صيانة ال 40 ألف في مركز أبو رواش
عربيتي عامله 59 الف كيلو
وانا اشتريتها مستعمله من شهر
قلت اروح اعمل لها صيانه
لأنها صاحبها الاول ماكنتش مهتم بالصيانه الدوريه
ميعادي كان 9:30 صباحا
وصلت متأخر نص ساعه
العربيه دخلت الساعه 12 تقريبا بعد الكشف اللي بره
كان فيه صوت غريب في العربيه
المهندس قاللي انها طلمبة المياه
تمنها 780 ج تقريبا قبل الضرايب
قلت الحمد الله
عملت الصيانه
ومشيت من هناك الساعه 4 العصر
تقييمي للمركو بشكل عام جيد جدا
الاسعار زي أي عربيه ياباني وجديده عاليه شويه
التعامل ممتاز
سألتهم هل هناك مواصلات توديني كارفور لأني كنت زهقت من الانتظار
قالولي ان عندهم عربيه توديني وكارفور وترجع ترجعني تاني في الوقت اللي انا عايزه تاني
ودي عجبتني جدا
المركز بشكل عام جيد جدا
بالنسبه للصيانه
غيرت طلمبة المياه
زيت الفيتيس
زيت الفرامل
سير المجموعه
بوجيهات
مياه المبرد
ومياة المساحات( مش عارف ليه يعني)
الاجمالى 2450 جنيه
