سؤال لمالكى نوكيا n8

**Eng_Mostafa_89** · 05-04-2012 04:59 PM

السلام عليكم ورحمه الله وبركاته
الموبيل المفروض ان ال gbs نوكيا منزلاة ببلاش مدى الحياة فى التليفون واول لما جبت الموبيل كان شغال عادى ومكنتش فودافون بتخصم فلوس علي استخدامة دلوقتى اول لما ادخل افتح ال gbs الاقى على طول رسالة طلعت "تم خصم 1 جنية مقابل 3 ميجا" قلت اغير واجيب خط اتصالات واعمل باقة النت ال ب20 جنية فى الشهر وفعلا عملت كدة وبقيت استعمل الgbs عادى تانى ولما الشهر خلص قولت اجرب اشغل ال gbs لقيت برضوا ان مرضيش يشتغل علشان مفيش رصيد يدخل نت

المشكلة كمان فى حاجة لما كنت مشغل خط فودافون قولت بما ان فودافون بتاخد رصيد على ال gbs مش لازم استعملوا وبطلت استعملوا غير فى الضرورة بس لقيت حركة تانى رخمة جدا جدا انما لما اجى اشغل الكاميرا الاقى برضوا نفس الرسالة دى طلعتلى "تم خصم 1 جنية مقابل 3 ميجا"

المشكلة دى عندى انا بس ولا المشكلة دى عندكم كلكم؟
ولو عندنا كلنا يبقى كدة شركات الاتصالات بتستهبل

**dr.hazem** · 05-04-2012 07:04 PM

هتلاقي الاعددادات متغيره
وشوف اعدادات الكاميرا ووقف خاصيه الجيو تاجنج اللي ببتيح ان الصورة تضافلها معلومات مكان الالتقاط

لان اللي بيحصل معاك مش طبيعي اكيد والموبايل بيجيب الجي بي اس حتى لو مفيش شريحه بشرط تكون في مكان مفتوح

تحياتي

**dr.hazem** · 05-04-2012 10:37 PM

المشاركة الأصلية كتبت بواسطة eng_mostafa_89

انا عندى الجى بى اس مبيشتغلش لو مفيش شبكة
<ربت قبل كدة استعملوا فى منطقة ناحية نويبع مكنش فيها شبكة الجى بي اس مشتغلش

طيب معلش لما حضرتك بتشغل الجى بي اس بيخصم من الرصيد ؟

ياباشا مبيخصمش
هو مع اخويا وللاسف مسافر
بس هو بياخده وهو مسافر اوروبا ومبيحطش فيه شريحه وبيروح كل حته بيه
اهم حاجه تكون محمل الخرايط عالموبايل

انت محملهم ولا لأ؟؟؟

تحياتي

**Eng_Mostafa_89** · 05-04-2012 11:21 PM

المشاركة الأصلية كتبت بواسطة hm414

ياباشا مبيخصمش
هو مع اخويا وللاسف مسافر
بس هو بياخده وهو مسافر اوروبا ومبيحطش فيه شريحه وبيروح كل حته بيه
اهم حاجه تكون محمل الخرايط عالموبايل

انت محملهم ولا لأ؟؟؟

محمل الخرائط بتاعت مصر اه

تحياتي

المشاركة الأصلية كتبت بواسطة Ralliart

بص يا سيدي الفكره كلها ان الموبايلات اليومين دول فيها خاصية assisted gps بمعنى ان receiver بتاع الموبايل بيكون صغير جداً وبالتالي دقته مش عالية وبيكون بطيئ في لقط إشارة القمر الصناعي ولو شفت حجم ووزن الجهاز الدقيق اللي بنستخدمه في بعض اعمال المساحة هتستغرب..
فالفكرة كلها بتعتمد ان شبكات الموبايل محددين مواقع الابراج بتاعت الشبكة بدقة عالية جداً ومسجلينها والموبايل بيدخل على النت بسرعة بيلقط موقع البرج القريب فبيسرع من عملية لقط إشارة الـgps وبيزيد من دقتها بشكل ملحوظ بالاضافة لان اشارة القمر الصناعي لو قطعت او كانت ضعيفة جداً نتيجة انك دخلت في نفق او شارع ضيق بيحسب موقعك قبل ما الاشارة تضعف وسرعتك وبيحدد انت رحت فين والاشارة ضعيفة فبالتالي لما تطلع من المكان الضيق هتلاقيه لاقط معاك مش هيقطع ويرجع يدور تاني عالقمر الصناعي

لو عايز تستخدم الـgps بس مش assisted يبقى هتفتح
maps>>settings>>general>>connection>>offline
بس كده الجهاز هياخد وقت اطول في لقط الاشارة ودقته هتكون مقبولة نوعاً ما بالنسبة لعربية ماشية في الشارع

اول ماجبت الموبيل كان شغال كويس وعلى نفس التظبيطات بتاعت ال setting ودلوقتى برضوا معمول offline بس من غير رصيد مبيدخلش ومبيحددش موقعى