الموضوع: حد عنده خلفيه عن المتسوبيشي البطه

مواتير اللانسر بتبقى حامية اوى على فكرة و الشد و السحب تسد معاك بالقوى

عاوز ماتور عفى هات ال1500 توين كام
او ال1600 واحد كامه اسمها المكنة الحمراء

و التكلفة بالتركيب و شرء كل حاجه فى حدود 4000

و طلعاا قطع الغيار اللانسر منتشرة جداا فى السوق

دى العربيه الاولى فى مصر

بس هى مريحة و واسعه من جوة و رنجها من 35 الى 40

المشاركة الأصلية كتبت بواسطة wassof

طيب بما انك من ملاك العربيه دي ممكن توصف لينه شعورك عنها ايه مميزاتها وايه عيوبها
بعيدآ عن انك تكلم عن ماتورها 1300
يعني قطع غيارها ايه منتسرة قليله كده ءعر قطع غيارها ايه كويسه العربيه مشكلتها ايه
ورنج بتعها بيكون كام لوعربيه حالتها محترمه عايز سعر حقيقي مش سعر كونتكت كار الي كله تجار ولا سعر السوق الي مفيهوش بيع بسبب المبالغ المبالغ فيها
وسؤال ماتور 1600 المايفك ده عامل كام استراد هل ليه قطع غيار جديدة واستراد ولا ايه ؟ عايزن نعرف

انا ركبت العربية دي بعد الفولفو 940 و بعد زلموكة يعني نلة اكبر من النزلة بتاعة جولف لبطة .... المهم

العربية دمها خفيف , لذيذة , محندقة , ناعمة , سهل جدا التحكم فيها , ثباتها كويس جدا لحد 185 كيلو في الساعة , تكييف كويس جدا , قطع الغيار رخيصة جدا .... ( فانوس اشارة ب 25 , فانوس امامي ب 120 , 2مساعدين امامي ياباني اصلي ب 350 , 2 مساعدين خلفي ياباني اصلي 500 ,.... و الاسعار زي كده ) و متوفرة في فاقوس شرقية , بني مزار المنيا , بني سويف , و طبعا في مصر عند بتوع الياباني .
عيب العربية انها واطية و بتحك في المطبات العالية , و عيب كمان انت لو عيلتك كبيرة و معاهم شنط هتبقى العملية صعبة .....
مش عارف بالظبط رينج الاسعار ... بس انا لو جالي سعر بين 33 الى 35 هبيع بكل اسف لأن العربية بقت صغيرة على العصابة بتاعتي ....

لو عايز تجرب العربية بس يكون خميس أو جمعه ( بغض النظر عن اني عايز ابيعها ) كلمني و نرتب مقابلة و سوقها و احكم بمفسك على البطة ...

انا عن نفسى بحب العربيه دى اكتر من الكرستاله

بس الكريستالة جامدة بردوا

لا الكريستالة برضوا ليها مركزها انت لو جربت الكريستالة هتحبها



و بالنسبة للسعر ده بتاع الكريستالة يعنى تسقيط مكنه و بتدخل مكنة فيها بياخدها منك بالمصنعيات كمان مكنه بالفتيس الاتو متوسط 4 الى 4.5 الف

المشاركة الأصلية كتبت بواسطة wassof

ياباشا انا نفسي اركب بي ام ام فورتي بس تكون عربيه وقفه هاتلي في مصر بي ام فورتي مش متهانه ومتبهدله والمشكله ان اسعارها ضربه في الخيال يقولك 50 الف وتاني يقولك 55 وتالت يقولك 60 اه وربنا ههههههههه والمشكله هتجيب ام 50 شوف العربيه دي كانت تحت ايد شب فرك امها هتاخدها من بعده تقعد تشد فيها لغايه لما تشد شعرك وراها من كتر ما هتكون بلاعه فلاوس اما بي النسبه اللجولف عربيه جميله موزززززز وانا بعشقا وكمان عربيه مابتقولش لا مع اي عربيه عايزة تشد معايه بس انا صرفت عليها مصاريف مغوله وتخيل انا عايز ابيعها دلوقتي ليه ؟
علشان هيا مش عايزة غير كرسين او يتظبطه وتكيف والتكيف بقا سئلت عليه قالي الياباني بي 3000 الف جنيه غير التركيب والصيف داخل وانا استحرمت احط تكيف قولت ابيعها واشتري عربيه فيها تكيف واسقط له ماتور بس يكون فيها تكيف
مع العلم تعالي اقولك انا صارف عليها قد ايه
ماكنه بي فتيسها بي الضفيره 1800 بي بي وطرمبه بور + فرامل سكاكين
عافشه كامه جديده ومساعدين استراد جولف 3
وصارف عليها اتنين اكصدام جي ال
وشاري عداد جديد ار بي ام علشان عددها ساعه
وشاري قطمه كامله بي الطاره
غيراني مغير ماسوره الشكمان مغيره بي ماسورة 2 بوصه كبيره علشان الماتور يطلع الهوا بتاعه مستريح وعلبه ديفل كانت عندي من زمان في البي ام
غير بقا السنتر والزجاج الكهرباء ولسه جايب اربع فرد كوتش جديد ماعملوش 100 كيلو
ولسه عاملها طقم صاينه مغير افروميتور وطرمبه زيت
وشفت بعد كل المصاريف دي حسيت حرام عليا اصرف اكتر من كده ليه علشان العربيه مش هتجبلي كل ده فاحرام عليا قولت ابيعها كده والي يشتريها يبقا يحط هوا فيها التكيف

انت عملت زى صرفت على ال 128 الاف وفى الاخر بعتها عشان التكييف عشان الاسره وخصوصا لو عندك طفل صغير

اللانسر مش وحشه وانا كنت بفكر اشترى لانسر بطه بس ناس نصحتنى ابعد عنها واخلينى فى الكريستاله وطبعا اللى معاه كريستاله نضيفه مش اقل من 40 الف ولو لقيتها نضيفه كمان
عموما لو لقيت بطه بحاله نضيفه اوى خدها وانت مطمن لان موضوع قطع الغيار والكلام ده مش حيفرق معاك لانك كنت راكب المانى وعارف

والام فورتى اللى معاه واحده نضيفه مش بيبيعها ولو بيبيعها بيبقى هلك ابوها ومش عاوز يصرف عليها وده اللى خلانى اصرف نظر عن البى ام خالص لان مفيش واحده الا وفيها مصاريف وممكن تكون واخده خبطه ورشه حته فى الحوض او الشنطه وركبت فيات تانى مع انى مكنتش عاوز فيات تانى بس اهو مؤقتا لحد ما ربنا يفرجها