عدم توافر قطع غيار ال g3 بالتوكيل تماماً
عرض للطباعة
عدم توافر قطع غيار ال g3 بالتوكيل تماماً
السلام عليكم اخى الكريم نرجوا التوضيح اكثر لان ال g3 لسه لم تكمل شىء فى السوق وانت تشتكى من عدم وجود قطع غيار ياريت تخبرنا بالموضوع من الاول لان انا كمان عندى ال g3 ولم اشتكى منها حتى الان وشكرا
انت سعادتك جيبت الكلام ده منين؟انت شغال فى التوكيل مثلا؟
عملائنا الكرام
احب اوضح ان جميع قطع غيار السيارة g3 متوافرة وارجو من سيادتك الاتصال لمعرفة القطعة المراد الاستفسار عنها بمركز الخدمة
وشكراااااااااااااااااا
انا بصراحة مستغرب من الناس 777 اللى بتخش تقول اى كلام وخلاص
يا ريت لو عند حضرتك تجربة معينة تحكيهالنا للافادة و للمصداقية في الكلام
777
شغلها gsm يمكن تمشى تمام .....ههههههههه
العربيه ملهاش قطع غيار فى التوكيل ولا بخارج التوكيل زى الفوانيس والأكصدام وأنا عندى مثلاً المشكله فى الفتيس به عضه .......واللى موجود بالتوكيل مستلزمات ال f3
سعادتك جبت الكلام ده لأن عربيتى G3 ومهتم بالسؤال على مستلزماتها أما سيادتك فعربيتك F3 وهى تختلف تماماً عن عربيتى فى كل شيئ.
أنا أتصلت بالتوكيل هنا وبالأسكندريه علشان أعرف سبب عضة الفتيس وتعويمة العربيه ولحد دلوقتى محدش من التوكيل أفادنى عن سبب العيب وده عشان تغطو على عدم وجود مستلزمات ال G3.
أنا محتار فى كلامك يا دكتور ومش عارف أنت من الأساس عارف G3 ولا بتقول أى كلام وخلاص.
تجربتى مع العربيه من تانى شهر من تاريخ شرائها لقيتها بتعوم وما بتمسكش فرامل كويس والفتيس به عضه ولما نزلت التوكيل لم يفيدنى أحد عن السبب وبسؤالى عن قطع غيارها مش موجوده ولا بالتوكيل ولا بخارج التوكيل وهى دى مشكلة العربيه أن بقالها 9 شهور تقريباً وملهاش قطع غيار فى التوكيل وهو أمر صعب وده هيؤثر على سمعة العربيه للفئه ديه.
فى سؤال مهم لسعادتك وهو هل وجود عضة فى الفتيس وعومان اثناء القيادة يعنى انه السيارة بحاجة لتغيير قطع فيها ام اعادة ضبط؟وهل اصلاح السيارة يتم عن طريق السؤال ام يجب ان تحجز موعد وتروح التوكيل بنفسك علشان يصلحوا العيب ده؟وتاكد لو فى قطعة غيار مهمة وموش موجودة هيفكوها من عربية زيرو فى المعرض ويركبوها لك ما تخافش اوى كدة؟
في انتظار ردك على كلام دكتور lonedoctor
عاوزين نعرف انت فحصت في المركز و لا لا و ايه كانت نتيجة مشوارك لمركز الخدمة عشان لو انت ليك حق نعرف نجيبه..........
روحت التوكيل فرع القاهره وفرع الاسكندريه 3 مرات وكل مره ينهوا الفحص ويقولوا السياره تمام فى حين ان العيب فى التروس، فما رايك؟؟
اذا التروس وانا موش عارف اى تروس تقصد يبقى الجير او الفتيس زى ما بيسموه فى مصر فعليك الاتصال بالاستاذ عماد حبيب وهو عضو معنا فى المنتدى وسيرتب لك اصلاح العيب ان شاء الله
تقبل تحياتى
كدة الكلام اختلف تماما انت عندك مشكلة في العربية و الشركة مش معترفة بيها ( كالعادة ) بس ده مش معناه عدم وجود قطع الغيار دي حاجة و دي حاجة
انت عندك طرق كتير لاخد حقك في الموضوع ده ابسطها الشكاوى للجهات المختصة
يعني ايه لو القطعة مش موجودة يفكوها من عربية تانية جديدة و العربية التانية يبقى ظروفها ايه
هذا القول بافتراض عدم توفر قطعة الغيار المطلوبة الى ان تتوفر فيعاد تركيبها فى السيارة الجديدة مرة اخرى
كلام غير منطقي مستحيييييييييييييل شركة الامل تعمل كدة تفك قطعة غيار من زيرو هههههههههههههه
ازا كانت التوكيلات القوية في مصر مش بتعمل كدة
الكلام ده مش صحيح لان الراجل ده مش بيشتكى من حاجه لانه معندوش عربيه فيه واحد صابر 9 شهور وعنده عومان فى العربيه لاوكمان الفرامل مش بتمسك كويس وعضه فى الفتيس وانت يا عينى مستحمل على نفسك 9 شهور وسعت دى منك ده انتا يا راجل لو التوكيل وحش كنت على الاقل ضبطت الزوايا بره وعملت الفرامل عند اي ميكانيكى ولا انت مبتخرجش بالعربيه لا والاخر دول معندهمش قطع غيار علشان ميصلحوش العيب لان قطع الغيار غير موجوده انت بتكلم ناس اول مره تركب احنا زهقنا منك ومن كتر المهاترات الى بتقولها يا اخى شةفلك موقع تانى بث سمومك دى فيه
اعتقد انه من 9 شهور العربية لم تكن ظهرت فى السوق المصرى اساسا وموضوع يفكوا قطعة من عربية زيرو ده مجرد تخيل من عندى فقط يعنى هو انا شغال فى التوكيل ولا باصلح عربيات بى واى دى بس انا بافترض انه لو الدنيا قفلت فى وشهم وموش لاقيين قطعة الغيار المهمة اوى دى هيفكوها من عربية تانية على اسوء الفروض --طبعا واضح انه الموضوع موش حقيقى وايه علاقة عضة الفتيس انه العربية بتعوم اساسا والعضة دى شئ موش خطير يمكن الفتيس عايز لرجلاش ولا حاجة موضوع هايف
عموما انا منتظر الموديل الجديد بفتيس 6 غيار ماذا والا هاشترى موديل g3 حتى ولو مالوش قطع غيار
من الواضح انه معندوش العربيه اصلا
عميلى العزيز
اتفضل بارسال بيانات سياراتك للمتابعة وملعرفة العيب بالضبط ولتحديد موعد لتشريفك لنا بمركز الخدمة
وتقبلوا تحياتى
مع احترامي لكلام حضرتك بس حضرتك معاك العربية فعلا ( ملف حضرتك فية 2 عربية فيات )
بالاضافة انا بصراحة بستخدم byd من سنة 2005 شهر اغسطس اول ما نزلت مصر ومتابع اخبار التوكيل باستمرار واعتقد ان كلام حضرتك في مبالغة وارد ان يكون في حاجة ناقصة في التوكيل بس ده لا يعني انة لاتوجد قطع غيار زي ما حضرتك قلت .. شكرا