هستلم اللوجان اوتو بكره ان شاء الله , عايز اعرف اتأكد من ايه؟

أولا احب اشكر كل القائمين على هذا المنتدى الرائع واللى خللانى افكر انى اشترى اللوجان لانى فعلا كنت شايلها من الحساب وبقارن بس بين الفيرنا واللانوس وده كان عشان حاجتين:
أولا: أسعار قطع الغيار الغالية لرينو (وطبعا ده انا أتاكد من عدم صحته فى اللوجان).
ثانياً: الخسارة الكبيرة عند إعادة البيع (وده اتأكد من عدم صحته بردو هنا فى المنتدى وعلى كونتاكت كارز).

وبالبحث فى المنتدى وبسؤال اصدقائى ربنا وفقنى وهدانى لشراء اللوجان الأتوماتيك وهستلمها غدا ان شاء الله من السبع اتوموتيف (ش الحرية - السبع عمارات) بصراحة ناس زوق جداا ومعاملتهم فوق الممتازة وخصوصا الاستاذ / احمد الانصارى مدير الفرع - وكمان انا هأمن مع (مصر للتأمين) عن طريقهم ولو - لا قدر الله - حصل حاجة فى العربية وحبيت اكلم التأمين هكلمهم وهما اللى هيتعاملوا مع التأمين وقالوالى انهم هيبعتوا معايا مندوب بكرة ان شاء الله عشان ارخص العربية

وقبل ماحد يسأل :3_3_102[1]: انا جايبها بـ 81000 جنيه ولونها فضى وتقسيط مع بنك ناصر وان شاء الله هعملكم تقرير عنها فى اقرب فرصة


الرجاء من خبراء اللوجان الكرام عايز اعرف لما اجى استلم افتش على ايه بالضبط فى العربية وأتاكد من ايه؟ واسأل على ايه فيها؟

وشكرا جزيلاً على هذا المنتدى الرائع

الف مبروك وتدوبها فى عرق العافيه , السبع ناس محترمه جدا وانا شارى عربيتى من عندهم من سنتين برده اهم الحاجات اللى تبص عليها من وجهه نظرى المتواضعه
1- تتاكد ان جميع الانوار والاشارات شغاله (ماتتخضش لو لقيت نور المارشدير لمبه واحده اللوجان كله كده )
2- الضمان والكتالوج
3- نسختين المفاتيح
4- ورق الترخيص بتاع المرور علشان مارتوحش وتيجى كذا مره
5- شغل التكييف والكاسيت ولو فى سى دى اتاكد انه شغال
6- جرب المساحات
7- اتاكد من الاستبن والكوريد ومفتاح العجل
8- شيل كل اللزق الابيض اللى على العربيه واتاكد ان مافيهاش حاجه ( هما ناس محترمه على العموم )
9- ماتنساش تاخد الهدايا

سؤال سريع بقى حاجز بقالك قد ايه ؟

جرب الازاز (مهم) لأن عندى مشكلة فيه من يوم الاستلام تزييق مع المطبات
و الف مبروك مقدما

اتاكد انك هتسلتم من ضمن الورق الفاتورة الضريبيه عشان غي المرور مش هيرضو يرخصولك غير بيها انا روحت انهارده ارخص وحصل معايا كدا ومبروك مقدما وربنا يكفيك شرها

اقتباس:

---

المشاركة الأصلية كتبت بواسطة foshaa

اتاكد انك هتسلتم من ضمن الورق الفاتورة الضريبيه عشان غي المرور مش هيرضو يرخصولك غير بيها انا روحت انهارده ارخص وحصل معايا كدا ومبروك مقدما وربنا يكفيك شرها

---

ايه موضوع الفاتوره الضربيه...........وكده ها تدفع فلوس زياده

اقتباس:

---

المشاركة الأصلية كتبت بواسطة korkor

الف مبروك وتدوبها فى عرق العافيه , السبع ناس محترمه جدا وانا شارى عربيتى من عندهم من سنتين برده اهم الحاجات اللى تبص عليها من وجهه نظرى المتواضعه
1- تتاكد ان جميع الانوار والاشارات شغاله (ماتتخضش لو لقيت نور المارشدير لمبه واحده اللوجان كله كده )
2- الضمان والكتالوج
3- نسختين المفاتيح
4- ورق الترخيص بتاع المرور علشان مارتوحش وتيجى كذا مره
5- شغل التكييف والكاسيت ولو فى سى دى اتاكد انه شغال
6- جرب المساحات
7- اتاكد من الاستبن والكوريد ومفتاح العجل
8- شيل كل اللزق الابيض اللى على العربيه واتاكد ان مافيهاش حاجه ( هما ناس محترمه على العموم )
9- ماتنساش تاخد الهدايا

سؤال سريع بقى حاجز بقالك قد ايه ؟

---

تمام يا باشا عملت كل اللى انت قلت عليه وكان كل شى كويس والحمد لله بس انا كان ليا ماحوظتين على العربية انا مش عارف دول عادى ولا لأه:
اولا : حاسس ان البور بتاع الدريكسيون ثقيل شوية.
ثانيا : بسمع ساعات صوت صفارة بسيطة او زنة بتروح وتيجى وخصوصا وانا قافل الزجاج والصوت هادى جداا.

بس غير كده الحمد لله وماشاء الله العربية ممتازة.

انا سألت على العربية عندهم الجمعة اللى فاتت وكان موجود منها 3 عقبال ماروحت ادفع دفعة حجز (عربون) (3000 جنيه) كان اللى فاضل 2 بس (اسود - فضى) وانا بصراحة اخترت (الفضى) عشان الشمس والاحتكاكات اللى هتحصل اودام - لا قدر الله - بس اجراءت البنك وبيع عربيتى القديمة هما اللى اخرونى ليوم الخميس.

اقتباس:

---

المشاركة الأصلية كتبت بواسطة mido7337

جرب الازاز (مهم) لأن عندى مشكلة فيه من يوم الاستلام تزييق مع المطبات
و الف مبروك مقدما

---

الله يبارك فيك

اه جربت الازاز وكان الحمد لله مافيش صوت


بس طبعا انا لسه مش عارف اخد ان ازرار الازاز فى النص :I_angr1[1]: وياسلام بقى لما جيت افتح الازاز اللى ورا عشان العيال فضلت احسس وراريا وانا سايق عشان الاقى الزرار المخفية دى لحد ما لقيتهم :praying:

بس مش مهم ان شاء الله هنعود عليهم

اقتباس:

---

المشاركة الأصلية كتبت بواسطة foshaa

اتاكد انك هتسلتم من ضمن الورق الفاتورة الضريبيه عشان غي المرور مش هيرضو يرخصولك غير بيها انا روحت انهارده ارخص وحصل معايا كدا ومبروك مقدما وربنا يكفيك شرها

---

انا فعلا عرفت موضوع الفاتورة دى يوم الاربعاء اى قبل مارخص بيوم فسألت مندوب مبيعات السبع فقالى ماتشغلش بالك احنا هنقوم بكل حاجة

وفعلا يوم الخميس وانا بستلم حوالى الساعة 11 ص كان فى مندوب سبقنى فى المرور وبيخلص الاجراءات اللى مش محتاجة وجودى او العربية, وبالفعل لما روحت المرور قام على طول مهندس الفحص قاللى افتح الكبوت والواد بتاع البصمة اخدها واشتريت طفاية ودفعت الضريبة والتأمين الاجبارى + طبعا الاكراميات (اقصد الرشاوى) ربنا يسامحنى وبس هو ده اللى انا عملته

بس بصراحة بتوع السبع دول ناس محترميييييين جداااااا وارشح اى حد انه يشترى من عندهم

اقتباس:

---

المشاركة الأصلية كتبت بواسطة ahmedgis

الله يبارك فيك

اه جربت الازاز وكان الحمد لله مافيش صوت


بس طبعا انا لسه مش عارف اخد ان ازرار الازاز فى النص :i_angr1[1]: وياسلام بقى لما جيت افتح الازاز اللى ورا عشان العيال فضلت احسس وراريا وانا سايق عشان الاقى الزرار المخفية دى لحد ما لقيتهم :praying:

بس مش مهم ان شاء الله هنعود عليهم

---

هههههههه
معلش مع الوقت هتتعود ان شاء الله

اقتباس:

---

المشاركة الأصلية كتبت بواسطة ahmedgis

تمام يا باشا عملت كل اللى انت قلت عليه وكان كل شى كويس والحمد لله بس انا كان ليا ماحوظتين على العربية انا مش عارف دول عادى ولا لأه:
اولا : حاسس ان البور بتاع الدريكسيون ثقيل شوية.
ثانيا : بسمع ساعات صوت صفارة بسيطة او زنة بتروح وتيجى وخصوصا وانا قافل الزجاج والصوت هادى جداا.

بس غير كده الحمد لله وماشاء الله العربية ممتازة.

انا سألت على العربية عندهم الجمعة اللى فاتت وكان موجود منها 3 عقبال ماروحت ادفع دفعة حجز (عربون) (3000 جنيه) كان اللى فاضل 2 بس (اسود - فضى) وانا بصراحة اخترت (الفضى) عشان الشمس والاحتكاكات اللى هتحصل اودام - لا قدر الله - بس اجراءت البنك وبيع عربيتى القديمة هما اللى اخرونى ليوم الخميس.

---

الف مبروك على الاستلام ياباشا وتعيش وتدوب , بالنسبه للباور بتاع اللوجان هو تقيل شويه يعنى انا بالنسبه ليا لما نقلت من شاهين كان ناعم نعوميه السنين بس بالمقارنه بالسيراتو ولانسر يعتبر تقيل شويه , بالنسبه لموضوع الزنه ده مش عارفه بس فى ناس كانت عامله موضوع وبتقل انه فى حاجه كانت فى الكابوت والتوكيل بيظبطها وانت واقف بس بالنسبه ليا محصلش الموضوع ده

ألف مبروك ياباشا وربنا يديك خيرها ويكفيك شرها
أختيار ممتاز
ياترى الهدايا أيه اللى أخدتها من السبع ؟

اقتباس:

---

المشاركة الأصلية كتبت بواسطة korkor

الف مبروك على الاستلام ياباشا وتعيش وتدوب , بالنسبه للباور بتاع اللوجان هو تقيل شويه يعنى انا بالنسبه ليا لما نقلت من شاهين كان ناعم نعوميه السنين بس بالمقارنه بالسيراتو ولانسر يعتبر تقيل شويه , بالنسبه لموضوع الزنه ده مش عارفه بس فى ناس كانت عامله موضوع وبتقل انه فى حاجه كانت فى الكابوت والتوكيل بيظبطها وانت واقف بس بالنسبه ليا محصلش الموضوع ده

---

الله يبارك فيك ياباشا, وبالنسبة للزنة لما اروح التوكيل فى الصيانة اللى جايية هقولهم عليها ان شاء الله

اقتباس:

---

المشاركة الأصلية كتبت بواسطة خالد

ألف مبروك ياباشا وربنا يديك خيرها ويكفيك شرها
أختيار ممتاز
ياترى الهدايا أيه اللى أخدتها من السبع ؟

---

الله يبارك فيك ياباشا
بالنسبة للهدايا:
1- ميدالية مفاتيح فضية محفور عليها من ناحية كلمة (السبع) والثانية (Renault)
2- شماسة للزجاج الامامى مطبوع عليها (السبع) و(Renault)

اقتباس:

---

المشاركة الأصلية كتبت بواسطة ahmedgis

الله يبارك فيك ياباشا
بالنسبة للهدايا:
1- ميدالية مفاتيح فضية محفور عليها من ناحية كلمة (السبع) والثانية (renault)
2- شماسة للزجاج الامامى مطبوع عليها (السبع) و(renault)

---

بس !!!
ده فيه ناس بتآخد دفتر صيانات من عندهم بـــ 1000 جنيه على 20 مرة صيانة كل مرة يخصم 50 جنيه من تكلفة الصيانة
+ غطاء للعربية وأحياناً فواحة ودواسات كمان !!
رنبا يباركلك فيها