سخونة اثناء السفر

**menamakram2003** · 08-06-2008 12:50 PM

انا عندى درجة الحرارة بتوصل ل 95 اثناء السفر وتفضل عليها اغلب الوقت.
هل كده طبيعى ولا خطر؟
العربية سكودا فيليشيا 96

**eldeplomasy** · 08-06-2008 08:19 PM

طبعا غلط المفروض في السفر تقل لكن كده يبقى في حاجه مش مضبوطة راجع على الوصلات او الردياتير والميه اللى فيه

**dr_3eshoo** · 09-06-2008 01:27 AM

انا شايف انه طبيعي بس المفروض يبقى 90 مش 95 بس راجع الوصلات و طرمبه الميه و خراطيم الريدياتير

**eldeplomasy** · 09-06-2008 01:31 AM

طيب هو في سؤال فعلا مهم

ليه الناس بتقولك راجع طرمبة الميه مع ان مفيش حاجه اسمها طرمبة تضعف

يبقى يراجع عليها ليه؟؟؟

**waleed24ag** · 09-06-2008 01:36 AM

المفروض ان درجه الحراره تقل مع السرعه موش تذيد بدليل ان العربيه بعد مشوار السفر بعد ما تمشي علي السرعه العاديه بتلاقي العربيه سخنت شويه و دا بيكون طبيعي لكن الذياده اثناء السفر موش طبيعي
طبعا انت لازم تفحص الريداتير و المروحه و تشوف ايه السبب

**فادى** · 09-06-2008 07:39 AM

المفترض أن السيارة بتبقى ليها درجة حرارة مثالية تعمل دورة التبريد على الوصول اليها ثم الحفاظ عليها, و تختلف درجة الحرارة تلك من سيارة لأخرى, ففى بعض السيارات هى 92, و فى البعض الأخر هى 80, و البعض 85.
المهم لو تعدت السيارة تلك السرعة فغالبا هناك مشكلة فى دورة التبريد.
بما أنك تتكلم عن السفر, أى أنك تتحدث عن السير بسرعات عالية لفترة طويلة, فان الهواء المواجه للسيارة يقوم بتبريد مياه الرادياتير, و غالبا المشكلة التى تحدث فى السفر يكون لها سبب أساسى هو انهاك الزيت نظرا لطول المسافة و تشغيل المحرك على سرعة عالية لفترة طويلة, و هى مشكلة تحدث فى السيارات القديمة خصوصا بشكل طبيعى.
عليك بمراجعة دورة التبريد و المياه و كل ذلك, مع استبعاد مروحة الرادياتير تماما طبعا, و اكشف على الزيت, و حالة المحرك عموما.

**menamakram2003** · 09-06-2008 02:23 PM

الف شكر على الرد.
بس هو الكلام ده كان فى فترة موجة حارة وعلى الساعة 12 الظهر.
برضو فى خلال الظروف دى مش طبيعى انها توصل 95؟

**bee** · 11-06-2008 09:34 PM

والله انا عندي تخيل كده والله اعلم

يا ريت والمروحة شغالة تنزل ترمي منديل او كيس وشوف هيتسحب على المروحة ولا هيطير بعيد
لانها المروحة ممكن تكون معكوسة

دي حاجه

الحاجة التانيه
لو بتسافر ياح جاي على طريق هل العربية بتسخن وانت رايح وانت جاي زي بعض؟؟
لان ممكن لو الهوا في وشك يكون بيوقف المروحة .. والله اعلم
حبيت اشارك بمجرد رأي

تحياتي