عرض للطباعة
السلام عليكم،
عندما أكون على التاني و العربية هديت مني على الأخر (و لكن لم تقف) و أرجع أدوس بنزين تاني بس ممكن يكون زيادة شوية العربية بتسئف مني بس ده مش في كل الأحوال ..... من الواضح على حسب بطء السيارة و معدل الضغط على البنزين......
و لذا أعتقد أن هذا عيب في القيادة لذا ما هو الحل الأمثل في هذه الحالة........ علما بأني لا أرجع للأول عندما لا تكون العربية قد توقفت تماما .....
انا الاحظ هذا الكلام فى المحركات الى السىسىهات بتاعتها قليلة اقل من 2000 و الحل انك تنقل على الأولل لآن التسقيف مضر
يعني أرجع على الأول حتى لو كان العربية لم تقف تماماُ؟
أنا أسمع إن ده برده مضر؟!!
الحل بدل ما تجيب الاول انك تسايس دواسة البنزين يعنى تدوس سنه سنه
لو عايز ما تسقفش حتى من الدوسة الجامدة يا تأخر سنة كهربا
يا تحط بنزين اوكتين اعلى
دة طبيعى جدا
الحل انك تدوس بنزين بالراحة
او تقوم دايس سنة دبرياج علشان الموتور يعلى شوية و تشيل بالراحلة
او تنقل للاول و على فكرة مش مضر ولا حاجة
مين قال كدة؟؟اقتباس:
المشاركة الأصلية كتبت بواسطة megoo80
MMamdouh
*- تنقل علي الأول
أو
*- تدعي ربنا يرزقك بأوتوماتيك
أو
*- لو مصر ممكن تغير السواق :) :) :)
موضوع الدبرياج ده هيساعد علي قلة عمر الإسطوانة والديسك لأنه هيعلي مدة الإحتكاك وده لازم تعمله لو أصرت إنك تمشي علي التاني عشان تمنع التسقيفاقتباس:
المشاركة الأصلية كتبت بواسطة fahd_628
دوس بنزين بالراحة او انقل على الاول لما تلاقى نفسك هديت جامد
زي ما قال الاخوة، سقط غيار، بس انت مقلتش عربيتك نوعها اية
وبتستخدم بنزين برقم اكتين كام؟؟ لو بتستخدم رقم اوكتان قليل
على نسبة انضغاط الموتور يبقى اللي انت بتواجهة دة نتيجة طبيعية.
هو في سؤال بسيط
مين اللى قال ان تسقيف الموتور غلط جدا عليه؟؟؟
المعلومة دي غلط تسقيف الموتور عادي هو بس بيعمل كده علشان نقص البنزين ومعناها انك تدوس بنزين ازيد وخلاص
لأ على فكرة تسقيف الموتور غلط و بيقلل عمر الموتور !اقتباس:
هو في سؤال بسيط
مين اللى قال ان تسقيف الموتور غلط جدا عليه؟؟؟
المعلومة دي غلط تسقيف الموتور عادي هو بس بيعمل كده علشان نقص البنزين ومعناها انك تدوس بنزين ازيد وخلاص
ليه هو التسقيف ده بيعمل ايه في الموتور؟؟؟
دى على كدة بقى لازم ارجع 15 سنة لورا و اتعلم الميكانيكا من الاول... اصل كل كتاب و مقالة و مهندس عديت عليهم قالوا ان التسقيف غلطاقتباس:
المشاركة الأصلية كتبت بواسطة eldeplomasy
حتى الناس دى بتقول انه غلط
http://www.turborx7.com/detonation.htm
MMamdouh
التسقيف مش غلط هو بس لو سقف جامد جدا جدا ده اللى ممكن يأثر في المستقبل البعيد
التسقيف غلط
MMamdouh
غلط في إيه؟؟؟
انت عارف التسقيف دة عبارة عن ايه اصلا؟
MMamdouh
اقتباس:
المشاركة الأصلية كتبت بواسطة eldeplomasy
الموجات الارتدادية عموماً غلط على الموتور وحرق البنزين في
غير ميعاد الحرق غلط برضة.
=======
تم تعديل المداخلة بناء على طلب العضو
مشرف القسم
انا بس احب اضيف ملحوظة صغيرة
كنت من اسبوعين مع واحد صاحبى عند خراط عشان كان عندة جويط من بتوع فرن الشكمان مقطوم و بقيتة فى الوش
المهم الخراط بيحتاج يعمل خرم فى الجويط و بعدين يدق حاجة كدة راس مربع جو خرم الجويط و بعد كدة يلفها فا تخرج الجزء المكسور
اللى احب اقولة ان صوت دق الشاكوش على البتاعة اللى دخلت فى الجويط كانت زى صوت السقيف بالضبط... يعنى الموجة الانفجارية اللى جوه غرفة الحريق لما الموتور كان بيسقف كانت مماثلة لعمليه الطرق على وش السلندر بشاكوش... مع الاخذ فى الاعتبار ان الموجة دى بتبقى "جوة الموتور" يعنى صوتها المفروض انه مكتوم و بالرغم من كدة كان اعلى من دق الشاكوش
MMamdouh
طييب انا لما بنقل من التاني للثالث مثلا بيبقى عداد السرعة تحت ال 40 كم/ساعة بحاجة بسيطة اوى فبسمع صوت التسقيف بس مش عالى و بيروح اول مالعربية تعدي ال 40 .فهل دة غلط ولا ايه؟ مع العلم انى لما بستنى بعد ال 40 علشان انقل صوت الموتور بيعلى بس طبعا مش بيبقى فيه تسقيف.و الكلام دة بردة بيحصل لما بنقل من للرابع و بيبقى عداد السرعة تحت ال 60 بحاجة بسيطة.
التسقيف طبعا غلط جدا
و أتفق تماما مع السادة الأفاضل
محمد ممدوح ......... نادر ........... فهد
مفيش حاجة أسمها تدي بنزين زيادة
لما بتدي بنزين زيادة على غيار مش مناسب للسرعة بيأثر على الموتور
لأن الموتور بيبدأ يسقف و يترج و يتهز
و فيه إحتمال لإنكسار شئ داخلي ......... ( بس بصراحة نسيت أسمه ) الإحتمال بعيد و لكنه موجود ...
يبقى الصح
النقل على السرعة المظبوطة .......... علشان تحافظ على عمر المحرك و تحافظ على أجزائه الميكانيكية مثل صندوق التروس و المحرك نفسه و اسطوانة الدبرياج .......... الخ
توقيت النقلات الصح لعربية 1600 ........ ( عام ) يعني ممكن يتغير من عربية للتانيةاقتباس:
طييب انا لما بنقل من التاني للثالث مثلا بيبقى عداد السرعة تحت ال 40 كم/ساعة بحاجة بسيطة اوى فبسمع صوت التسقيف بس مش عالى و بيروح اول مالعربية تعدي ال 40 .فهل دة غلط ولا ايه؟ مع العلم انى لما بستنى بعد ال 40 علشان انقل صوت الموتور بيعلى بس طبعا مش بيبقى فيه تسقيف.و الكلام دة بردة بيحصل لما بنقل من للرابع و بيبقى عداد السرعة تحت ال 60 بحاجة بسيطة.
الأول لغاية 20 إلى 25
الثاني إلى 40 إلى 45
الثالث إلى 70 أو 80
الرابع من 80 إلى 90
الخامس فيما هو فوق 90
و ده بيعتمد أنت عربيتك كام سي سي و الموتور نوعيته أيه و هكذا و برضه ظروف السواقة و التحميل .......... الخ
شكرا يا جماعة على المناقشة المثمرة دي
على فكرة يا نادر أنا عربيتي كيا عصفورة 99 1100cc
انا باستعمل بنزين 80
و لما بتعمل كده بسقط غيار
يعنى ممكن اجيب الاول عادى و العربيه منحركه عادى و مفيش اى مشكله
ده احسن من انك تدوس شويه على الدبرياج لانه مع الوقت حياكل منك الاسطوانه
التسقيف دة دايما بيبقى ظبط كهربة
(الكهربة مش مظبوطة بتبقى زيادة او بيقولو عليها متقدمة)
او ممكن لو بتمون 80وهنا لازم تعمل التسقيف دة لما الموتور يبقى هادى وتحمل علية مرة واحدة...وميينفعش تلغى الحكاية دية لانة لازم تأخر الكهربة اووى وساعتها العربية مش هادور معاك الصبح
..وبعدين الموتور لو جامد بيطلع على الاول او على التانى ما بتفرقش
التسقيف مضر لكن انا بطلع على الثانى و السيارة و اقفة و مفيش تسقيف التسقيف ده بيحصل لو جبت التالت على 30 و بتعتمد على السيسيهات ايضآ لأنى عمرى ما شفت عربية جيب بتسقف