يا جمااااااااااااااااااعه بالراحه شويه و الاول ياريت نحدد المشكله فين
التكاتك دى التاكسى الرسمى فى الهند و مابيعملش اى مشاكل هناك
و الناس فى الهند كلهم راكبين موتوسيكلات لان البنزين هناك اللتر ب 8 جنيه و نص
و الموتوسيكل الصينى اكيد موش هو اللى فيه عيب و هو اللى بيطبع التخلف على دماغ اللى راكبه
و طبعا انا ضد اللى يقول احنا شعب متخلف و عايز طرب ال.........
كل بلد فيها المحترم و فيها الى عايز الحرق بس الدول المحترمه بتحط كل واحد فى المكان اللى يستحقه
الموشكله فى منتهى البساطه اننا عندنا مرور عقيم و موش عايز يظبط اى حاجه
هو لو فى بلدنا اتعمل غرامات جامده للى يسوق من غير رخصه سواء موتوسيكل او تكتك او عربيه كنتو هاتلاقو المشاكل دى؟
لاحظو ان اغلب المرضى اللى بيعملو مشاكل بالموتوسيكلات سنهم اصلا اصغر من السن القانونى للرخصه
هو لو المرور عندنا زى الدول التانيه ان اللى يخبطك او يجرح بس عربيتك حقك يجيلك و كمان تعويض كنا اشتكينا من تكاتك او موتوسيكلات؟؟
لو عندنا المرور بيطبق مخالفات عاليه على اللى يكسر على حاره غير حارته موش كانت الدنيا هاتنظبط؟
هو لو المرور عندنا طبق نظام ال UnderCover اللىى هو ظابط مرور منتكر و لابس مدنى و راكب عربيه عاديه و من حقه يغرم اى حد زى ماهو موجود فى كتير من الدول المحترمه موش كانت الدنيا هاتنظبط؟
كل مشاكل المرور فى مصر اتحلت فى دول تانيه زى دول الخليج و غيره بس احنا اللى المرور عندنا عامل ابو العريف و مابياخدش اى حلول من بره
المفضلات