الوسواس حيجننى من بعد ما غيرت الفتيس

السلام عليكم يا جماعة انا بقالى كتير ما دخلتش المنتدى بسبب العربية
المهم انا بعد ما غيرت الفتيس اللى كلكوا عارفين موضوعه أركب العربية و أخاف ادوس بنزين أو كيك أو أجرى من اصله و كل شوية أغير زيت الفتيس و اروح للميكانيكى أقوله جرب كدة و سوق العربية دا حتى مشاويرى تقريباً قللتها جدا و بطلت اخرج بالعربية
لدرجة أنى فكرت فى بيعها و قلت أركب كورى من أبو 1000 جنية الفتيس
يا جماعة اللى غير فنيس للفيكترا يفيدنى يا ريت اسمع ردك يا عمرو جمال و كمان طنانى
مش عارف ليه و انا فى الطلعة الاولى ببقى حاسس ان العربية مش عايزة تجرى و بخاف ادوس بنزين
يا ريت تطمنونى و يا ريت مقابله و الناس تركب عربيتى و تجربها مش هزار و الله

محمود باشا ازي حضرتك ؟

بص يا باشا
الفتيس الجديد اللي انا ركبته دا 5 سرعات بتاع الايكوتيك غير اللي كان فيها 4 سرعات
حاسس فعلا ان تجميع العربيه من 0 ل 60 كدا بقي بطيء ف بضطر اكبس بنزين جامد
بس علي السرعات العاليه حلو اوي وبعمل كيك داون كتييييير
امبارح كنت عند الميكانيكي خليته طلع جربها قالي الطلعه مخنوقه بسبب طرمبه البنزين
ف مش عارف الفتيس هو اللي خانق الطلعه زي عند حضرتك كدا ولا فعلا الطرمبه ضعيفه زي ماهو قال او لأي سبب ما

عموما اجري بالعربيه براحتك وقضيها كيك داون طلاما بتغير زيت باستمرار بس ماتغيرهوش كتير زا ما بتقول كدا دا المفروض يتغير متوسط كل 40 الف مثلا علي حسب نوع الزيت
وهو في الاخر بردو انت اكيد غيرت الفتيس عشان عمره الافتراضي انتهي
اصل مش معقول انا في 3 شهور من ساعه ما جيبت العربيه تكون سواقتي بوظت الفتيس .. انا بحرق وبقرص وكدا بس بردو اكيد مش دا السبب

خليها علي الله

اقري دا موضوع جديد بيتكلمو عن كتر الكيك داون والحاجات اللي ممكن تأثر ع الفتيس الاوتوماتيك
http://www.nilemotors.net/Nile/281078-kick-down.html

تشكر يا عمورة انا فعلا جربت الكيك بعد ما الميكانيكى قاللى جربه بقلب جامد و لاقيت العربية طارت بيا بس بعيد عنك اللى اتقرص من الحنش يخاف من الحبل

و يا ريته حنش بعقل
دة تنين يا عم الحاج
انا برضوا شربت فتيس قبل كدة

يا عم زى الفل
دوس
عيش و سيبه يعيش
لو غلط
مكنوش حطوه فى الفتيس