الرد على موضوع اختبار تصادم اللادا

انا للاسف لعطل موجود عندى بجهاز الكمبيوتر لم استطيع مشاهدة الملف الخاص بتصادم اللادا
وقد شاهدتة الان فقط بعد اصلاح العطل وتعجبت لماذا التركيز على تصادم اللادا فالملف يحتوى على تصادمات للعديد من ماركات السيارات وليس اللادا فقط
فيوجد تصادم للبرتون
والجاجور (الجاجور يا جماعة مش اللادا )
والباسات
والمرسيدس
والاوبل فيكترا
والمتسوبيشى
وتخيلوا معى (فقط تخيل) لو كانت الاسبرانزا موجودة
وجميع هذة السيارات ( وليس اللادا فقط ) حالتهم بعد التصادم لاتسر عدو ولا حبيب
وواضح ان قوة التصادم قادرة ان تفلق دبابة او مدرعة نصفين وليس سيارة عادية واعتقد انة لايمكن ابدا ان تنجو سيارة او من باخلها من هذا التصادم وان كانت دبابة ميركافا او ابرامز
والعجيب انكم مركزين فى الموضوع كلة على اللادا فقط
على العموم الموقع هو[web:aa627d619e]http://www.autoreview.ru/[/web:aa627d619e]
لمن يريد الاطلاع على نتائج تصادمات هذة السيارات وليس اللادا فقط وشكرا لجميع الاخوة الاعزاء

يا سيد حسام مش موضوع مركزين علي اللادا ولا حاجه بس اصحاب اللادا هما اللي بس فاكرين انهم راكبين مدرعات او دبابات ما بيحصلهاش حاجه ماهو طبعا اي عربيه في اختبار زي دا لازم حيحصلها حاجات زي دي بس بقي العربيه اللي بيبقي عضمها انشف بالطريقه دي و مش باسلوب مدروس دا بيخليها تاثر علي الركاب تاثير عكسي.ف يبقي يا فرحتي لما اركب عربيه صاجها جامد و تحافظ علي نفسها بعد الحادثه و انا اللي ابقي مضرور

استاذ حسام كرم السلام عليكم , طبعا المقصود بكلام حضرتك هو انا و لعلم سيادتك انا مش مركز على اللادا و لا حاجه فى نفس اليوم ده انا وضعت 4 أفلام بخصوص الحوادث واحد مقارنه بين تويوتا و بروتون و فورد فى المنتدى العام و الاخر بخصوص أهميه حزام الامان فى العام ايضا و ده بخصوص اللادا فقط فوضعته فى منتداها ,اما الاسبيرانزا و انا مش عارف دخلها ايه ( لمجرد انى مشرف فيها ) فى أكثر من 4 افلام موجوده فى منتدى الاسبيرانزا عن اختبارات الامان لها و أخيرا انا أعتذر لسيادتك على مداخلتى فى غير الرووم المخصص لى و أدعوك لحذف المداخله كلها أو حسب ما ترى سيادتك و شكرا.....

الاخ الفاضل العزيز ايهاب بدر
انا الذى اقدم لك اسفى للتاخير فى الرد على رسالتك الخلوقة
وانا لااستطيع ابدا ان احذف اى مداخلة لشخص مهذب مثلك
حتى ولو كانت موجهة لشخصى انا وليس الى السيارة
وانا بالفعل فهمت قصدك ولكننى اولا دهشدت لان الكلام على اللادا فقط مع ان الفيلم يحتوى على العديد من السيارات
ففهمت ان النقد موجهة الى اللادا فقط من خلال هذا التصادم والذى دمر جميع السيارات الموجوده والتى تبلغ اثمانها عشرات اضعاف السيارة اللادا
واخيرا انا اسف مرة اخرى على تاخير الرد لظروف خارجة عن ارادتى
واهلاً وسهلا بك فى بيتك الثانى روم اللادا
وشكرا على اخلاقك واسلوبك المهذب فى الحوار
اخوك حسام كرم

أخى الاستاذ حسام كرم لا يوجد داعى للاعتذار على اى شيئ و شكرا لسيادتك على احساسك النبيل الراقى و شكرا لك مره أخرى على دعوتك