اشتريت مارش جديد وبطارية جديدة والعربية بردو بتعتل فب الدواره قرفاني اخر قرف ومحدش عارف يضبطها , في حد عندة حل؟
العربية ماروتي 2005
عرض للطباعة
اشتريت مارش جديد وبطارية جديدة والعربية بردو بتعتل فب الدواره قرفاني اخر قرف ومحدش عارف يضبطها , في حد عندة حل؟
العربية ماروتي 2005
ممكن طقم الكهربا بتاعها مضروب
اخر مره غيرت فيها الابلاتين والكوندنسر والبوجيهات كان امتى؟؟ظ
بتحط بنزين ايه؟؟
العربية عامله كام كيلو؟؟
تحياتي
كانت بتعمل معايا كده الصبح وبتجنني بس لما حصلت ازمه البنزين وحطيت 92 لقيتها بتدور علطول يمكن يكون هو ده السبب
ممكن حضرتك بس توضح اكتر
بتعتل ازاى
يعنى بتدور و ترتل معاك
ولا تحس ان الموتور تقيل و بيلف بتقل و انت بتدور
^_^
جرب تحط بنزين 92 و ظبط طقم الكهربا و نضف البوجيهات او غيرها و شوف
يا جماعه التعتيله دى حاجة من الاتى علشان كانت بتحصل معايا و كشفت عليهم بالترتيب دا
- طقم الكهرباء و خصوصا البوجيهات (عند الميكانيكى)
- شحن الدينامو (عند اى محل بطاريات يكشفلك عليها)
- البطارية (عند اى محل بطاريات يكشفلك عليها)
- قواطيش البطارية (عند الكهربائى)
- سلك الأرضى اللى طالع من البطارية للماتور ممكن بيكون مهزوز (عند الكهربائى)
- المارش (عند الكهربائى)
و فيه احتمال تانى بس بعيد ان العربية تكون بتهرب شحن يعنى و هيا مطفية و مركونة بيكون فيه حاجة معينة فى العربية بتستهلك شحن البطارية و دى بيكون تشخيصها صعب و الاحتمال دا عموما بيكون نادر
طيب هو لما أنا أشغل الكاسيت لمدة دقيقتين أو أقل الاقى العربية مش عايزة تدور ده يكون بطارية ولا إيه مع إنى عملتها معايا من شهر ونص وكان الدينامو مش بيشحن فصلحته ودلوقتى عملت تانى لدرجة أنا بدورها الصبح حالفة مدور مع الزق برده مدارتش اكشف على الدينامو ولا أغير البطارية على طووووووووووووول
ولو بطارية ينفع أجيب بطارية 55 أمبير ولا 40 زي ما هيا وأنواعها