الموضوع: تقرحات الفم و اللسان و مرض بهجت

المشاركة الأصلية كتبت بواسطة SYD

الف سلامة عليك يا بشمهندس ايهاب
انا زعلان من نفسي اوي اني بقالي كذا يوم حاسس بغيابك وكل يوم اقول هتصل بيه النهاردة وللأسف اتشغل وانسي خالص اكلمك
بجانب ظروف السفر الي انت عارفها

حقك عليا يا صاحبي

انا للأسف ماعنديش أي حل اقدر اقولك عليه غير الدعاء واحتساب الأجر عند الله

ان الله اذا احب عبد ابتلاه

وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ ﴿١٥٥﴾الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّـهِ وَإِنَّا إِلَيْهِ رَاجِعُونَ ﴿١٥٦﴾أُولَـٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ ۖ وَأُولَـٰئِكَ هُمُ الْمُهْتَدُونَ ﴿١٥٧﴾

ربنا يكرمك يا هندسة و يجزيك خير علي دعائك و نصيحتك

المشاركة الأصلية كتبت بواسطة mostafabakry

اول مره اسمع ان المرض دا اسمه بهجت !! حتي انت كمان يا بهجت لك مرض باسمك !!

انا مراتي بقالها يومين مبتتكلمش و لا بتاكل و مش عارف اعمل ايه
في البداية الموضوع كان قرحة بسيطة في الفم من الداخل و فجاة بعد ما تغدت و نامت صحيت المغرب و حوالين فمها احمر و ملتهب جدا و طبعا مع الم داخل و حوالين الفم

طلعت بيها علي طبيب جلدية و كتب لها علي مضاد حيوي كيوريسيف 500 و كواديديرم كريم و اوراكيور جل و طلب منها عدم اكل اي موالح او بهارات زي الشطة و خلافه

بصراحة من اول امبارح مفيش تقدم و الالم بيزيد و مفيش اكل و المشكلة انها بترضع يعني لازم تاكل كويس عشان البنت الصغيرة

انا فاكر من حوالي 5 سنين جاتلها نفي المشكلة جي و كنت رحت لطبيب غير اللي رحناله المرة دي
الطبيب دا يومها كتب لها علي اسبراي بخاخ زي بتاع مرضي حساية الصدر و كان فعال معاها بس مش فاكرين اسمه ايه و الروشته ضاعت و شكلي هضطر اروح للطبيب دا تاني
سؤالي هل الاسبراي دا كورتيزن ؟؟؟ و هل دا مضر و له اعراض جانبية علي المدي البعيد ؟؟ و هل ممكن يأثر علي الرضيعة ؟؟

شوف يا أخي الفاضل حتي الأن لم أجد علاج موضعي لأفضل من عسل النحل الطبيعي و مش لوجود تقرحات الفم عن زوجتك انها يكون عندها مرض بهجت لأن المرض له أعراض كثيرة أخري و لابد من دكتور متخصص يكشف و يتأكد من اجتماع اكثر من عرض حتي يتأكد من وجود المرض
حضرتك انا جربت علاجات و جيل موضعي كتير جدا و كله زي بعضه هضع لحضرتك لينك هنا عن دراسات حول استخدام العسل الطبيعي في العلاج موضعيا لهذا العرض
معجزة التداوى بالعسل فى علاج بعض أمراض الفم الشائعه: تقرير 50 حاله - a knol by د. سالى عبد المنعم الحداد#
و ده الكلام حول مرض بهجت و أعراضه
مرض بهجت - ويكيبيديا، الموسوعة الحرة
ولو بحثت هتلاقي كلام كتير
خلي بالك ان تكرار حدوث الأعراض خلال فترة معينه و تقارب هذه الفترة ده مؤشر مش كويس و ده اللي خلاني أبحث حول هذا الموضوع
خد المنتدي ده كمان متخصص حول هذا الموضوع و فيه تجارب كتير كويسه و مفيده
[url=http://www.behcet-disease.com/vb/index.php]