الموضوع: تجربتى عن طلبى زيت فالفلين

المشاركة الأصلية كتبت بواسطة khaled_2011

بعد السوال عن اجود انواع الزيوت اتضح لى ان فولفلين زيت ممتاز وعند تجربة اعضاء فى قسم النيسان رائبهم فيه انه ممتاز فقررت انى اطلب زيت فالفلين

طلبت الزيت بالتليفون يوم الاربعاء الساعه9م والموضوع مش اى زيت وخلاص عنهم سيستم يدخلو عليه بيانات العربيه والموديل وعدد الكيلو متر وبعدين يقول انسب نوع لسيارتى


والمناسب لسيارتى نوع اسمه valvoline syn power 5w-30

وتم تحديد موعد الساعه 2 ظهرا يوم الخميس يعنى النهارده
وبصراحه الناس محترمه جدا فى موعهم جولى مكان عملى فى مدينه نصر قبل الساعه 2 واعطونى هايا مقدمه من الشركه لى وكارت عضويه كخصومات فى المره القادمه ولكن مشكورين عملو خصم كويس جدا ومعاهم فلاتر ايضا وتوصيل وتغير الزيت مجانا ولكن انا مغيرتش الزيت لان الفلتر اللى كان مع المندوب مش الgm الاصلى واخذت الزيت فقط وان شاء الله اغيره النهارده بعد ماجيب الفلتر واقولكم عن اختباره تحياتى لكم جميعا

المشكله في رقم 30..... مش مناسب للأجواء المصريه في فصل الصيف ( درجه الحراره الخارجيه )

50 هوه المناسب للاجواء المصريه في فصل الصيف .

بالتوفيق ان شاء الله و متابع التجربة

معنى كلامك ان رقم 30 تعنى درجة الحراره

اعتقد لا انا هاتأكد وهاقولك

المشاركة الأصلية كتبت بواسطة khaled_2011

معنى كلامك ان رقم 30 تعنى درجة الحراره

اعتقد لا انا هاتأكد وهاقولك

كلامي علي رقم 30 لا يعني درجه الحراره

و انما اقصد 30 ده رقم بيتعلق بدرجه اللزوجه في ظل درجه الحراره الخارجيه ..... و 50 هيه درجه اللزوجه المناسبه في ظل درجه الحراره الخارجيه في جو مصر و اللي بتوصل ل 40 درجه و اكثر في بعض الايام خلال فصل الصيف .....

و عموما ده بيتحدد من الدياجرام بتاع الزيت اللي بيبقي موجود في الصفحات الاخيره من مانيوال سيارتك .....اقرأه عندك و لولقيت ان في ظل درجه حراره خارجيه 40 درجه ممكن تستخدم زيت لزوجته 30 ...يبقي تمام .....

انما لو لقيت موصي باستخدام زيت لزوجته 50 في درجه حراره خارجيه 40 درجه .... يبقي انصحك تمشي تبعا لتوصيه كتالوج السياره .....لانك بالتأكيد حتحافظ علي موتورك فتره اطول .