اية الى يحصل لو الواحد اتجوز تانى لية المجتمع بيبصلة على انى اذنب فى حق مراتة وعيالة لية مراتة الموضوع دة حياة او موت بالنسبالها ؟؟؟؟؟؟؟؟؟
انا فاتح دعوة للمناقشة.
الموضوع بجد لانة مش حرام ولا عيب
عرض للطباعة
اية الى يحصل لو الواحد اتجوز تانى لية المجتمع بيبصلة على انى اذنب فى حق مراتة وعيالة لية مراتة الموضوع دة حياة او موت بالنسبالها ؟؟؟؟؟؟؟؟؟
انا فاتح دعوة للمناقشة.
الموضوع بجد لانة مش حرام ولا عيب
الجواز تاني لازم يكون ليه اسباب مش جواز وخلاص يعني مراتك مطلعه عينك انت مش سعيد معاها خالص مش بتخلف مع ان موضوع الخلفه دا انا شايفه عادي مش عيب لازم اسباب قويه مش جواز وخلاص
لو عملت كده تشوف ايام اسود من دقن راسبوتين هههههههههههههههههههه
طيب انا معاك فى كلامك بس افرض ان انت شوفت واحدة وعجبتك او انت مقتدر ماديا مثلا تصرف على بيتين اعتقد ان الشرع بيديك الحق لية احنا بقى نحرم ما احلة اللة لنا بعدين فى ناس اعرفها متجوزين وعندهم علاقات تانية بس فى اطار غير سليم فيها اية لو المجتمع يغير الفكرة دية
بص المفروض انه شىء طبيعى بس لو زوجتك الحاليه مثلا بتحبك جداا و بتتمنالك الرضا ترضى لو عرفت انك اتجوزت عليها هتنغص حياتك بشكل مش ممكن
ولو اتجوزت واحده تانيه هتبقى عايزه حقوقها كامله و باى شكل هتحاول تدمر حياتك الاولانيه وزواجك الاول وفى الاخر برضه هتنغص عليك حياتك
فتبقى الخلاصه ابعد عن الشر وغنيله
بص ياسيدى معظمنا اتجوز جواز الصالونات التقليدى والحاجة الوالدة بتكون طرف اصلى فى الموضوع فبالتالى الحب بيتولد بعد الجواز مش قبلة ودية حاجة بردة تقليدية مافيش جديد انت اتعودت على مراتك وحتى لو كانت تتمنالك الرضا ترضى بص يا سيدى الحمد للة الواحد راضى بما قسمة اللة لة والف شكر وكمان اصل واحد صاحبى خلاص على وشك يتجوز الجوازة التانية ومراتة انسانة عاقلة وبتحبة بس هوة زى ما انا حكيت كدة صالونات اية المانع لما يتجوز تانى ويعرف مراتة والجديدة تكون عارفة ظروفة وارتباطتة وكانت نصيحتى لية انة لازم يعرفها على شان العكننة والكلام الى انتوا عارفينة دة السؤال هوة لازم يكون فى سبب قوى ولا اية الحكاية
بس فى حاجة لازم مايحرمهاش من الامومة ويكتفى بعيالة ولازم يعدل منتهى العدل بين الاتنين
يا راجل هو اللى بيعملها مرة بيفكر تانى أساسا
دى بيخبط دماغة فى الحيط ويقول ايه اللى عملته فى نفسى دا
ياسيدي الفاضل مش فكرة قدرة مادية فقط في الصرف علي البيتين
لازم قدرة معنوية في العدل بين البيتين من الناحية المعنوية والعاطفية
واعتقد من الناحية الانسانية
مش كويس ان بعد ما تتجوز واحدة وتاخدها من بيت اهلها تجيبها وتتجوز عليها
الا لو في شيء يعيبها
مش لانك عجبتك واحدة وخلاص
وربنا احله واحنا مش بنحرمه
بس ربنا شرط العدل وقال تعالي " ولن تعدلو "
فا الجواز الثاني بيبقي للضرورة
وليه ابعاد تانية زي اولادك ومدي تأثرهم بالموضوع
استمرار علاقتك بمراتك الحالية
ليه ابعاد كتير صدقني
"و إن خفتم أن لا تقسطوا في اليتامى فانكحوا ما طاب لكم من النساء مثنى و ثلاث و رباع، فإن خفتم أن لا تعدلوا فواحدة.": النساء :03 و قوله سبحانه : "و لن تستطيعوا أن تعِدلُوا بين النساء و لو حرصتم فلا تميلوا كل الميل فتذروها كالمعلقة":النساء:
128
شوف الآيتين دول من القرآن الكريم
و شوف الحتة اللي أنا عملتهالك بأحمر (ده كلام ربنا عز و جل مش كلامي )
فأعتقد أن الزوجة التانية يجب ان تكون ضرورة ملحة مش مسألة متيسر و قادر يصرف و الله أعلم
أما بقى ليه الزوجة بتزعل ............ فتخيل نفسك مكانها بالعكس يعني
الجواز تانى دا ليه ضوابط كتير جدا جدا جدا و كنت سمعت من شيخ إنه ممكن يبقى حرام فى بعض الأحيان و لبعض الناس بالذات لو مش هيعرف يعدل بينهم.
الزواج الثاني ليس له أية شروط إلا الاستطاعة والعدل بين الزوجات وإخبار الزوجة الأولى بس كدة. والإخوة اللي بيستشهدوا بالآية "ولن تستطيعوا أن تعدلوا بين النساء ولو حرصتم" فالآية تشير إلى العدل القلبي أي الحب طبيعي إنك ممكن تحب واحدة أكتر من واحدة ولذلك تبعها بقوله "فلا تميلو كل الميل" يعني طالما الموضوع هيحصل هيحصل وهتميل لوحدة منهم يبقى ما ترحش لوحدة بكل قلبك ومشاعرك وتسيب التانية كدة. ولذلك قال النبي صلى الله عليه وسلم فيما معناه "اللهم حاسبتني فيما املك فلا تحاسبني فيما لا أملك (أي قلبه ومشاعره) والله أعلم. ولكن حتى لا يساء فهم الكلام، لازم تسترضي الزوجة الأولى قدر المستطاع وتفهمها أنك عمرك ما هترميها ولا تفرط في حق من حقوقها
بصوا يا جدعان انا الحمد لله مش سعيد فى حياتى الزوجية لاسباب مش دا موضوعها
بس انا عارف انى لو انفصلت عنها مش هاشوف ابنى بسبب قانون الاسرة و كمان عشان هيا بنت عمتى
لما بشوف واحدة عجبانى بقول فى نفسى "فى الجنة" هى دى المهمة مش الدنيا الفانية
بص الرد فى كلمه واحده وهيا العدل العدل العدل
واكيد مش هاتعرف تعدل بنهم
علشان الستات عندهم حب التملك الست بطبيعتها تحب ان زوجها يكون لها وحدها كمان الستات بيغيروا من بعض او معظمهم فعلشان كدا الست من دول لما تعرف ان جوزها اتجوز وحده غيرها
بتقوله يا انا يا هيا وديه السيرة الذاتيه ليهم ( انـا زى الفريــك مـا بحــبش شريــك )
انما الست اللى بترضى ان جوزها يتجوز عليها بتبقى حالات خاصة زى مثلا ( مبتخلفش - مبتحبش جوزها وبتقول ظل راجل ولا ظل حييييييطه _ غالبانة وعلى نيتها ورضيا بنصيبها >>والنوع الاخير ده نادر ) وهو ده الموضوع بكل بساطة
يا جماعه انا مشوفتش حد متجوز الا وهو زهقان مفيش حد مبسوط حتى اللى بيقول الحمد لله بتكون طالعه بالعافيه منه..... انا لسه متجوزتش بس اللى بيحصل ده بيخلينى افضل افكر اكتر من مرة قبل ما اروح اتجوز وغالبا لما حد بيسمع وجهة نظرى دى بيقولولى انت معقد ...!! حد يفهمنى انا كده فعلا صح ولا جاتلى عقدة خلاص؟
جواز تاني ايه بس هايعيش نفسه في مسلسل عربي ممل و نكد مستمر مع احترامي لكل الستات بس دي طبيعة فيهم النكد ده واجب عليهم و في حل كويس ممكن يجيب معاه نتيجة ممكن يبعد عنها اسبوع او اتنين يشوف ايه اللي هايحصل ممكن توحشه و ممكن لا بس خليه يجرب بس جواز تاني صعب يا ماو
هو حضرتك رجعت لتفسير الآيات ولا بنيت الحكم ده علي اساس إيه ؟
الآيه التانيه مقصود بيها الحب ودي مشاعر خارجه عن ارادة الانسان
الرسول عليه الصلاة والسلام كان بيعدل بين نساءة وبيخص كل واحده منهن بيوم (ده العدل) لكن كان بيحب السيده عائشه اكثر من باقي زوجاته (دي المشاعر)
أنا قلت ضرورة ملحة طبقا لما فهمته من الآيات ز ما قلتش أحكام يا أستاذ سمير.
و أعتقد كمان أن الرسول كان حالة خاصة.
"و إن خفتم أن لا تقسطوا في اليتامى فانكحوا ما طاب لكم من النساء مثنى و ثلاث و رباع، فإن خفتم أن لا تعدلوا فواحدة.": النساء :03
و قوله سبحانه : "و لن تستطيعوا أن تعِدلُوا بين النساء و لو حرصتم فلا تميلوا كل الميل فتذروها كالمعلقة":النساء: 128
ده بالنسبة لموضوع العدل (بغض النظر هو عدل مشاعر و لا عدل من نوع آخر )
العدل لا يتجزء
و الآيات صريحة وواضحة جدا بالنسبة لي
و أنا على فكرة لا أصدر أحكام أنا بس بقول اللي فهمته و الراجل سأل هي ليه الست بتزعل لما زوجها يتجوز عليها ردت عليه من منطلق المشاعر الأنسانية اللي ربنا خلقنا بها .
و كمان أعطيت مثال
أنظر للأمور من وجهة نظر الشخص الآخر كي تفهم لما يفكر بهذه الطريقة و ضع نفسك مكانه .
أنا شايف ان رخصة الزواج الثاني ليست للمقتدرين ماديا فقط (يعني مش دي شرطها الوحيد )
الشرط الآخر و هو العدل ....و حاجات تانية .
المهم
الزواج الثاني مش حاجة سهلة بتاتا و أنا شايف من التجارب اللي شفتها
ان اللي بيتجوز تاني أغلبهم للمتعة فقط و التغيير و بيتعب بعد كدا هو و أسرته الأولى و التانية و بيحصل تشتت له و للأسرتين .
أنا برضه مش بأصدر أحكام و مش بقول حد ما تتجوزش علشان مش أختصاصي .
كل واحد ربنا خلقله عقل يقدر يحكم به على ظروفه و هو قادر على أيه و مش قادر على أيه و في النهاية يعرف مصير أفعاله أيه و الظروف اللي أضطرته لكدا .
و بعدين هو مين فينا مش بيحب التغيير و مش بيحب الجنس اللطيف :makeup: بس كل حاجة لازم يكون لها ميزان علشان نقدر نعرف أحنا هانرضي ربنا و ما نظلمش الأولى أو التانية معانا و لا لاءة .
و شكرا على المداخلة
حضرتك لو رجعت للتفسير هتفهم قصدي
لو زي ما بتقول العدل لا يتجزأ يبقي شرط التعدد العدل في المشاعر كمان وده مستحيل ، هو مين اللي بيقدر يتحكم في مشاعره ويقرر يحب مين قد إيه ؟
لو خدت بالك من باقي الآيه "فلا تميلو كل الميل" ، الميل ده حاجه عاطفيه ، وكلمة كل هنا معناها انه مفيش حرج من بعض الميل لزوجه عن الأخري لأن دي حاجه لا اراديه
ولا اقولك :))
ده تفسير ابن كثير ، من موقع اسلام ويب
وقوله تعالى : ( ولن تستطيعوا أن تعدلوا بين النساء ولو حرصتم ) أي : لن تستطيعوا أيها الناس أن تساووا بين النساء من جميع الوجوه ، فإنه وإن حصل القسم الصوري : ليلة وليلة ، فلا بد من التفاوت في المحبة والشهوة والجماع ، كما قاله ابن عباس ، وعبيدة السلماني ، ومجاهد ، والحسن البصري ، والضحاك بن مزاحم .
وقد قال ابن أبي حاتم : حدثنا أبو زرعة ، حدثنا ابن أبي شيبة ، حدثنا حسين الجعفي ، عن زائدة ، عن عبد العزيز بن رفيع ، عن ابن أبي مليكة قال : نزلت هذه الآية : ( ولن تستطيعوا أن تعدلوا بين النساء ولو حرصتم ) في عائشة . يعني : أن النبي صلى الله عليه وسلم كان يحبها أكثر من غيرها ، كما جاء في الحديث الذي رواه الإمام أحمد وأهل السنن ، من حديث حماد بن سلمة ، عن أيوب ، عن أبي قلابة ، عن عبد الله بن يزيد ، عن عائشة قالت : كان رسول الله صلى الله عليه وسلم يقسم بين نسائه فيعدل ، ثم يقول : " اللهم هذا قسمي فيما أملك ، فلا تلمني فيما تملك ولا أملك " يعني : القلب .
لفظ أبي داود ، وهذا إسناد صحيح ، لكن قال الترمذي : رواه حماد بن زيد وغير واحد ، عن أيوب ، عن أبي قلابة مرسلا قال : وهذا أصح .
وقوله ( فلا تميلوا كل الميل ) أي : فإذا ملتم إلى واحدة منهم فلا تبالغوا في الميل بالكلية ( فتذروها كالمعلقة ) أي : فتبقى هذه الأخرى معلقة .
قال ابن عباس ، ومجاهد ، وسعيد بن جبير ، والحسن ، والضحاك ، والربيع بن أنس ، والسدي ، ومقاتل بن حيان : معناه لا ذات زوج ولا مطلقة .
وقد قال أبو داود الطيالسي : أنبأنا همام ، عن قتادة ، عن النضر بن أنس ، عن بشير بن نهيك ، [ ص: 432 ] عن أبي هريرة قال : قال رسول الله صلى الله عليه وسلم : " من كانت له امرأتان فمال إلى إحداهما ، جاء يوم القيامة وأحد شقيه ساقط " .
وهكذا رواه الإمام أحمد وأهل السنن ، من حديث همام بن يحيى ، عن قتادة ، به . وقال الترمذي : إنما أسنده همام ، ورواه عن قتادة - قال : " كان يقال " . ولا نعرف هذا الحديث مرفوعا إلا من حديث همام .
[url=http://www.islamweb.net/newlibrary/display_book.php?flag=1&bk_no=49&surano=4&ayano=12 9]
يا أستاذ سمير أنا مش بجادل على التفسير
أحنا أتفقنا ان العدل هو الأساس و أنا مش مختلف معاك نهائي
و التفسيرات اللي حضرتك أرفقتها بتؤكد كلامي و كلامك مع بعض
أحنا في الأسلام بنحاول نبعد عن الشبهات (شئ مش محرم بس ممكن يقودنا لشئ محرم )
طيب تطبيقنا هنا على شوية حاجات
ربنا بيقول و أن خفتم ألا تعدلوا فواحدة ..... يعني لو خايف تتحاسب علشان عدلك .... فخليك في واحدة
و في آيه تانية بيقولك و لن تعدلوا ........ يبقى معناه أنك تخليك في واحدة أحسن
و ما تختارش تعمل كدا إلا للضروة القصوى
و دي شوية أقتباسات من اللي أنت أرفقتها
اقتباس:
وقد قال أبو داود الطيالسي : أنبأنا همام ، عن قتادة ، عن النضر بن أنس ، عن بشير بن نهيك ، [ ص: 432 ] عن أبي هريرة قال : قال رسول الله صلى الله عليه وسلم : " من كانت له امرأتان فمال إلى إحداهما ، جاء يوم القيامة وأحد شقيه ساقط " .
الرسول عليه الصلاة و السلام كان حالة خاصة جدا في موضوع الزواج
فاهم قصدك بس نقطة الخلاف هي في تفسيرك لـ "ولن تعدلو"
هو ازاي ربنا هيقولنا بشرط العدل وفي نفس الوقت يقول لن تعدلو ؟ مش شايف ده تناقض ؟
وشرط العدل مذكور في الآيات ، ايه الضروره القصوي اللي هتنفي الشرط ده ؟ ودليلها إيه ؟
هو مش تناقض ، ولا في ضروره تنفي الشرط ، لازم العدل .. المشكله في "لن تعدلو" تفسيرها ايه وده اللي بحاول اقوله
"لن تعدلو" نزلت بسبب حب الرسول علية الصلاة والسلام للسيده عائشه اكثر من باقي زوجاته ، ولا حرج في كده لأن المشاعر دي مش بإيدينا .. الخ كما ذكر في التفسير
الحديث اللي حضرتك اقتبسته من الفقره المنسوخه كمل قرايه "ولا نعرف هذا الحديث مرفوعا إلا من حديث همام . "
جرح تانيييييييييييييييييييييي ي
عشة فراخ الجواز وسنينه
هو كمن يستجير من المقلاة الي النار
والصبر عالمكاره احد اسباب دخول الجنة والاساسي رحمة ربنا فالواحد يتحمل العذاب في الدنيا علشان نعيم الاخرة وعلشان خاطر العيال
الله يلعن اللي حط القوانين اللي بتخلي الازواج اغوات معنويا
هو الجوازه الاولانيه نافعه عشان نتجوز تاني ؟ اتقوا الله
يا باشا السيد الوالد اتجوز مرة تانية بعد 20 سنة من الجوازة الأولى....من واقع تجربة و عيشة مشاكل كتيييير قوي بسبب الموضوع ده باقولك وبأقول لأي حد بيفكر بلاش.