مصيبه سوداااااااااااا مخططه بكحلى

**alfath8** · 04-04-2012 11:43 PM

المشاركة الأصلية كتبت بواسطة yascro

دا واحد قالى ان قناه الفراعين هى القناه الوحيده اللى بيشغلوها ف الجيش للعساكر (عرض مستمر)

مش هاتقدر تغمض عنيك

**Mzeid** · 04-04-2012 11:47 PM

المشاركة الأصلية كتبت بواسطة yascro

دا واحد قالى ان قناه الفراعين هى القناه الوحيده اللى بيشغلوها ف الجيش للعساكر (عرض مستمر)

لقوها احسن من موجة كوميدي فبيشغلوها للعساكر يرفهوا عنهم شوية :)

**lanos2004** · 04-04-2012 11:51 PM

مصر كلها بتصدق عكاشه بتاع البط ههههههههههههههههههههههههه هههه

**Sameh** · 04-04-2012 11:55 PM

المشاركة الأصلية كتبت بواسطة mohamadfawzy

توفيق عكاشة مش اهبل او عبيط لكنه شخصية وضيعة متقدرش تعيش بدون سيد يكون عبد ليه وسيده القديم اتحبس ودلوقت هو عبد للمجلس العسكرى ومنفذ جيد لتعليماته ودلوقت بيهاجم الاخوان وبيشتم ويقل ادبه بمنتهى السفالة على اى حد يعارض طنطاوى، واخر حاجة بيقولها انه مش شايف فى البلد غير اتنين بس ينفعوا لمنصب الرئاسة طنطاوى وعمر سليمان، فى مسلسل واضح جدا وقذر جدا جدا من تنفيذ التعليمات

والدليل انه برغم الاحكام القضائية بغلق البرنامج والقناة وحبسه فى تهم مختلفة الا ان عرض السفالة مستمر يوميا بمباركة الناس اللى فوق، وللاسف اللى بيشوفه ويصدقه هما الناس البسيطة اللى بتعجبهم الطريقة الخايبة الفلاحى اللى بيردح بيها عالهوا وبتخليهم فاكرين ان تحت القبة شيخ وفى الحقيقة ان تحت القبة ثعبان خبيث مروض مش اهبل ومش عبيط لكنه بيسوق الهبل وبيضحك على كل واحد فاكره عبيط

كلام مظبوط مية فى المية

**theking2690** · 04-04-2012 11:58 PM

يا باشا متظلمهمش يمكن مشغلنها مكان موجه كوميدى و لا حاجه :)

**smartchoice** · 05-04-2012 12:00 AM

البواب عندنا بيتابعها علطول و لما قلتله بلاش ده عكاشة مش تمام قالى ده راجل زين و بيجيب كل حاجة بالوثايق ههههههههههههه
فأنا قلت احلوت على الأخر.......... بس الحمد لله عكشة كل ما يروح حتة بيضرب

**besso** · 05-04-2012 01:32 AM

امبارح سمعته بالصدفه
بيدعو الناس انها تتجمع عند كريستال عصفول فى شبرا الخيمه
علشان يأيدوا عمر سليمان او المشير فى الترشح لانتخابات
الرياسه
ههههههههههههههه
يالهوى

الراجل ده عايز قنبله والله
وفيه ناس بتحسسنى انو احمد عرابى مثلا

والمصيبه الاكبر واللى جت فى مقتل
انو ابويا بيسمعه
يالهوى
هو الكائن ده وصل البيت عندنا

اقنع فى ابويا ياعم ده راجل كذا وكذا وكذا
(ده كان بيبوس ايد صفوت الشريف يقولى اقعد ساكت
كنت شفته) اقوله اوريلك الفيديو على النت
(يقولى تركيب)
يالهوى تركيب!!!!!!!!!!!!!!!
للدرجادى

**mesaharaty** · 05-04-2012 10:31 AM

اللى يفرسك بقى إن كل ما سيرة بوس إيد صفوت الشريف تيجى على لسان أبو عكشة يهرب من الرد ويقول : ( اللى بيقولوا عليا دانا كنت بابوس ايد صفوت الشريف لأ دا أنا بابوس جزمته كمان )
رد لئيم خبيث فيه كثير من اللف والدوران والبجاحة

حاجة تقرف بجد

**أبو ياسين** · 05-04-2012 12:53 PM

نفس الموقف حصل معايا بس بين سواق ميكروباص و صنايعى سيراميك و قعدو يشكرو فى توفيق عكاشة و انه الوحيد الى ممكن يبقى رئيس مصر بس لو يبطل نرفذه انا سمعت و سكت منطقتش
مش ممكن يقتنعوا

-

الموضوع: مصيبه سوداااااااااااا مخططه بكحلى

LinkBack

أدوات الموضوع

عرض

-

-

-

-

-

-

المواضيع المتشابهه

افيدوني في مصيبه 307

في مصيبه عملتها وخايف لاتكون مصيبه سودا

مصيبه في نيو اكسنت2010

مصيبه لو الكلام ده صحيح

الكلمات الدلالية لهذا الموضوع

المفضلات

المفضلات

ضوابط المشاركة