للفيرناوية قبل شراء كاوتش جديد برجاء المشاهدة

**abdalah_hashem** · 05-04-2012 09:36 PM

لا عادى ويستخدم كانة كاوتش جديد مفيهوش اى تغيير
لانك بتحط طبقة جديدة من الكاوتش الجديد على الجسم القديم وهو دة الى انا عايزة الطبقة الخارجية هى اللى بتعمكل احتكاك على الطريق مع الارض

لكن استخدمت الجسم القديم من حيث الاسلاك الصلب الموجودة فية او اذا كان معمول بخيوط النيلون

بس دة بيتباع انة معاد تصنيعة وسعرة بيبقى اقل من اللى متصنع من الصفر
وكدة وفرت فلوس تصنيع وعوادم هتطلع فى الهواء فى حالة التصنيع من الصفر
لكن فى النهاية بتتعمل عدد معين من المرات ( مش عارف كام مرة بالتحديد )ومينفعش تتعمل تانى ولازم يتصنع كلة من جديد

**Mohab555** · 05-04-2012 10:22 PM

المشاركة الأصلية كتبت بواسطة mahmoud_afifi

محتاجين رأي خبير عشان يقولنا ان الكاوتشات المعاد تصنيعها خطر ولا عادي تصلح !
بس الي اعرفه ان الطيارات بتستعملها بقالها كتير ومفيش اي مشاكل ولا حوادث حصلت الحمدلله.

ونقطه برضه لسه جايه في بالي. انا شايف ان بالنسبه للعربيات فإن تكلفة تصنيع كاوتش جديد هتكون ارخص من اعادة تصنيع القديم وهتاخد وقت اقل.
والله اعلم

بص فى الاول مفيش حاجة اسمها الطيارة بتغير كاوتش كل رحلة والكلام ده كاوتش الطيارة زى الكاوتش العادى بيفضل شغال لحد مايبدأ يظهر اى علامات اهتراء او مسح النقشه وده بيتقاس على عدد مرات هبوط مبدأيا غير كده حالة الكاوتش فى اثناء عمليات الصيانة هى الى بتجكم يعنى ممكن والطيارة بتعمل صيانة بعد 500 ساعة طيران نلاقى ان فى كاوتش محتاج يتغير فبيتغر وبعدين معلومة بسيطه يارجالة مصر للطيران بتجيب كاوتش جديد سواء ميشلان و بريدجستون لان الحمد لله مستوى السلامة فى مصر الطيران عالى ومش هتغامر بطياره ب 300 مليون دولار عليها 250 راكب علشان فرده كاوتش ... العملية عباره عن ريسيكلنج واعاده تصنيع و الكاوتش بيبقى جديد و مش بيخرج من مصنعة غير لما بيعدى على مهندسين جودة بيتأكد انها صالحة 100% بس الكلام ده فى نطاق ضيق جدا لحالات معينه ومش منتشر الموضوع ده فى كاوتش العربيات .

**mahmoud_afifi** · 06-04-2012 01:13 AM

المشاركة الأصلية كتبت بواسطة mohab555

بص فى الاول مفيش حاجة اسمها الطيارة بتغير كاوتش كل رحلة والكلام ده كاوتش الطيارة زى الكاوتش العادى بيفضل شغال لحد مايبدأ يظهر اى علامات اهتراء او مسح النقشه وده بيتقاس على عدد مرات هبوط مبدأيا غير كده حالة الكاوتش فى اثناء عمليات الصيانة هى الى بتجكم يعنى ممكن والطيارة بتعمل صيانة بعد 500 ساعة طيران نلاقى ان فى كاوتش محتاج يتغير فبيتغر وبعدين معلومة بسيطه يارجالة مصر للطيران بتجيب كاوتش جديد سواء ميشلان و بريدجستون لان الحمد لله مستوى السلامة فى مصر الطيران عالى ومش هتغامر بطياره ب 300 مليون دولار عليها 250 راكب علشان فرده كاوتش ... العملية عباره عن ريسيكلنج واعاده تصنيع و الكاوتش بيبقى جديد و مش بيخرج من مصنعة غير لما بيعدى على مهندسين جودة بيتأكد انها صالحة 100% بس الكلام ده فى نطاق ضيق جدا لحالات معينه ومش منتشر الموضوع ده فى كاوتش العربيات .

باشا, حضرتك عامل اقتباس للرد الخاطئ. مش انا الي قولت الكاوتش بيتغير بعد كل رحله ^_^

**Mohab555** · 06-04-2012 01:23 AM

المشاركة الأصلية كتبت بواسطة mahmoud_afifi

باشا, حضرتك عامل اقتباس للرد الخاطئ. مش انا الي قولت الكاوتش بيتغير بعد كل رحله ^_^

لامؤخذه ياحوده معلش اخوك مش نايم والله

**mahmoud_afifi** · 06-04-2012 01:27 AM

المشاركة الأصلية كتبت بواسطة Mohab555

لامؤخذه ياحوده معلش اخوك مش نايم والله

ولا يهمك يا هوبا. وعلى فكره انا اتدربت في مصر للطيران و عندي خلفيه عن كلامك ده ^_^
المهم بس نرجع للتوبيك الاساسي عشان انا استاذ في اني اخرج المواضيع عن مسارها :d

**Ashraf_Ibrahim** · 06-04-2012 04:58 AM

طيب أرد انا من الناحية العلمية -الكيميائية-
اللي بيتعمل دا مفيش منه اي خطورة مطلقا ومفيش منه اي مشكلة خالص
لأن بعد ما بيضيف طبقة المطاط دي -طبقات متعددة طبعا- بيعرض الكاوتش لضغط وحرارة كبيرة عشان تحصل عملية ال polymerization بحيث ان المطاط يتم معاملته كوحدة واحدة الجديد مع القديم ودا بيدي نفس كفاءة الكاوتش الجديد تماما
فدي مفيهاش اي خطورة مطلقا
بس العملية دي تستلزم ان جسم الكاوتش نفسه والسلك بتاعه او النايلون بتاعه يكون سليم بمعنى مفيش بلالين او ما شابه والا عملية اعادة بناء الهيكل الخارجي مش هتتم بنجاح وهيبقا فيه عامل خطر لأن الهيكل الداخلي مش سليم اصلا !
بس كدة يا رجالة اي خدمة
حد يناولني خمسة جنيه بقا على الكلمتين دول :D