الموضوع: تقرحات الفم و اللسان و مرض بهجت

المشاركة الأصلية كتبت بواسطة sherifmt

أولا سلامتك وربنا يشفيك ....... أسمحلي أشاركك بتجربتي يمكن تفيدك علشان انا مريت بنفس التجربة المره ودورت علي النت عن الأعراض لقيت معظمها لمرض بهجت !!! ورحت لدكاترة كتير وحالتي النفسية كانت مدمرة ............من 3 سنين بدات تظهر قرح بيضاء علي اللسان وفي الفم وكانت مؤلمة جدا أخدت ركتارين جل وكمان جو جل مع مضاد حيوي قوي واختفت لمدة أسبوع ورجعت تاني أكتر من الأول وبأت تظهر علي الشفايف فوق وتحت لدرجة اني كنت مرعوب من انها ممكن تكون معدية !!!! وكمان كنت باخد ادويه لألتهاب الحلق المزمن كنت مواظب عي دوا أسمه سيبتازول قرص كل 8 ساعات عملت تحاليل كاملة وأخدت مضاد حيوي قوي لكن للأسف مفيش أستجابة ومكنتش بعرف أكل او حتي أشرب فقررت اني أصوم علشان أنضف جهازي الهضمي كا محاوله أخيرة وافتكرت الحديث الشريف (صومو تصحو) و بطلت أعاني علشان أكل وبطلت كل الأدويه اللي كنت بستعملها وكمان دواء التهاب الحلق والدوا الوحيد اللي مبطلتوش هو الداكتارين وكانت المفاجئة ان تاني يوم بدأت القرح تدبل واحس بتحسن وبدأت اكل حاجات بسيطة زي زبادي وبطاطس مهروسة وعصائرو بعد 3 ايام خفيت تماما والغمة راحت وانا مش فاهم اية اللي حصل وفضلت مشكله التهاب الحلق المزمن !!! وقلت أرجع أخد الدوا سبتازول تاني وكانت المفاجئة الأكبر بعد ما أخدت الدوا بخمس دقايق حسيت زي فوران في جدار الفم والم غريب ولقيت نفسي بربط مابين الدوا اللي اخدتة ورد الفعل اللي حصلي وجري علي الحمام عفواً(رجعت) وهديت وشربت ميه وقعدت افكر و قمت جبت علبة السيبتازول ولقيت المادة الفعالة فية هي السلفا ؟؟؟؟؟ وبعد ما كنت بدور علي علاج لمرض بهجت بدأت اقرا عن اعراض حساسية السلفا واللي أكتشفت اني عندي حساسية منها والحل بسيط زي اي حساسية وهي البعد عن المسبب.
استاذي ياريت تجربتي تفيدك وتعرف ايه المسبب للي عندك سواء دواء او ماده تانيه بتستخدمها او بتتعامل بيها هي المسبب للي بتعاني منه ياريت تطمنا عليك وسلامتك .......تحياتي من مكة (:

ربنا يكرمك أخي الفاضل و يجزيك خيرا
بخصوص تجربتك فأحب أقلك اني الحمد لله معنديش اي حساسية لأي نوع من الأكل و الحمد لله بصحة جيدة ولا أتناول أدوية تقريبا نهائيا إلا في حالة هذا المرض لذلك معنديش حساسية لحاجه معينة و لكن بعد الفحص وجدت ان هذا المرض منتشر لدي العائلة عندنا قليلا و لكن تختلف حدته لأسباب كثيرة و تخف لأسباب أخري و كذلك تظهر أشياء أخري تخص نفس قصة المناعة الذاتية

و كمان عايز أقلك ان المرة الثانية دي كلها جالي المرض وانا صايم في رمضان و استمريت صايم ثلاثة عشر يوما و اضطرني المرض للافطار 14 عشر يوما أخري و انا اساس لا أكل و لكن بسبب اني كنت لا استطيع السيطرة علي ما يدخل فمي و كمان عشان العلاج و لأسباب أخري لذلك الصوم ليس له علاقه بالموضوع لأنه لما بيهجم بقوة انت اصلا لا تأكل تقريبا عصائر فقط

و جزاك الله خيرا و منتظر نقاشك

المشاركة الأصلية كتبت بواسطة alaasaid

السلام عليكم و رحمة الله و بركاتة ,

شفاك الله و عافك من مرض , ممكن تكون فعلا حساسية من دواء او أكل معين , زوجتى كان بيحصل معها نفس مشكلة حضرتك و أكتشفنا برضة بعد فترة طويلة انها حاسيسة سلفا و أى دواء به المادة دى بتسبب القرح فى الفم

ربنا يكرمك و يشفيلك زوجتك و اتمني من الله ان يكون العرض عندها لهذا السبب فقط

المشاركة الأصلية كتبت بواسطة ahmed_h_g

شفاك الله وعفاك

جزاك الله خيرا