محتاااااااااج مساعدة من الاخوة المحاسبين

السلام عليكم ورحمة الله وبركاتة

اخوانى الاعزاء .......................بأختصار عشان مطولش

ليا واحد قريبى عندة شركة صغيرة .......شركة اشخااص

وطلب منى انى اتابعلة حسابات الشركة

هو عاوز يعرف اذا كان بيكسب ولا بيخسر .....المركز المالى للشركة

لية كام فى السوق وعلية كام ...........معدل البيع مغطى المصاريف اللى بيتحملهااا ولا المصاريف اكتر من صافى الربح وكدة يعنى

انا خريج تجاااروة واشتغلت فترة قصيرة جدااا فى الحسابات وبعدين كملت فى المبيعااات


فسؤااالى

هل فية برنامج كمبيوتر جاهز يساعدنى

طب اسمة واقدر اجيبة منين

وياريت لو عندكم اقترااااحاات ...

اعمل اية ؟؟؟؟؟؟؟؟؟؟؟؟؟؟؟؟؟؟؟؟؟؟

انا سريشت على جوجل لقيت فى منتديات بتعرض برامج محاسبة مجانية

بس كل مااحمل حاجة تطلع مش موجودة لقدم المشاركة

حد عندة افكااار

امكانياتك في البرنامج في حدود كام
في برامج sql في حدود 3000- 6000 وبتفرق جامد على حسب عدد الاجهزة
وفي برامج oracle في حدود 20000 الى ماشاء الله على حسب حجم المنشاة وإذا هتعمل فروع ومخازن وشئون عاملين ومتابعة خطوطج انتاج وخلافه

لكن طبعا ارشحلك برامج sql وهي منتشرة بكثرة في منها العربي وفي منها الاجنبي

السلام عليكم
فيه حل اسهل و ارخص ان حضرتك تجيب دفتر يومية امريكية و تعمل خانة لكل مصروف (مشتريات-اجور-م.كهرباء و مياه-م.نقل-م.نثرية .........الخ) و خانة للنقدية و في المقابل خانة للايراد و خانة للعملاء و تعكس القيود في هذا الدفتر و كل شهر ترصد و تعمل موازين مراجعة و منها تقدر تعمل مركز مالي و قائمة دخل
طبعا الطريقة في استخدام اليومية بتبقي صفحة مدين و صفحة للدائن و دفتر اليومية الامريكية بيبقي تقريبا 16 خانة (عمود) في كل صفحة و طريقة التسجيل كالتالي :
حصل ان هناك فاتورة مشتريات نقدية و علي الحساب حيكون التسجيل كالتالي :
تسجل في المشتريات كامل القيمة و الجزء النقدي في النقدية و الآجل في الموردين يعني انت بتعكس القيد في الدفتر
و يارب اكون قدرت افيدك

لو ليك فى الاكسيل ممكن تعمل انت يومية امريكية وتخليه يصب فى ميزان مراجعة وتخليهة يصب فى القوائم
طبعا كل دة بالمعادلات والربط بين كل شيت
لان معظم البرامج بفلوس يعنى فى برامج بتبدا من 2500 الى ملايين
ولو عايز برنامج ممكن اديك رقم الشركة بتاعت البرامج اللى بنتعامل معاها فى الشغل
ولو عايز مكتب يمسكلك الحسابات ادلك على مكتب كويس

انا شاكر ليكم جدااا ياجماعة على مشاركاتكم

بس بصراحة الموضوع مش عاوزة يكوون مكلف خالص عشان المنشأة دى صغيرة
والميزانية متسمحش

بس انا ممكن اشتغل على اكسيل شيتس بس عاوز اعرف انا هعمل اية الاول

بس هل لو دورت على النت ممكن الاقى برامج مجانية حتى لو لفترة معينة

بص ياباشا
خش على المنتدى ده
ودور فيه
انا فاكر زمان اني نزلت منه شيتات اكسيل كانت حلوة قوي ومقضية الغرض اللي انت عايزه

Index

الاول تكون فاهم قيد المحاسبة كيومية
وبعدين ترحيل للاستاذ وتعمل ميزان مراجعة بالارصدة
لو عملت ميزان مراجعة يبقى الباقى سهل
بس وانت بتظبط الدنيا
قريبك لازم يجهز المستندات وتعمل نظام يمشى عليه فى مسك المصاريف واعطاء بيانها ليك
يعنى متتوقعش منه يديك فواتير معتمدة مثلا
لكن ورقة بمصروفات وايرادات اليوم والمشتريات والمبيعات
وانت من البيان ده هتتحرك بعد كدة
بس يفضل تعمل جرد للمخزون
تحدد ارصدة العملاء والنقدية
كانك بتعمل مركز مالى مبدئى

ياجمااااااااااااااااعة اناااااااااااا شاكر جدااااااا ليكم