يعني ايه كوك زيرو ............................؟؟ شارك بالكوكا بتاعتك

السلاااااااااااام عليكم اهالي المنتدى الكرام

الواحد كل يوم و التاني يسمع اخبار و يشوف حاجات غريبة جدا بصراحة و من اجمل التعليقات اللي بتتقال على الحاجات دي " يعني ايه كوك زيرو يعني ............................. " و بتكون تعليقات ساخرة و متركبة على المواقف صح جدا و جامدة جدا و متجددة مع الاحداث دايما و دمهم خفيف

قلت نجمعهم هنا يمكن لما نعرفهم كلهم نعمل بيهم موسوعة ولا حاجة فا ايه رائيكم كل اللي يعرف واحدة كوك زيرو يقولهلنا ؟؟

عاوزين الموضوع متجدد دائما و مفيش مانع من انضمام البيبسي و الميرندا و السفن و السبرايت و الفانتا و كل عائلة المياه الغازية تنور معانا

الكوك بتاعتي في التوقيع هههههه

اقتباس:

---

المشاركة الأصلية كتبت بواسطة ashouhdy

الكوك بتاعتي في التوقيع هههههه

---

هههههههههههههههههههههه ضحكتني ضحك

والله جامدة جدا

هم يبكي و هم يضحك والله العظيم

يعني ايه كوك زيرو ..... يعني يبقى في الشارع بتاعك محل موبيلات صحابو تلات شباب و سمعتهم زي الزفت و معلقين بوستر ابو اسماعيل

ههههههههههههههههه
فكرتينى يا دونزى
نزلت لقيت محل جديد فاتح ومعلق بوستر ابو اسماعيل برضه
قول اشوف اسم المحل ولا بيبيع ايه
لقيته محل بلاى استيشن :-)

يعني يجيلي واحد فاتح محل بعدي بشارعين وعاوز يحط يافطه اتصالات باسم محله علي محلي
هههههههههههههههه
حيشتريني لمجرد انه حيحطلي يافطه ب500 جنيه

حصلت معايا في الكلية
الكوك زيرو بتاعتي يعني .. تذاكر وتجتهد وتغشش العيال في الامتحان وفي الاخر تجيب جيد وهما امتياز :))

يعنى ايه كوك زيرو
يعنى المتحدث الرسمى للاخوان يقول الجماعة لا تسعى للحكم وهما مسيطرين على مجلس الشعب و النقابات و عاوزين الرياسه كمان

يعني ايه كوك زيرو ... يعني كل الناس ترشح نفسها للأنتخابات وتفضل انت لوحدك شعب ...!!

يعنى ايه كوك زيرو
يعنى تذاكر طول النهار و أول ما تقوم أهلك يقولولك أنت مش هتفلح

تبقي كاتب المنهج كله علي الموبايل و المراقب سايب اللجنه و في الاخر تجيب ض ج هههههههههههههههههههههههه ده ابن خالتي

اقتباس:

---

المشاركة الأصلية كتبت بواسطة abogogo

يعني ايه كوك زيرو ... يعني كل الناس ترشح نفسها للأنتخابات وتفضل انت لوحدك شعب ...!!

---

هههههههههههههه جامدة دي

يعني تذاكر طول السنه تشيل السنه
تذاكر اخر شهر تجيب مقبول
تغش في الامتحان تجيب جيد جداا

على فكره الكلام ده بجد في تجاره عين شمس :)

اقتباس:

---

المشاركة الأصلية كتبت بواسطة AboELsoud

يعني تذاكر طول السنه تشيل السنه
تذاكر اخر شهر تجيب مقبول
تغش في الامتحان تجيب جيد جداا

على فكره الكلام ده بجد في تجاره عين شمس :)

---

:plusone1::plusone1:
ودة عادى من دكاترة عين شمس !!

اقتباس:

---

المشاركة الأصلية كتبت بواسطة eng f3lix

حصلت معايا في الكلية
الكوك زيرو بتاعتي يعني .. تذاكر وتجتهد وتغشش العيال في الامتحان وفي الاخر تجيب جيد وهما امتياز :))

---

إنت أكيد مش في هلوسه لإن عندنا
تذاكر وتجتهد وتغشش العيال في الامتحان وفي الاخر تشيل وهما جيد :))

أما عندنا بقى يعني إيه كوك زيرو يعني تخش إمتحان 3 ساعات تخش أول سوئال ياخد منك ساعتين الا ربع وبعد كل الوقت ده الدكتور يقولك السؤال الأول انا كاتبه غلط وملغي ودرجته هتتوزع الاربع الأسئله الي فاضليين وتخش مع نفسك مارثون في الساعة الباقيه وبعد ما تطلع تكتشف إن سؤاليين من ال4 غلط برده والدكتور هيصحح السؤالين الي فاضليين الي إنت محلتهمش

يعني إيه كوك زيرو يعني الدفعة تبقى 850 ينجح منهم 430
ال430 دول يبقى فيهم 125 واحد شايل نفس الماده

اقتباس:

---

المشاركة الأصلية كتبت بواسطة aboelsoud

يعني تذاكر طول السنه تشيل السنه
تذاكر اخر شهر تجيب مقبول
تغش في الامتحان تجيب جيد جداا

على فكره الكلام ده بجد في تجاره عين شمس :)

---

مش تجارة عين شمس بس

دا في كل التجارات اللي مصر تقريبا

يعني الجزم تتحط في فاترينة والعيش يترمي علي الرصيف في الشارع
يعني لما الإشارة تبقي خضرة الناس تقف ولما تبقي حمرا الناس تمشي
يعني تدرس 15 سنة وفي الأخر تخرج يا مولاي كما خلقتني .
يعني كل ما ابو إسماعيل يتفوق في الإستفتاء بتاع الأهرام يتشال ويعملوا إستفتاء من جديد ....وبرضه يتفوق

لما عمر موسى يدشن حملتة بيفط فى ميدان الفلول (مصطفى محمود سابقاً)

اقتباس:

---

المشاركة الأصلية كتبت بواسطة محمد محمد

يعني الجزم تتحط في فاترينة والعيش يترمي علي الرصيف في الشارع
يعني لما الإشارة تبقي خضرة الناس تقف ولما تبقي حمرا الناس تمشي
يعني تدرس 15 سنة وفي الأخر تخرج يا مولاي كما خلقتني .
يعني كل ما ابو إسماعيل يتفوق في الإستفتاء بتاع الأهرام يتشال ويعملوا إستفتاء من جديد ....وبرضه يتفوق

---

انت خلصت صندوق الكوكاكولا على فكرة

اقتباس:

---

المشاركة الأصلية كتبت بواسطة Donzi

انت خلصت صندوق الكوكاكولا على فكرة

---

معلش الدنيا حر :untitled:وانفعلت:019F3B~14::crying1:

[frame="1 80"] الناس كلها بتسال.
يعني إيه كوك زيرو؟؟

كوك زيرو:
مش إن أبوك يا خدلك أرض فى الشروق ويطلع تحتها بترول(لالالالا)

ولا إنك تقابل بنت ع الشات وتطلع بجد بنت(لالالالا)

مش دى كوك زيرو!!!؟

ولا إن مراتك تتصل بيك وأنت بتلعب بلاى ستيشن مع أصحابك وتقولك"كام كام يا حبيبى"!!!!!!!!!!؟

لالالالالالالالالالالالال الالالالالالالالالا

أنا عندى الجواب بعد التفحيص والتمحيص والدراسة أقدر أقولكم يعنى إية كوك زيرو!!!؟

- كوك زيرو: يعنى إن الحكومة تدرس استيراد الغاز ,فى نفس الوقت اللى احنا بنصدرة لإسرائيل.(حاورينى يا طيطة).

- كوك زيرو: يعنى إنك تختار السودان علشان تلعب فيها ماتش فاصل(أشقاء وكدة يعنى)والسودانيين يشجعوا الجزائر!!!؟

- كوك زيرو: يعنى إن طوبة حزينة تكون سبب فى عزل اتنين من المحافظين!!!!؟

- كوك زيرو: يعنى إن نفس الطوبة اللى فوق دى بس على كبير شوية تكون سبب ف خروجنا من كاس العالم!!!؟

- كوك زيرو: يعنى إن ولامؤاخذة(جاموسة)تكون سبب فى اقالة وزىر

- كوك زيرو: يعنى إن جندى مصرى مسلم يقتل على الحدود بايد جندى مسلم فلسطينى (فالتحيا العروبة)

- كوك زيرو: يعنى إنك تكتب على جوجل للترجمة (إسرائيلى يقتل فلسطينى) تطلعلك الترجمة بقدرة قادر(فلسطينى يقتل إسرائيلى)(ومحدش يفكر يجربها عشان هما عدلوها خلاص)

- كوك زيرو: يعنى إن موظف فى اتحاد الكورة يقبض مرتبة فى أول شهر 400 جنية وبعد سنتين يكون مرتبة 15000 جنية(أوعدنا بشغلانة زى دى يا رب)!!!!؟

- كوك زيرو: يعنى إنك تمشى فى شوارع المحروسة تلاقى العيش ع الرصيف والجذم فى الفاترين(يبقى أنت أكيد أكيد فى مصر)؟

- كوك زيرو:إن الريس يسأل محافظ الشرقية(بلدك إية؟)ويرد علية المحافظ ويقولة(اللى تشوفة يا ريس)

- كوك زيرو: يعنى أن تمتلك مصر أسرع قطار ف العالم,لا مش الصعيد ولا العياط,هو قطر من (القاهرة للجنة عدل

- كوك زيرو: يعنى إن مصر تتقدم صناعيا وعلميا وتنتج أول أستيكة مصرية(والله براوة يا عمدة)!!!!؟

- كوك زيرو: يعنى إن معظم الهاربين بفلوس مصر للخارج كانوا بيعملوا لنا موائد الرحمن وأتارى احنا اللى كنا عزمنهم.!!!؟

- كوك زيرو: يعنى إن مصر ليست مملكة ولا يورث فيها الحكم,وعلى الرغم من كدة......(كملوا انتوا بقا)!!!؟

- يعني تلاقي واحد معتبش التحرير و يحكيلك اللي حصل بالظبط و يحلف عليه

- يعني ايه كوك زيرو ؟؟؟ ... يعنى الراجل اللى ورا عمر سليمان وبلوفر شفيق أشهر من نائب الرئيس و رئيس الوزراء السابق

- ىعنى الناس تعترض على ترشىح البرادى و ىسىبو عمرو مصطفى ىرشح نقسة

- يعني نسيب الثورة و نسأل هو البنات اللي كانت في التحرير ده ملهاش أهل

- يعني تغيير شعار الشرطة للشرطة في عرض الشعب

- كوك زيرو يعنى كل المصريين اللى بره عاوزين يرجعوا مصر يعيشوا و يتمتعوا بالحرية فيها و حسام حسن يهدد بالهجرة

- يعني فتحي سرور يتكلم عن تزوير الإنتخابات

- يعني الإخوان المسلمين يجتمعوا بالمجلس العسكري وأمن الدولة يصبح تنظيم محظور

- يعني إيه كوكا زيرو يعني الجيش يبعتلك مسجات أكتر من خطيبتك

- يعني تبقى الناس قاعدة في التحرير ...و رئيس الوزرا يقولك انا كنت قاعد مع الشباب في الفورسيسون

- يعني الزمالك أول مرة يبقى أول الدوري من 7 سنين , تقوم الثورة والدوري يتلغي

- يعنى البرادعى يقول ان التغيير قادم لامحاله وموسى يقول الطريق للرئاسه مقفول والناس ترشح موسى

- يعنى تنسى باسوورد الايميل بتاعك .. و أمن الدولة يرجعهولك

- يعني مصر تشوط تلاتين كورة على الجول و تونس تفوز تلاتين صفر

- يعني مبارك يطالب بمحاكمة عادلة له

- يعني تقول لأمك أنا نازل مظاهرة تقولك استنى ألبس وآجي معاك

- يعني أم الشهيد مش عارفة تأخذ حقها وأم جمال تصرف فلوس مكتبة أسكندرية


- يعني لما تبقى مش لاحق تروح الشغل و بتفكر تزوغ و مديرك يديك اليوم أجازة

- يعني أيه كوك زيرو : يعني تبقى ظابط في أمن الدولة قاعد في المقر بتاعاك ويجيلك مدنيين على الفجر عشان يعتقلوك

- يعني تلاقي كل الأمهات عاملين أكونت علي الفيس بوك

- لما تسمع واحد في الشارع بيوصف لك عنوان ويقول لك : تعدي أول دبابة تاني دبابة تالت دبابة تدخل يمين في شمال

- لما أبوك يقولك كفاية نت بقي هفصله عنك ترد تقوله إنت عارف آخر واحد عملها عملنا فيه إيه

- لما ابوك يسيب اخبار التلفزيون ويجي يقولك شوفلي الناس بتعمل ايه علي تويتر

>>>>>>>>>>>>>>>وهى دى العيشة مع كوك زيرو!!!؟<<<<<<<<<<<<<

[/frame]

يعنى ايه كوك زيروو


قال يا مستني التلفزيون المصري يبطل هجص ... يا مستني فيفي عبده تبطل رقص ^^

قال يا مستني مبارك ياخد اعدام .. يا مستني ابو اسماعيل يضرب برشام
... ... ...
وقال يا مستني بلدنا تبقي ديمقراطية.. يا مستني البيبسي ينزل م الحنفية
...
يا مستنى دستور جديد وحكومة شديدة ... يا مستنى شاكيرا تسكن فى المزرعة السعيدة

قال يا مستني بنزين في المحطة . . يا مستني جالاكسي تبقى بالشطة

يا مستنى تحقيق وقصاص فوري .. يامستني الزمالك ياخد الدروي ..

يامستنى مبارك يتحاكم ..... يامستنى المشلول يبقى ملاكم ^^

يامستنى العسكر يسلم السلطة ... يامستنى عيد ميلاد من غير تورته

يا مستني البرلمان يشيل الحكومة ... يا مستني تشوف فيل منغير زلومة

قال يا مستنى مبارك يدفع التمن غالى .....يا مستنى توم كروز فى الجزء الخامس من الدالى

يامستنى العسكر يتأدب ،، يامستنى الرقاصه تتحجب

قال يا مأمن للدكتور في الامتحان ،، يامأمن للشرطه في الميدان^^

قال يا مستني قانون الطوارئ يترفع ... يا مستني يقولولك فاتورة التليفون مش هتدفع ^^

قال يا مستني المصري ميقولش للضابط يا بيه ... يا مستني أحمد شفيق ميقولش إيه...! ^^

قال يا مستني التلفزيون المصري يبطل كدب .... يا مستني الشعب المصري مياكلش لب
يامستني حاجه حلوه من البرلمان .. يامستني ميسي مايجبش اجوان .

يا مستني سوزان تطلع مظلومه ... يا مستني صعيدي معندوش شومه

يعنى نقعد نتعلم طول عمرنا ان الكذب حرام و اللى بيكذب بيروح النار نقوم نلاقى اللى بيكذب اليومين دول بيبقى مذيع مشهور و مقدم برامج او عضو فى مجلس الشعب او الشورى و احتمال يبقى رئيس جمهورية ...

يعنى ايه كوك زيرو

يعنى لو عايز تعرف جنسيتك انتا و امك

رشح نفسك للرياسه



انا مش عاَرفنى xddd

يعنى الاخوان يقولوا مش هنرشح حد للرياسه و بعدها بثلاث شهور يرشحوا خيرت الشاطر و الناس تزعل منهم و عمر سليمان يطلع بيان يقول مش هاترشح و بعدها بثلاث ايام يرشح نفسه و الناس تهلله و تفرح بيه

ههههههههههههههههههههه

والله انتوا بتكتبوا حاجات تحف والله

دا البلد دي طلعت اخر مسخرة

يعني ايه كوك زيرو يعني ابو اسماعيل يجمع 150 الف توكيل من اول باب الترشيح مايفتح وعمر سليمان يقدم فى اخر وقت لقفل لباب الترشيح وبرده يجمع التوكيلات