بعد التحية ://///
الرجاء من العملاء الكرام التوجه باى استفسار او شكوى
بالمراسلة على الايميل الاتى
وذلك بعد ترك بيانات السيارة والشكوى او اى سؤال لعرضه على المسؤل بالشركة .
وسيتم الرد عليها
ا/داليا فرج
خدمة عملاء الـbyd
bydservicecenter@yahoo.com
عرض للطباعة
بعد التحية ://///
الرجاء من العملاء الكرام التوجه باى استفسار او شكوى
بالمراسلة على الايميل الاتى
وذلك بعد ترك بيانات السيارة والشكوى او اى سؤال لعرضه على المسؤل بالشركة .
وسيتم الرد عليها
ا/داليا فرج
خدمة عملاء الـbyd
bydservicecenter@yahoo.com
السلام عليكم ورحمة الله
السادة الأفاضل ملاك الجميلة byd
نلمس كل يوم تفاعل واضح وملموس من التوكيل للتيسير علي أعضاء الموقع الكرام
ونرجو الإلتزام بالبيانات المطلوبة وإرسالها علي الميل المذكور حيث أنه مخصص من الشركة نفسها للرد علي الشكاوي والإستفسارات وتعرض علي قيادات الشركة لبحث ما يتم فيها حرصا من الشركة علي الإرتقاء بمستوي الخدمة وإذا سمحت لي آنسة داليا بإضافة صغيرة هي مقترحات السادة الأعضاء أيضا وفقا لرؤيتهم لعرضها علي السادة المسؤليين بالشركة وبحث إمكانية تحقيقها حتي يحقق المنتدي همزة الوصل المرجوة بين الشركة وبين الأعضاء.
الآنسة داليا
تحية خاصة لحضرتك وعلي مجهودك المميز وفي انتظار المزيد إن شاء الله
خالص تحياتي
شكرا لشركة الامل على اهتمامها الزائد للعملاء الكرام والى الامام دائما
شكرا لادارة الشركة على هذه الفكرة ... وعلى حرصها لارضاء عملائها وخدمتهم ... وانا مع الاستاذ / وائل فى فكرتة ... وهى استقبال اى اقتراحات من العملاء ايضا وعرضها على مسئولين الشركة ...
وشكرا ليكم مرة تانية لاهتمامكم بنا ...
مساء الخير انا عندى byd f3 موديل 2011 والان لونها اتغير يعنى بهتان و بقع بيضة فى بعض الاجزاء من عند الكبوت و الشنطة واجزاء اخرى و عدم لمعة زى الاول على الرغم انى محافظ عليها ومش بغسلها فى البنزينة لانى سمعت انهم بيبوظوا العربية و بغسلها على ايدى و مغطيها طول الوقت من الشمس اعمل اية ناس تقولى اعملها بسبوليش يلمعا واعملها بالشمع وناس تقولى وديها المصنع هما ليهم علاج ليها السيارة لسة معداش السنة عليها و هى لونها فضى ميتالك ارجوا الرد انا متحير جدا دى لسة فى الضمان هو ينفع ليها علاج من غير الرش ولا اية انا مش عاوز ارشها :majd(4):
املك سيارة byd f3 automatic وبعد شهر وجدت امبير الحرارة يعلى جدا حتى ان لمبة السخونة تنور فذهبت لمركز صيانة القطامية وقالوا انهم عالجوا المشكلة وبعد اسبوعين تكرر نفس الموضوع ولاحظت ان المروحة لاتدور وان الياه لا تفور بالقربة ولما اطفى المحرك و اعيد تشغيله امبير الحرارة الاقيه عند النصف و كأن شيئا لم يكن .
ارجو الافادة وشكرا
السادة احبائى ملاك الــ byd
تحية طيبة من القلب ،،،،
بداية اود ان اشكر جميع الاعضاء والمسئولين عن صفحة الــ byd على مشاركاتهم القيمة و الامينة والتى ساعدتنى كثيرا فى اتخاذ قرار الشراء للسيارة مستعملة موديل 2011 بحالة الزيرو والحمد لله ، ولكن بطبيعة الحال كانت لى بعض الملاحظات او المشاكل التى اكتشفتها من استخدامى للسيارة لمدة شهر .
وقد قرأت من خلال الصفحة تعليق الانسة / داليا ( مسئولة خدمة العملاء بفرع القطامية ) على احد الاعضاء ودعوتها له لزيارة مركز خدمة القطامية لحل مشكلته فى السيارة .
وقد شجعنى هذا على مراسلة الانسة داليا من خلال الصفحة وطلب تحديد موعد لمعالجة ما اراه من مشاكل فى سيارتى وقد كان هذا بالامس السبت 2012/6/30 حيث وجدت منها كل اهتمام وترحيب وحرص على المساعدة جزاها الله خيرا كثيرا وتم القضاء على 90% من مشاكلى ومنها ( عضة فى الغيار الاول والثانى ، دبدبة فى العفشة الامامية ، صفارة فى العجل الامامى مع الضغط على الفرامل )
والجزأ الباقى من المشاكل علمت انه من الاشياء المتعارف عليها بالنسبة للسيارة مثل ارتفاع صوت الموتور ما بين السرعة 100 كم الى سرعة 120 كم ثم الرجوع للصوت الطبيعى بعد ال 120كم وهذا كان رأى بعد الملاك والفنين الذين قابلتهم بالمركز .
واخيرا لا يفوتنى ان اشكر المهندس الشاب الذى تولى معالجة مشاكل السيارة بكل امانة واهتمام بارك الله فيه .
نصيحتى لجميع الاعضاء التوجه بمشاكلهم الى الايميل المحدد لذلك بمعرفة شركة الامل فى بداية الصفحة بمعرفة الاستاذة / داليا فرج و ان نتعاون مع الشركة فى محاولتها المشكورة للتواصل مع عملائها لكن رجاء لا تحرمونا من موافاتنا فى الصفحةبنتيجة تجاربكم .
وتمنياتى بالتوفيق لجميع ،،،
اخوكم / محمد حسن
ياسلام هههههههه
يعنى عاوز تقنعنى ان التوكيل شال ل العيوب دى فى يوم واحد ههههههههه يا عم حرام عليك ما هو يا اما انت اول مرةتشترى عربية فعلشان كدة مش واخد بالك يا اما بتجاملهم وانا ارجح الاختيار الاول ومتزعلش منى قولى لية حقولك لان موضوع الدبدبة فى العفشة دة عيب مساعدين فى السيارة ومعروف من زمان لن يحل الا بتغير المساعدين هل شركة الامل والامال حتغيرلك ولو مساعد لوجة اللة بدون ماتروح الاول تمسخر كرامتهم وتمسح بيهم بلاط الورشة طبعا لا وبعدين يفكروا يغيروهالك فكر الاول قبل ان تندفع فى انطباعك الحسن عنهم