عرض للطباعة
معايا فيرنا 2011 1600 مانيوال ولسه عامل صيانة 10000 كم في التوكيل بقالي فترة كبيرة بأسمع صوت وبالأخص لما أكون ماشي على طريق مدق او مش متسفلت او على اسفلت محبب شوية جاي تقريباً من ورا عامل زي صوت صوصوة مش عارف اوصفهالكم زي زجاج شباك الأتوبيسات بتاعة زمان واحنا مسافرين كنت تحس انه بيون او بيصوصوا اعذروني على التشبيه فلو حد عارف ده ايه يقولي عليه عشان اقولهم في التوكيل بدل ما يخربولي الدنيا ....
وشكراً
يعني انتا كاتب بره معاك كتاكيت ... والعيال ولادي شافوا العنوان شبطو وقعدو يزنو ويقولوا عاوزين كتكوت يا بابا عوزين كتكوت يابابا ... فقلت أخش أجبلهم كتكوتين كده يلعبو بيه ..هههههههههههه
حبيب قلبي والله ... بص ياباشا ... عاوزك تركب حد ورى ويحاول يسمع الصوت طالع منين بالضبط من الشنطة ولا من رمان البلي ولا من العجل ولا حاسس انو طالع من المساعدين ... يعني الاهم تحديد مكان الصوت علشان نعرف فين المشكلة وتحياتي ... ليك يا غالي .
حبيبي ما يغلوش عليك خش خد التقفيصة كلها والحساب يجمع
ياباشا ربنا يخليك ليا يارب
http://vb.fll2.com/storeimg/img_1310643736_448.jpg
انا هخود كتكوتين بس واحد لأبني وواحد لبنتي
ههههههههه حبيب والله
يامساء الكتاكيت يارجالة ههههههههه انا عاوز كتكوت من الاحمر الحلو ده وكمان كام واحد من الاخضر دول يمشو مع عربيتى ههههههههههه ....................
بالنسبة للصوت لو من الازاز اظن هيبقا واضح لأن قريب من حضرتك اظن المشكله فى العجل فى البلى او المساعدين
بس برضو حدد الصوت من فين بالظبط
صوت زلط محشور فى الكاوتش
شوف شنطة العربية لو فيها حاجة سيبة او مش متربطة كويس زى الكاوتش او الكوريك
فعلا اهم حاجه تعرف الصوت طالع منين الظبط وممكن تستعين بحد من صحابك يساعدك ف العمليه دي زي مالاخوه وضحوا
هههههههههههه
يا ميدو انت مشكلة ومعلش انا عاوز كتكوت انا كمان
ممكن تكون الصوصوه من بليه الدبرياج بس ده مستبعد عشان العربيه مش ماشيه كتير
عموما روح لاي عفشجي و ربط العفشه بالمره و شوف الصوت هيروح و لا مش هيروح
بس بلية الدبرياج من قدام ياباشا بيطلع صوتها مش من ورى وهو تقريبا بيسمع الصوت من ورى انا اعتقد ان ممكن يكون الصوت ده طالع من طاسة من طاسات العربية مش متربطة كويس حاول تخبط كده بايديك على طاسة طاسة في العربية اذا لقيت فيهم وحده ملخلخه ولا حاجة تبقى منها افزها كويس بس لو طلع الموضوع من الطاسة انا مليش دعوة هخود قفص كتاكيت هدية ههههههههه
هو عملوا شغل فالعفشة ورا من مساعدين وسوست وطنابير وتيل وكده ؟
انا شاكر جدا ليكم بس انا فرزت الشنطة تقريبا ما فيهاش حاجة تعمل الصوت ده هما في التوكيل بيربطوا العفشه ويفكوا العجل وشوية الإفتكاسات الي انتم عارفينها الصوت ده كان موجود بس بسيط قبل الصيانة ولكن بقى الصوت مزعج فعلا ..... بس الملاحظ ان عنيكم على الكتاكيت صدقوني معزهاش عليكم خلصوني منها ...
انا عربيتي من يوم ما جبتها 2012 حاليا عامله 16000 كيلو في نفس الصوت من ورا يمين والناس قالتلي ده مسمار اسمه سنترك رابط المقص الخلفي يمين هو اللي فيه المشكله دي وانه بيتغير في التوكيل ب 50 جنيه ولسه مغيرتوش للان ويايرت لو حد يعرف حاجه تاني يفدنا بردو
انا هقولك علي حاجه انا عارف انها بعيد عن الموضوع شوية بس الشئ بالشئ يذكر
واحد صحبي الفيرنا كان فيها رزعه او هبده كل شوية تظهر في الطريق لما يكون في مطب بسيط او تمويجه في الطريق وداخ ال7 دوخات وبعد لف ودوران كام شهر اتضح ان مسمار ربط الاستبن كان مهوي
لرأئي زي ما </B>me_medoo قال
ركب حد ورا خليه يتابع معاك وربنا يوفقك وتلاقي الكتكوت ده