طقم اصلاح كباس تكييف الفيكترا
السلام عليكم
ازيكو يا رجاله وعاملين ايه وكدا !
انا كنت شاحن التكييف من شهر ومغير الشجرة كلها وكان شغال تمام لمده اسبوعين كدا
بعد كدا لقيته مش بيسقع نهائي
روحت لمركز الصيانه اللي كان مظبطه .. كبس الكباس لقي فيه تسريب
وقالي كدا عايز طقم اصلاح للكباس بيكلف 400 جنيه وهعمل معاك واجب يبقي 500 بالشحن والمصناعيه !!
......
هو كدا كلامه صح فعلا ؟ وطقم الاصلاح دا بيعمل400 جنيه ؟ امال الكباس كله بكام !
واتأكد منين ان الكباس عايز طقم اصلاح كامل.. مش حاجه معينه بتسرب فيه وعايزة تتغير لوحدها بس طبعا كله يستسهل ويقولك طقم كامل؟
تاني حاجه بقي عندي سحب العربيه في الطلعه حاسس انه مخنوق خليت الميكانيكي جربها قالي طرمبه البنزين ضعيفه
سألت عليها لقيتها غاليه .. وحرام اغيرها وهي شغاله مافهاش مشاكل غير انها ضعيفه شويه
ممكن اعمل فيها ايه يخليها ماتخنقش العربيه في الطلعه كدا
وساعات لما اجي اقرص وانا بجري من ال صفر بسمع صوت خروشه زي مايكون كركره علي بسيط مع اني بحط بنزين92 !!
شكرا يا رجاله
والله المستعان
،
،