-
برجاء المساعده ضروري
ياجماعه انا عايز اشتري عربيه ومعايا 25000 ومحتار بين
الفولفو 240 /244 موديلات من 1978ال1983
الريجاتا 85
فيات ارجينتا
فيات 132
فيات بولونيز
علما بأن والدتي واخويا هيتعلمموا عليها السواقه
انا نفسي في الفولفو بس خايف من انها طويله عشان والدتي واخواتي يعرفوا يسوقوها وعشان قطع غيارها وبرضه نفسي في الريجاتا
انا عارف اني هتعبكوا معايا وياريت اللي يصوتوا يكتبوا سبب التصويت
ومشكوريين مقدما
-
اية دة اسلام باشا بيسأل و عايز يجيب عربية ..واحنا منعرفش
انت تأمر يا اسلام باشا ..خد يا سيدى عندك
1-الفولفو
ركوبة المرسيدس وقطع غيار معقولة جداً و متوفرة توكيلها لسة شغال و عندة حاجاتها
بتاخد اى بنزين
مشكلتها فى حجمها ابعادها و استهلاكها للبنزين و انك تلاقى حالة كويسة
وخليك فى التمانينات بس و دى هاتبدى من 35 للحالات الكويسة
2-الريجاتا (عربية ذى الفل) بس حطيتها قبل ال 132 عشان مطلوبها عنها
3- ال 132 عربية تحفة ..بس قطع غيار غالية بالنسبة لموديلها القديم ..و لما بتفتح وخصوصاً الحالات التعبانة ..مش هتلاحق عليها شغل
فقط دوول لا غير
-
ريجاتا الأفضل من بين الخيارات المتاحة
موتور ممتاز
سحب شديد
صالون واسع (أوسع من الشاهين وأوسع من ال 132)
صيانة سهلة
قطع غيار معقولة
حديثة نسبياً (1985 - 1991)
ولكن إبحث عن حالة نظيفة
-
ريجاتا
ابعاد مش صعبة
قطع غيار موجودة
حديثة نسبيا
-
-
رغم عشقي لل 132
بس الافضل حاليا الريجاتا
ولو 132 حالتها شاذه يبقي اوك بس دا صعب حاليا
-
الباش مهندس عمرو حبيبي-حـــــــــــــازم باشا خــــــــــضر - الباشمهندس احمد -الاستاذ محمد- الاستاذ فهد
مشكووريين جدا يا جماعه علي الردود دي معلش انا عارف اني بتعبكم معايا بس استحملوني ده انا غلبااااااااااان
-
اسلام باشا بلدياتى :)
اسمحلى اقولك...ريجاتا افضلهم بلا منازع
-
متشكر ياهاني بيه يا ولد العم هاهاهاها
انا الي مخوفني من الريجاتا حكايه الدفع الأمامي وخصوصا اني متعود علي احدي عمالقه الدفع الخلفي البيجو 504
-
ياباشا ..الدفع الامامى له مميزات كثيييييييره بالذات فى العربيات الصغيره
اتكل على الله ياباشا..فعلا الريجاتا افضلهم
وبزياداك حديت كاتير :)
Content Relevant URLs by
vBSEO 3.6.0 PL2