تجربتى مع دايو لانوس 2007 و بعض المشاكل
بسم الله الرحمن الرحيم
من شهر تقريبا اشتريت عربيه دايو لانوس 2007 كامله مانويل العربيه بيتى بس صاحبها كان جايبها علشان يسافر بيها مصر مرتين فى الاسبوع المهم بعد لما اشترتها رحت لواحد ميكانيكى يعملى صيانه كامله غيرت سيور وغيرت شداد سير و فلتر هوا و فلتر بنزين و فلتر زيت و غيرت زيت موتور و نزلت زيت الفتيس و و حطيت زيت جديد و غيرت بيجوهات و عملت دوره تنظيف مياه رديتر علشان الاربه كان فيها صدا و حطيت مايه خضرا و جبت فردتين كوتش جديد قدام وجبت بليتن عجل قدام و كبستهم عند الخراط و ظبط الفرامل و ظبط الدبرياج و كان عندى علبه البيئه بتعمل صوت فارحت لواحد منه لله عملى سربنتيه بس خرم الماسوره اللى جواه العلبه فاعملت صوت خروشه وحش اووى قلت اطلع اجرب و اشد المهم طلعت على الدولى و منه على الساحل و اخر حاجه جبتها كانت 130 و بالعافيه جابتهم قلت يبقى عندى مشكله انا مش عارفها المهم و انا راجع عداد الكيلو نزل من 110 للصفر مره واحد و حلف انه مش طالع تانى .؟. رحت لكهربائى قالى ده الحساس غيره جبت واحد استعمال ب 50 جنيه جرب ما اشتغلش راح قالى ده الترس البلاستك الابيض اللى بيركب فى الحساس هات واحد جبت واحد استعمال ب 75 جنيه جرب قالى لا مش هو ده السبب قالى ده الضفيره اللى واصله للطابلوه فيها طرف مهزوز المهم عمل واصله خارجيه و اشتغل جربت مشيت 3 دقايق و فصل تانى فا قالى بص انت كان عندك مشكله فى الحساس و فى الترس اللى بيركب فيه و لسه عندك مشكله فى الترس اللى جوا الكرونه المهم رحت لميكانيكى شاطر اووى فى العجمى و نزل التروس اللى فى الكرونه و رحت جبت الترس جديد و ركبنا طلعت جربت اشتغل تمام قلتله بقى عندى الموتور مخنوق فا بص قالى ده الجكمان ده مسدود بعتنى لواحد فى العجمى شاطر اووى بردوا فك السربنتينه القديمه و عمل واحده من غير اخرام و غيرلى العلبه الاخيره علشان كانت مبوشه المهم الصوت راح بنسبه 90 % و الحمد لله طلعت جربت جابت معايا 150 الحمد لله ..... دلواقتى بقى لسه عندى كام مشكله عاوز اخد رائيكم فيها
1. رعشه جامده فى الدريكسيون مع الفرامل مع السرعه العاليا (فوق ال 90)
2.صوت الماكنه عالى جدا على السلانسيه مع انى لسه منظف حساس الايديل و عامل ايديل ليرن و لما قلت للمكانيكى قالى ظبط التاكيهات (انا ما اعرفش ايه التاكيهات دى ولا اعرف اعملها فين )
3.فى صوت ونه جامد جاى من عند المتور مع السرعه شبه العربيات التاكسى او المشاريع القديمه
4.فى صوت رفيع اووى بيروح لما بحط رجلى على الدبرياج للاخر و بيرجع لما ارفع رجلى ده و انا واقف
5.فى صوت تزييق جاى من ورا عند الشنطه كده
بصراحه انا شفت شهر فى العربيه دى عذاب فاياريت تفيدونى اعمل ايه علشان انا خلاص جبت اخرى و بفكر ابيعها
