المشاركة الأصلية كتبت بواسطة ahmed.tv
موضوع الاذواق حاجة واحتياجك من العربية حاجة واساسيتها حاجة تانية
التيدا واخدة 4 درجات تقريبا فى علامات الامان .. بلاش بره مصر
خالينا جوة مصر
على التجربة العملية .. زملينا كان معايا تيدا .. وماشى بيها على طريق السخنة .. وسرح فى ملف على حرف s
ومكنش واخد باله وماشى تقريبا فى حدود 120 وهو داخل عليه .. ودضرب فرامل .. والعربية دخلت فى خرسان اسمنتى اللى فى المنتصف
والراجل جوة العربية محصلوش حاجة والكابينة سليمة بس الايرباج السائق اتفتح
والعربية من بره بصراحة لما شوفتها انا قولت العربية دى اكيد اتهرست .. ولقتها كويسة وكان ممكن تتلم بره التوكيل فى حدود 25 الف تقريبا بس عشان اسعار التوكيل غالية .. فعدت ميزانية كبيرة ودخلت توتال لوص عشان كان مامن .. وهو قالى العربية لو عملتها حلمها بره .. وبصراحة قالى تحية وتقدير للتيدا
ولولا الحالة النفسية بعد ما عمل الحادثة .. بيقولى العربية اختيار رائع وامان .. ولو كان معايا كورى كانت اتدمرتتتتتت فعلا
نرجع بخصوص الثبات .. العربية بسبب الارتفاع بيكون فى رجة هواء خفيفة لما بتدى جنب اى عربية وده حتى طبيعى فى اى عربية بتدى من جنب عربية تانية .. بس بتفرق من وزن عربية الى عربية .. بس بتتحس فى اغلب العربيات
بس مش لدرجة ان حيجى شوية هواء حيخلوا العربية تطير فوق فى الجو ... هههههههه .. والله ياريت
وبالنسبة للاحتياج .. انا مركبش عربية ضيقة .. وماتورها قديم او براند كورى .. وابقا مخنوق وقاعد مش مرتاح فى القعدة .. وكمان العربية مش مرتفعة عن الارض .. واتهرى مطبات وبلاليع تخبطتلى فتيس ولا حاجة فى الماتور واتسوح .. انا عندى اركب عربية مرتفعة من على الارض وامشى عدل وعلى مهلى واخرى فى السرعة 130 او 140 باكتير ومرتاح من كل شى على العربية وعلى نفسى
وبعدين لو عايز افترى تجميع ماتورها قوى فى السرعات العربية .. وده بسبب خفية وزنها فالعربية بتجمع كويس وماتورها مش بيفقد وبيهدر عزم كتير
ده غير فى موضوع مع احمد اف بى اى .. مديته بالصور عشان اكتشفت حاجة فى الماتور بتعطى عزم وقوة ... قريب حنزله فى القسم
بخصوص السوال عن صوت الماتور على السرعات .. اولا جرب عربيات اخرى تيدا .. فلازم تقابلنا عشان نجرب وتشوف
تانى حاجة لما نتقابل جرب عربية صنى .. واسمع صوت الماتور قبل 100 وقارنه بينه وبين التيدا لغاية 120
وانت قاعد جوة الكابيينة .. وحتعرف الفرق .. والنعمة فى العزل وصوت الماتور
واكيد طبعا فوق ال130 ولغاية 195 الصوت حيكون عالى وخشن
بس بصراحة انا بجيب 150 ومرة 185 كنت سمعه بس مش بازعاج يالم .. وعلى فكرة باخد بيها ملفات على 120 .. الملفات اللى مش واخدة دروان قوى .. لو دورات الملف ودخلته مرتاحة باخده على 120 ..
وفى ملفات على 100 وفى على 90 .. لازم تظبط سرعتك حسب الملف اللى انت داخل عليه .. والعربية بتظبط معاك .. لان مينفعش ملف منحنى جامد وادخل عليه 120 وهو مفروض ادخل عليه مثلا بالكتير 80 .. فاكيد لو داخل عليه 100 او 120 العربية حتتاثر ومش حتلاقى ثبات .. ونرجع نقول العربية مش ثابتة !!
بصراحة العربية مش حقول عايزة تعامل من نوع خاص .. لان اللى متعود على سواقة الباور العادى غير الباور الكهرباء واللى ركب عربيات ضيقة وواطية على الارض غير قعدته واحساسه فى عربية اكبر واوسع
زى ما كان معايا بولو وطلعت على التيدا اخدت فترة عقبال ما اتعودت على العربية .. وكنت بفكر فى كل اللى بيفكروا فيه الناس
تحياتى وان شاء الله نشوفك قريب ونقعد مع بعض ونجرب العربيات .. وتجرب عربيتى باذن الله
وبلاش السرعات العالية
ربنا يحميك ويكفيك شر الطريق