ف حالة فوز سعد الصغير .. أتوقع

ف حالة فوز سعد الصغير .. أتوقع؛
.
.
- تغيير إسم قناة السويس إلى قناة التت

- بدل "جمهورية مصر العربية" هنبقى "جمهورية مصر الشعبية"

-بدل ماندفع ضرايب للحكومة هندفعلها نقطة

-أكيد دينا صديقة الكفاح هتحقق حلمها وتفتح معهد عالمي للرقص الشرقي
ومش بعيد يعملها وزارة الرقص والتعاون الدولي

-القصيدة بتاعت "مصر هي أمي" هتبقى "مصر هي أبلتي"

- العنب هيبقى الفاكهة الرسمية للبلاد

معاهدة السلام مع إسرائيل هتتعدل وتبقى معاهدة سلام مربع للجدعان

-السلام الوطني هيبقى "شيك شاك شوك"

-النسر هايتشال م العلم وهنحط مكانه طبلة

بيقولك هيمسك السبكي وزاره الداخليه وابوتريكه رئيس الوزراء


وشعبان عبدالرحيم وزير المواصلات واحمد ادم وزير الري عشان عمل القرموطي قبل كده

وبالنسبه للجامعات مافيش الا جمعيه واحده وكل واحد يقبضها كل شهر

شر البلية :)

و لسه

الراجل طلع بيهزر و كان بيدي درس للحكومة ان مش أي واحد يترشح و الله كينج يا سعد

علي فكره عجبني موقفه ده

http://http://www.youtube.com/watch?...=-EdzKEuk2Nk#!

ههههههههه. ياسيدي هيا جت عليه ماهو الكل بيرشح نفسو دلوقتي ح
شاف في العالم فيها ١٠٠٠ مرشح لرئيس الجهورية ده امريكا الي هيا امريكا بتلاقي فيها خمس مرشحين بس وبيصف صفو على اتنين بس مش الف مرشح. ليه هيا ميغة قوي كده ههههههههه

انا امبارح لما سمعته ع معتز الدمرداش
فطست على نفسي من الضحك

الراجل ضحك على مصر كلها يا رجالة

والله برنس يا سعد
سعد سعد يحيا سعد

هو مش من حقه يترشح
ايه المشكلة

والله لو اترشح لانتخبه علشان قلبه الابيض هههههههههههههههه وصدقه

والله كلامه امس كان زى العسل ...الراجل دماغه حلوه ومتكلفه ....واهو بالمره دعاية صافيه عالمية ببلاش مش هيدفع فيها مليم للضرايب...وكمان قال حاجه عجبتنى ..ان اى واحد هيحكم لو قال ان الغنا والفن حرام هيسمع كلامه فورا بس يوفر له وظيفة مناسبة بمرتب محترم عجبنى فى الكلام ده حاجه واحده وهو انه بيدور على حل قبل ما تتعمل المشكلة ..يعنى بيدور على حل بديل للغنا والفن قبل ماتحصل الازمة....تفكير عملى للاسف يفتقد له الخرفان اللى بتفتى وخلاص ومحطوش حتى حل واحد لمشكلة