الطريق إلى المطار و العودة

**kashtoot** · 03-04-2012 08:50 PM

السلام عليكم ورحمة الله وبركاته
إخوانى الأعزاء
أنا جاى من بنها من طريق مصر إسكندرية الزراعى و كنت عايز أروح للمطار بالعربية أمشى إزاى؟
و أنا راجع أرجع على بنها إزاى؟
وجزاكم الله خيرا

**M.FOUAD** · 04-04-2012 01:44 AM

هتطلع الدائري تاني فتحة اتجاة الاسماعيلية هتاخدة لحد النفق متنزلوش خش من جنبة يمين خد كل الكباري اللي تقابلك هتلاقي المطار على شمالك
و انت طالع من المطار امشي طريق العروبة هتلاقي يفط كثير تدلك اول كوبري يقابلك متطلعوش خش من جنبة يمين هتفضل ماشي في الطريق دة حوالي 5 كيلو هتلاق مطلع الدائري على يمينك اطلع و هتلاقي بعدها منزل الاسكندرية الزراعي

**هيثم المنياوى** · 04-04-2012 01:53 AM

المشاركة الأصلية كتبت بواسطة m.fouad

هتطلع الدائري تاني فتحة اتجاة الاسماعيلية هتاخدة لحد النفق متنزلوش خش من جنبة يمين خد كل الكباري اللي تقابلك هتلاقي المطار على شمالك
و انت طالع من المطار امشي طريق العروبة هتلاقي يفط كثير تدلك اول كوبري يقابلك متطلعوش خش من جنبة يمين هتفضل ماشي في الطريق دة حوالي 5 كيلو هتلاق مطلع الدائري على يمينك اطلع و هتلاقي بعدها منزل الاسكندرية الزراعي

طيب مايكمل دائرى ياباشا على طول يعنى ينزل النفق وفى مخرج للمطار على طول أسهل من كدا

**MASERATI** · 04-04-2012 04:11 AM

المشاركة الأصلية كتبت بواسطة هيثم المنياوى

طيب مايكمل دائرى ياباشا على طول يعنى ينزل النفق وفى مخرج للمطار على طول أسهل من كدا

السلام عليكم و رحمة الله و بركاته

أنا من رأيى كده فعلا, أنه ينزل النفق عشان يتفادى الحتة اللى ممكن جدا جدا تكون زحمة اللى بتبقى من أول النفق لحااااااااااد المطار, انزل النفق و اطلع منه و كمل عالدائرى لحاد ماتلاقى المدخل بتاع المطار على يمينك, ميزة الوصفة دى, أن -ان شاء الله- مفيش أى زحمة لحاد المطار.

و الرجوع مفيش أسهل منه, هتلاقى يفط كتير أوى أول ماتطلع من المطار بتدلك على الطريق, خليك مع اليفط اللى بتطلع عالدائرى و اركب الدائرى لحد ماتنزل على الزراعى فى اتجاه بنها.

**_hema** · 04-04-2012 06:05 PM

المشاركة الأصلية كتبت بواسطة maserati

السلام عليكم و رحمة الله و بركاته

أنا من رأيى كده فعلا, أنه ينزل النفق عشان يتفادى الحتة اللى ممكن جدا جدا تكون زحمة اللى بتبقى من أول النفق لحااااااااااد المطار, انزل النفق و اطلع منه و كمل عالدائرى لحاد ماتلاقى المدخل بتاع المطار على يمينك, ميزة الوصفة دى, أن -ان شاء الله- مفيش أى زحمة لحاد المطار.

و الرجوع مفيش أسهل منه, هتلاقى يفط كتير أوى أول ماتطلع من المطار بتدلك على الطريق, خليك مع اليفط اللى بتطلع عالدائرى و اركب الدائرى لحد ماتنزل على الزراعى فى اتجاه بنها.

برااااافو

وصفه جميله وسهله لتفادى الزحام بتاع جسر السويس والهايكستب والفتحه الجديده اللى موجوده فى الدائرى وفرت كتير من الوقت والمجهود

اما الرجوع ممكن تخرج من المطار اتجاه السويس وتطلع من فتحه الدائرى على طريق السويس

او تخرج من المطار اتجاه صلاح سالم وتدخل من طريق الهايكستب جسرالسويس هتخلى الكليه الحربيه على يمين حضرتك ودا اتجاه مصر اسماعيليه الصحراوى كانك رايح على ملاهى السندباد وهتكون على شمالك
وبعد موقف العاشر هتلاقى حضرتك اتجاه للدائرى يمين هينزل حضرتك على نفق السلام مباشره

وتوصل بالف سلامه