حلم خطر فى بالى

**hussein** · 08-06-2008 04:38 PM

ياترى ممكن يجى اليوم اللى لو حصل حاجة للواحد لا قدر الله فى مكان بعيد عن بيته (حادثة مثلا و لا حاجة) يقدر يتصل بناس ميعرفهاش من المنتدى وتضحى بشوية وقت و مجهود من عندها علشان تساعده؟
نفسى بجد اذا رحت اسكندريه مثلا او اى حتة بعيدة و حصلى مشكلة (ربنا ميجيب مشاكل) الاقى ناس جنبى خايفه علي و عايزا مصلحتى
نفسى نعمل حاجه كدا و يكون مبدأها انصر اخاك ظالما او مظلوما و طبعا نصرة المظلوم رفع الظلم عنه و نصرة الظالم منعه من ظلم الناس
انا عارف ان الموضوع صعب جدا بس انا قلت اشركو معايا فى حلم خطر فى بالى

**wild_man** · 08-06-2008 04:47 PM

بجد فكرة حلوة جدا... و ممكن علشان ماتبقاش بمبدأ الاجبار بقدر ما تكون بمبدأ التطوع اننا نعمل قاعدة بيانات للناس اللي تحب تساعد و تكون شاملة الاسم و التليفون و المحافظة و الأيام اللي بتكون أجازة عنده

بحيث ماتبقاش بس في حالة الحوادث لا قدر الله... لأ تكون كمان لو انا مثلا من القاهرة و رحت اسكندرية و محتاج أعرف معلومة أو مكان ... و بكدا فعلا هنعرف نفيد بعض كويس جدا

**Ghamrawy** · 08-06-2008 04:51 PM

فى قاعدة بيانات للاعضاء بالفعل فى المنتدى الاجتماعى

**Nistelrooy** · 08-06-2008 07:01 PM

فكرة حلوة فعلا ..

**Ahmad Allawy** · 08-06-2008 08:00 PM

مؤيد جدا للفكرة..
بس هتتطلب ان الناس اللي برة القاهرة يكونوا عندهم استعداد اكتر..
عشان عدعهم اقل في كل مدينة..او محافظة..
لكن في القاهرة عشان كتير مش هتبقي مشكلة..

عموما شوف فكرة تكون قابلة للتنفيذ.. و انا مؤيد و موافق..