ارجو المساعدة بخصوص شراء تيمبرا 1999

**mahmoud_nasr** · 05-04-2012 02:33 AM

السلام عليكم اخوانى الكرام
انا كان معايا عربية فيات 128 وشوفت الويل منها رغم ان كان الموديل بتاعها 87 بس كانت العربية حالتها تعبانة وانضحك عليا فيها بس الحمدلله انا اتعلمت عليها كويس وبيعتها .
دلوقتى بقى قدامى عربية تيمبرا موديل 99 ايطالى وارد معاقين العربية تكييف باور سنتر لوك ازاز كهربا بس فيها شوية شغل سمكرة وصاحبها عامل عمرة للمكنة والعربية كمان عدادات ديجيتال انا سوقت العربية لقيت الفرق كبير بينها وبين ال28 بصراحة العربية ثبات عالى اوى وتحس فعلا انك راكب عربية حديثة جدا وصاحبها ابنه زميلى وبيقولى ان لما راح للميكانيكى قاله العربية بحالتها محدش فكك فيها حاجة خالص والكاسيت حتى بتاعها الاصلى اللى موجود
فأنا دلوقتى محتار اشتريها ولا ممكن ينضحك عليا تانى وارجع اقف فى الورش وانا بصراحة اتعقدت بعد العربية ال28 فياريت تساعدونى

**JUVENTUS** · 05-04-2012 01:38 PM

اتفضل
الموضوع ده فيه كل حاجه انت عايز تعرفها
http://www.nilemotors.net/Nile/257317-a.html

**mahmoud_nasr** · 06-04-2012 02:54 PM

طيب ياريت حد يفيدنى لان زميلى بيقولى العربية ايطالى وموديل 99

**moharram3** · 07-04-2012 12:57 AM

مع إحترامى الشديد لصديقك ، لكن التمبرا الإيطالى آخرها فى مصر 1995 وبعد كده إنتاج تركى وتجميع مصرى ، وغير كده آخر موديل للعدادات الديجيتال هو برضه 95 ، المهم فى الموضوع مش بس الموديل لأن الموديل دلوقتى أصبح قديم يعنى أكثر من عشر سنوات وبالتالى كله متساوى المهم هو حالة العربية وسعرها

**mahmoud_nasr** · 07-04-2012 02:33 AM

سعر العربية ب31 حالتها كويسة هو جايبلها طقم كاوتش جديد وكمان الفردة الاستبن اصلى بتاعت العربية
والعربية مفيهاش غير شوية شغل سمكرة قالى انهم ب400 جنيه وهما فعلا حاجات شبه بسيطة كدا يبقى ممكن تكون موديل اقل وملعوب فيها ولا ايه ؟

**heshamzaky** · 07-04-2012 02:44 AM

العربية دى مش موديل 99 و دة تحدى على الى هوة عاوزة
جيب رقم الشاسية حا نقولك بالظبط العربية دى موديل سنة كام و نقولك رقم الموتور الى فيها كام
التمبرا الايطالى اخرها سنة 96 و لو عندك صور للعربية يكون افضل صعب جدا تقدر تمن عربية من غير ما تشوفها
===============
المهم حالة العربية اية
التمبرا بتشتريها علشان حالتها تبقى كويسة
و ابقى بص على الزجاج كدة و انت تعرف سنة الصنع زى ما مكتوب فى الموضوع بتاع كيف تشترى سيارة تمبرا
============
العفشة اخبارها اية و الحالة العامة اية و التكيف شغال و لا قال محتاج شحن فقط اصل الكلام بيبقى كتير فى مواضيع البيع و الشراء الا لو الى بيبع واحد بيجيب من الاخر

**heshamzaky** · 07-04-2012 02:50 AM

شوف اللينك دة
FIAT ePER

**mahmoud_nasr** · 08-04-2012 02:35 AM

العربية حالتها كويسة اوى والعفشة تمام انا سوقتها بس فى صوت صفارة بسيط كدا لما العربية بتبقى فى السلانسيه وماشية ممورة كدا بيكون صوت الموتور فيه صفارة وهبقى اشوف رقم الشاسيه واجيبلكم صور ليها