دلوقتي شركه ebc نزلت طنابير اسبور وتيل مخصصه للأوبترا بجميع أنواعها وديه هتحل مشكله ضعف الفرامل النسبي في الأوبترا
EBC Sport Rotors | EBC Dempled and Slotted Sport Brake Rotors
EBC Ultimax Rotors | EBC Ultimax BlackDash USR Slotted Brake Rotors
عرض للطباعة
دلوقتي شركه ebc نزلت طنابير اسبور وتيل مخصصه للأوبترا بجميع أنواعها وديه هتحل مشكله ضعف الفرامل النسبي في الأوبترا
EBC Sport Rotors | EBC Dempled and Slotted Sport Brake Rotors
EBC Ultimax Rotors | EBC Ultimax BlackDash USR Slotted Brake Rotors
انا ناوي عليهم ان شاء الله
فيه الاخ yoko في قسم الفيات
الراجل ده كل فتره بيعمل طلبيه بناء علي رغبات الاعضاء
ممكن ننسق مع بعض ونطلبهم ونركبهم مع بعض
وشكرا
انا مركب عندى تيول EBC اسمها green stuff لازم بس تاخدو بالكم من حاجة ان الفرامل مش تيل وطنابير بس, فى عوامل كتير زى مثلا عندك abs و نوع كاوتش العرابية + النقشة , ياعنى محدش يجى يقول انا مركب بريدجستون و شكرا على كدا.
لازم تعرف ان فى البريدجستون فيه نقشة رياضى بتحسن الفرامل والتماسك على حساب الراحة و دا طبعا لكل الماركات مش بريدجستون بص,
واخر حاجة حجم الطنابير + التيل + الكاليبر
المهم انا اللى بحاول اوضحه انك هتجيب تيل و طنابير و تدفع فيه كتير ومتحسش بفرق فى الاداء و تبقى صرفت فى حاجة و كان احسنلك مثلا تجيب كاوتش جديد :)
ُEBC ممتاز بس فى فيات احنا جبناه علشان التيل الاصلى بيتباع فى التوكيل تقريبا بنفس التمن + انه بياقل فى الطنابير
فرق الاداء بينه و بين الاصلى مش كبير ياعنى بالكتير العرابية هتقف كام متر افضل من التيل الاصلى,
لكن مثلا انا مرة كنت ماشى غلى 160 بالتيل العادى و قطعت عليا الطريق نقل فرملت جامد و عند ال 40 كيلو الفرامل كانت سخنت و مش راضية تقف, هنا بقى التيل الرياضى يفرق عن التيل العادى ان درجة السخونة اعلى و التحمل اعلى.
لو عندك اى سوال عن الطنابير اسأل يوكو علشان هوا مغير كل حاجة ل EBC تيل + طنابير
بتركب على الكاليبر العادي وطنابير على تيل مش رياضي ولا ليها لزمة
الموقع الي حطينه مش بيشحن غير ل أمريكا لإنهم في أمريكا والأسهل تجيب من أوروبا لإن التصنيع في أوروبا أصلا
والوحيد الي بيشحنوا لمصر
:: EBC Brakes Direct Limited ::
وخلوا بالكم إن ديسكات وتيول العربيه الهاتش باك في أوروبا غير السيدان
راجعت العربيه والهاتش عندكم طلع زي السيدان
بس إتأكدوا من شكل التيل ومقاسات الكنبوره قبل ما تتطلبوا عشان لو غلط مش هتعرفوا ترجعوه
طيب يا جماعه هو فيه للنوبيرا ولا انواع معينه...انا تعبت من الطنابير اللي بتتباع هنا...للاسف كلها مضروبه وفيها عالي وواطي حتي وهيا جديده...ياريت لو فيه متوسط اسعار
فيه اانوبيرا على ما أعتقد
الديسك قدام هيخش في 1700 جنيه أو أقل حاجة بسيطة
لا يعم اخرط الطنابير افضل :-)
شباب انا كنت حابب افهم لو عايز اطلب طقم طنابير بالتيل امامى و خلفى لفيات برافو تيربو هطلب ازاى من الموقع لأن فى موديلات كتير و مش عارف ايه المناسب ليا منهم
و عايز اعرف التكلفة تقريبا هتبقى فى حدود اد ايه لأنى مستحرم ادفع مبلغ كبير فى طنابير استوك ممكن ادفع زيادة شوية بس فى حاجة تستاهل
و شكرا :)
من هنا
:: EBC Brakes Direct Limited ::
وإضرب السعر النهائي في من 20 ل25% جمارك (سعر الحاجة+سعر الشحن)
وانا وصحابي بنجمع وبنجبهم ارخص لو تحب
معلش يا Yoko هتعبك معايا بس انا شايف كذا شكل للطنابير و فى اتنين سعرهم 159 واضح انهم الأعلى بس الزرقا مافيش منها خلفى امامى بس . ايه الفرق بينهم ؟؟ و لو ينفع بس تحسبلى التوتال بتاع الطقمين ادام و ورا علشان انا مش عارف العملة دى ايه اساسا و الدنيا تايهة معايا . و كان ليا سؤال فنى بقى
ينفع اركب طنبورة 5 خرم ؟؟ مع العلم ان الاوريجينال عندى فى البرافو 4
و شكرا لمجهودك :)
بص انا حسبتها على اعلى موديلات موجودة للبرافو بمصاريف الشحن 30 % بسعر الدولار لاقيتها تقريبا 2700 جنيه دة كدة مظبوط ولا انا حسبت غلط ؟
و عايز اعرف سعر الطنابير الاوريجينال بتاعت البرافو عاملة كام علشان اعرف فرق السعر
شكرا ليك مرة تانية :)
طنابير البرافو الجوز الي قدام بحوالي 1500 على ما افتكر
إنت عربيتك التربو الأوتو مش كده؟
دي حاجتها
:: EBC Brakes Direct Limited : Cars : Brake Discs & Brake Drums : FIAT : Bravo : 1.4 Turbo (Original Car = 120 BHP) : 2007-
ودي التيول
:: EBC Brakes Direct Limited : Cars : Brake Pads & Brake Shoes : FIAT : Brava/Bravo : 1.4 Turbo (Original Car = 120 BHP) : 2007-
السبور قدام وورا
سعرهم
£211.98
التيول السبور قدام وورا
سعرهم
91 إسترليني
شحن كله
£295.00
المجموع بعد تخفيضات هما عملونها 5% وحاجات تانيه المجموع
£541.47
وعندك 20% جمارك على 109 إسترليني
يعني المجموع 650 إسترليني وفيه 100 جنيه مصاريف هنا في البريد كمان
يعني حوالي 6502 جنيه
موضوع جميل طيب هو الماركة دى ملهاش توكيل أو حتى مستوردين فى مصر بدل ما نتعب دماغنا ولا هيبقى سعرها أغلى لو كانت موجودة ؟
وأنا بالنسبة لميجان عندى الفرامل كويسة طيب منين ما أحب اغير لو جبت التيل والطنابير الإيه بى سى يعملوا حدود كام ؟
شويه وهقولك الأسعار وانا بجيب من بره بنفس السعر تقريبا او ارخص شويه
وعلى فكره عندي تيول زيادة للبرافو قدام في البيت
وملهاش توكيل ولا مستوردين
ديسك قدام سبور + تيل قدام سبور +تيل ورا سبور
4600 تقريبا
ومفيش ليها جيسك ورا سبور عادي بس
وعلى فكرة فرق السعر عن تجربه يستاهل
يوكو....مش هاتطلبوا حاجة قريب؟
عايز أجيب بتوع الأوكتافيا تقدر تساعدني فيهم؟
معلش يا جماعة هل حد ممكن يساعدني انا عايز اجيب طنابير ebc امامية للفيرنا ومش عارف المقاسات المظبوطة وكمان مش عارف اجيبها منين ؟؟؟