن.... بيقعدوني فترة كافية بعيد عن الطوابير..... و قدر الإمكان لو مشوار مش محتاج العربية مش باخدها.... و هكذا لحد ما تعدي.......