سلام عليكم
فيه عربيات باشوفها بيبقى الدوكو الاسود بتاعها شديد اللمعان لدرجة ان العربية بتبقى كأنها مش سودا اصلا
بتبقى كأن العربية مرشوشة مراية !
اذكر اخر عربية شفتها كده كانت VW EOS
و برده العربية دي تقريبا كده
Megane RSedan - YouTube
عرض للطباعة
سلام عليكم
فيه عربيات باشوفها بيبقى الدوكو الاسود بتاعها شديد اللمعان لدرجة ان العربية بتبقى كأنها مش سودا اصلا
بتبقى كأن العربية مرشوشة مراية !
اذكر اخر عربية شفتها كده كانت VW EOS
و برده العربية دي تقريبا كده
Megane RSedan - YouTube
كله بيتبهدل فى شوراع المحروسة وبيجرب بعد سنة بالكتير
الرك على الدوكو والورنييييييييييييييييييي يش ونضافتة والاهم الورنيش هوة اللي بيعمل الشغل دا
ولا نوع الدهاان ولا الونيش
دي في ايد الصنايعي اللي بيرش في الكابينة
قلة عايز البوية سااايحة مش مبنطة هو هايفهم انا لسة عامل عربيتي كدة وماشاء الله طالعة حكااية علي لون نبيتي بيرلي
هو مكتوب فى اللينك اللى جبتهم منه أن العربية معمول عليها شغل كتير
يعنى الرك على الصنايعى و طريقته و المواد و نوع الدهان و كده
Deep Paint | The Pistonhead
متابع باهتمام
خصوصا موضوع سايحة مش مبنطة ده
انا بيتهيألي دي اسود ميتالك عادي بس حاجه نضيفه اوي
يعني لو شفت حاجه بي ام هتبقي زي اللي في الفيديو فوق
يا ريت والله نعرف سبب
طيب هو لو الواحد بيرش عربيتو مش ممكن يدخل العربية تاخود وش بدون ورنيش ويستنى عليها يوم بعد م تطلع م الكبينة وبعدين تاني يوم تاخود وش تاني وتطلع من الكبينة. وبعدين ترجع للكبينة تالت مرة وتاخود وش تالت ً+ ورنيش وشين ومثبت وكدة تكون واخدة كذا طبقة دهان. وكذا طبقة ورنيش علشان تستحمل خرابيش الشارع انا على ما اسمع عربيات السعودية بتبقى وخد. عشر طبقات بوية. مزبوط الكلا ده ولا تهيس ياشباب
انا سمعت الكلام ده فعلا بس الرقم كان اقل شويه بس مش فاكر كام والسبب ان الشمس هناك حارقه والرطوبه عاليهاقتباس:
انا على ما اسمع عربيات السعودية بتبقى وخد. عشر طبقات بوية. مزبوط الكلا ده ولا تهيس ياشباب
طب ماحدش عارف ازاي نعمل المراية السودا دي ؟
هار اسود
10 طبقا بوهية ؟؟؟؟؟؟؟
ليه
وبعدين ماجيفر جه رمى الكلمتين ومشي
ماقلناش برضووووووووو بتتعمل ازاي؟
موضوع سايحة مش منبطة بتعتمد على كمية البوية والورنيش وطبقاتها بتكون اكثر يعنى مثلا لو هترش اكصدام بياخد فى العادى ربع يبقى اكثر شوية نقول مثلا ربع و ثمن والورنيش يبقى نصف ويترش على ثلاث مراحل عشان ميسيلش وبعد مراحل البوية فيما بعد بيبقا بولشنج كل اسبوعين
كل اسبوعين ؟؟؟؟؟؟؟؟؟؟؟؟؟
بص يا باشا انا لما احب المع الجزمة واخليها متلمش تراب وتبقا مرايا بجيب ورنيش نفط وقماش قطن وافضل المعها فى دواير صغيرة جدا والموضوع دة كل يوم وبياخد 15 دقيقة و النتيجة محترمة العربية بقا انا عمرى ملمعتها:)
لكن عشان تحافظ على الشغل اللى احنا قلنا علية وتفضل العربية مراية لازم بوليشنج مع كل غسلة فى اسبوعين او شهر بذات فى جو مصر
بس اعتقد البولش الكتير هياكل البوية
لأنه فيه مواد كيميائية وكمان الواحد بيفضل يدعك فيها
الا لو هتستخدم الصاروخ الي راكب عليه بتاعة كدة زي القطن
كمان انا اعتقد السر كله في نوع البوية والورنيش وطبعا فوق دة كله الصنايعي
والله المستعان
،
،
يا جماعة جو مصر صعب مش هتلحق تتهني بيها و خصوصاً اللون الأسود
أنا كنت بعملها بالبوليش كانت بتبقي زى المراية ( عربيتي سوده ) بس بعد كنت لما أخلص العربية كلها كانت بتبقي إتملت تراب تاني وهي لسة واقفة
يعني احنا في مصر العربية بنديها كام وش بوية؟
وازاى تطلع كده مرايه