هاي ازيكو يا جماعة ,زي مانتو عارفين انا معاية بي ام e90دلوقتي البطارية بتاعت العربية بتجيب اخرها وبتدور بالعافية فاكيد محتاجة تتغير مع العلم انها بطارية الفابريقة فمش عارف اجيبها منين لازم من التوكيل ولا ممكن اجبها من عند اي حد بتاع بطاريات
عرض للطباعة
هاي ازيكو يا جماعة ,زي مانتو عارفين انا معاية بي ام e90دلوقتي البطارية بتاعت العربية بتجيب اخرها وبتدور بالعافية فاكيد محتاجة تتغير مع العلم انها بطارية الفابريقة فمش عارف اجيبها منين لازم من التوكيل ولا ممكن اجبها من عند اي حد بتاع بطاريات
ممكن تجيبها من برة بس لازم اللى يركبهالك يكون كهربائى بى ام محترم مش اى كلام هى بتكون 88 امبير اصلى لسة مغيرها قريب
شكرا يا باشا علي الرد وياريت اعرف كلفتك كام البطارية؟؟لو فيها توفير جامد يبقي افضل طبعا
بعد إذنكم كان ليا سؤال علشان انا كمان حاسس انه بطرية عربيتى e90 ناوية تعملى مفاجئه: هو تغير البطارية لل e90 محتاج إحتياطات معينه؟ ولا زى أى عربية بنغير بطريتها؟
شكرا مقدما :)
البطاريه الجديدة في التوكيل بكام ؟
و برة التوكيل بكام ؟
البطارية مش شرط تجيبها من التوكيل ، بتاعت التوكيل ممكن تكون أحسن أو عمرها أطول شوية ، بس للأسف سعرها أغلى كتيير (حوالي 1200 جنيه بالتركيب ، في حين إن برة مش هتعدي نص التمن دة ! )
تركيبها سهل جداً وممكن تعملها بنفسك ، الفكرة في حاجتين ، الأولى انك محتاج تزبط كل الحاجات الكهربا (ذي الإزاز الكهرباء وفتحت السقف وكدة .. ) ، والحاجة التانية المفروض البطارية بتتسجل على كمبيوتر العربية ذي ما تقول كدة بيتعمل ليها معايرة عشان يزبط أفضل شحن وأفضل توقيت للفصل وحاجات كدة فنية ، مش بتحتاجها لو نفس البطارية ونفس المواصفات ، لكن لو هتغير المقاس والنوع أو المواصفات يبقى لازم تعمل الحاجات دي .
دي مش حاجة بتتعمل يدوي ، دي بالضبط ذي ما تقول كدة بتعمل ال-settings بتاعت البطارية الجديدة في كمبيوتر العربية ، ودة بيتم باستخدام أجهزة الكشف بتاعة BMW .
هي مش مشكلة كبيرة لو كانت البطارية الجديدة نفس البطارية القديمة بالضبط أو فرق بسيط في المواصفات ، لكن لو مختلفة لازم تتعمل الحكاية دي (يعني مثلاً كانت راكب فيها الأصلي أمبير 55 وإلي إنت جبتها 60 أو 62 )، أو ركبت بطارية جافة بدل السائلة أو كدة