عايز اعرف كماليات اوكتافيا a5 موديل 2007 baseline يا ريت حد يفيدني علشان عايز اجيب العربيه دي
عرض للطباعة
عايز اعرف كماليات اوكتافيا a5 موديل 2007 baseline يا ريت حد يفيدني علشان عايز اجيب العربيه دي
انا معايا اوكتافيا a5 موديل 2007 مانوال
فرامل abs
نظام asr
حساس ضغط الكاوتش
2 ايرباج
تكييف عادى
2 تلاجه (تحت مسند اليد وفى التابلوه)
سنترلوك
4 ازاز كهرباء
فوج لايت
كمبيوتر رحلات (متوسط الاستهلاك - باقى كام كيلو تقدر تمشى بيها - ميعاد الصيانه)
ظبط المصابيح الامامية (تعلى وتوطى النور الامامى)
المميزات من وجهه نظرى:
عربيه جميله جدا فخمه واهم حاجه عندى عاليه على الارض يعنى ما فيه مطب يخبط من تحت حتى لو مركب 4 ورا دا غير ان الشطنه واسعه جدا
العزل بتاع العربيه جميل جدا بمعنى لما تقفل الازاز ما تسمع حاجه بره نهائى
التسارع فى الاول مش بطال لاكن بعد 100 فعلا حاجه مزهله ممكن من سرعه 100 الى 170 بكل سهوله
العربيه صاجها قوى جدا كانك راكب دبابه
العيوب:
الرؤية الخلفيه سيئه جدا علشان اللازاز اللى ورا مساحته صغيره دا غير ان العربيه عاليه من الخلف
يعنى لما تيجى تركن هتلاقى صعوبة لاكن بعد التعود مش هاتحس بكدا
صوت المتور عالى شويه مقارنه بالعربيات التانية من نفس الفئة كا الجيتا
قفل الباب واللازاز مفتوح مزعج جدا
واخيرا موضوع التكييف فيه ونه غريبة جدا لما تشغل التكييف ولما روحت التوكيل قال ان دا عييب فى كل موديلات 2006 و2007 مع العلم بانه بيبرد كويس بس المشكله فى الونه دى
اتمنى اكون افدتك
الف شكر يا استاذ علي بس كنت عايز اعرف الاوتوماتك فيها مثبت سرعه ولا مفهاش
تسلم ايدك استاذ علي عبدالحميد
ارد على استاذ هوبا واقله اه الاوتوماتيك الكاتيحوري b فيها مثبت سرعه اللي هي بعد الفاضية على طول
شكرا يا استاذhisho بس انا مش عارف هيا اني كاتيجوري بس هي طاسات مش جنط
استاذ هشام
انا قرات فى البوفايل عندك السياره الاولى تويوتا كرولا والسياره التانية اسكودا اوكتافيا زى حالاتى
يا ريت تقولى ايه الفرق لما ركبت العربيتين ومين الاحسن ؟
بافكر اجيب الفانتازيا مانوال تنصحونى بيها ولا ادوس على نفسى و اجيبها اتوماتيك؟
انا عايز ابعد عن مشاكل الفتيس الاتوماتيك وحاسس ان التسارع بتاعها فى المانوال احسن من الاتوماتيك ياريت الى معاه المانوال يفيدنى وشكراً
طيب انا اللي قدامي دي موديل 2007 فابريقه كلها ماشيه 60000 و معمول لهل السيرفس بس عايزه كاوتش سعرها يبقى كام ؟ ارجو سرعة الرد
95 الف
استاذ mrscount
انا معايا اوكتافيا مانوال
اللى اقدر اقولهولك بامانه هيى : المانوال احسن فى التسارع والفتيس ناعم جدا وحركته قريبه من بعض بمعنى ان النقلات لا تحتاج الى اى مجهود والدبرياج مريح وسهل
لاكن
الاوتوماتك فى الزحمه اللى احنا فيها دى مهم . اكيد مش ممكن تتخيل ان على كوبرى اكتوبر من اوله وافق وانتا كل شويا تنقل اول وفى تانى اول فى تانى وى شده اعصاب بالاختلاف تمام مع الاوتوماتيك مريح بالك تماما
اذن لو اوتوماتيك تخلى بالك من حاجه مهمه اولا تغيير فى الزيت قبل الميعاد وما تقرص على العربية علشان بعد فتره بتحس ان العزم قل عن تجربه صدقنى ومش هاتعرف تحلها غير انك تبيع العربية